استانادا حالىقارالىق STEAM وليمپياداسى وتەدى
ەلوردادا قالالىق جانە حالىقارالىق ەكى STEAM وليمپياداسى وتەدى. بۇل تۋرالى «Astana Innovations» اق باسقارما ءتوراعاسىنىڭ ورىنباسارى دانيال ايتكەنوۆ ايتىپ بەردى.
«STEAM وليمپياداسى – تەحنيكالىق ءبىلىم بەرۋدەگى بارلىق سوڭعى جەتىستىكتەردى قامتيتىن يننوۆاسيالىق ءبىلىم بەرۋ وليمپياداسى. وليمپيادا باعدارلامالاۋ، ينجەنەرلىك روبوتوتەحنيكا جانە 3D مودەلدەۋ سياقتى تەحنيكالىق سالالاردا ءبىلىم بەرۋدى قامتيدى. STEAM ءبىلىم بەرۋدى ناسيحاتتاۋ ناقتى ومىردە عىلىمي-تەحنيكالىق ءبىلىمدى قولدانۋدى جانە بالالارداعى تەحنيكالىق پاندەرگە قىزىعۋشىلىقتى دامىتۋدى بىلدىرەدى. 2017 جىلدان باستاپ 5 وليمپيادا وتكىزىلدى. بيىل قالالىق جانە حالىقارالىق 2 STEAM وليمپياداسىن وتكىزۋ جوسپارلانعان»، - دەدى د. ايتكەنوۆ استانا كوممۋنيكاسيالار قىزمەتىندە وتكەن بريفينگتە.
وليمپيادانى استانا قالاسىنىڭ اكىمدىگى سيفرلاندىرۋ جانە مەملەكەتتىك قىزمەت باسقارماسى، «استانا Innovations» اق، STEAM اكادەمياسى جانە Astana IT University قولداۋىمەن وتكىزەدى.
«شاراعا ەلوردالىق ءبىلىم بەرۋ مەكەمەلەرىنىڭ وقۋشىلارى، بارلىق وبلىستار مەن قالالاردىڭ مەكتەپ وقۋشىلارى جانە شەت ەلدەردەن كەلگەن وقۋشىلار دا قاتىسادى. ايتا كەتۋ كەرەك، مۇنداي وليمپيادالار ەلوردالىق وقۋشىلاردىڭ سيفرلىق ساۋاتتىلىعىن ارتتىراتىنى ءسوزسىز. قالالىق STEAM وليمپياداسىنا 200 وقۋشى جانە حالىقارالىق STEAM وليمپياداسىنا تاعى 200 وقۋشى قاتىسادى دەپ جوسپارلانىپ وتىر»، - دەدى د. ايتكەنوۆ.
You Might Also Like
-
وقۋ-اعارتۋ مينيسترلىگىندە ءبىلىم بەرۋ ۇيىمدارىندا پسيحولوگيالىق قىزمەتتەردى دامىتۋ پەرسپەكتيۆالارى تۋرالى كەڭەس ءوتتى.
