InfoHub Logo

اتا - انالارعا ارنالعان ترەنينگ
سالەمەتسىزدەر مە! قىمباتتى اتا – انالار! ارىپتەستەر!

بۇگىنگى «بارلىق الەم مەن ءۇشىن!» اپتالىعىنا وراي ۇيىمداستىرىلعان «اتا – انالارعا ارنالعان» ترەنينگكە قوش كەلدىڭىزدەر.
ماقساتى: سىزدەردىڭ كوڭىل – كۇيلەرىڭىزدى جاقسارتۋ، بىرىگىپ جۇمىس ىستەۋ جۇيەسىن دامىتۋ، وي قوزعاتۋ، ادىستەمەلىك كومەكتەر بەرۋ.
قاتىسۋشىلار: اتا – انالار، مۇعالىمدەر
جۇمىس ءتۇرى: توپتىق
كورنەكىلىكتەر: تاقتا، بەينە سلايد، فلاماستەرلەر، ۆاتمان ت. ب
جوسپار:
1. گۇل بەينەسىندەگى وتباسىن تانىستىرۋ.
2. «باقىت دەگەن نە ءوزى»
3. اياقتالماعان سويلەم
4. اتا – انالارعا سويلەم
5. «سۋرەتتەر سويلەيدى» ويىنى
6. فلەش – موب
7. رەلاكساسيالىق جاتتىعۋ
8. ساباق اياعىنداعى كوڭىل – كۇيدى كورسەتۋ.

جۇرگىزۋشى: ترەنينگتى باستاماس بۇرىن، تانىسىپ الايىق، «گۇل بەينەسىندەگى وتباسىن تانىستىرۋ» ويىنىن وتكىزەيىك. ءاربىر قاتىسۋشى ءوز وتباسىن گۇل بەينەسىندە سالىپ تانىستىرىپ وتەدى.
كەلەسى جاتتىعۋىمىز «باقىت دەگەن نە ءوزى» دەپ اتالادى.
كەز كەلگەن ادامنان ومىردەگى ەڭ قالاۋلى نارسەسى نە ەكەنىن سۇراڭىزشى. « مەن تەك باقىتتى بولعىم كەلەدى» ءبىز ءبارىمىز دە سول ءۇشىن ومىرگە كەلگەنبىز. ءبىراق باقىت دەگەن نە؟
اتا – انالار، قاتىسۋشىلار ءوز ويلارىمەن بولىسەدى.
ورتاعا كلاسس جەتەكشى شاقىرىلىپ تاپسىرما بەرىلەدى؛ بۇگىنگى قاتىسۋشىلاردىڭ ىشىنەن ەڭ باقىتتى دەگەن كىسىلەردى ورىن - ورنىمەن تۇرعىزۋ.
ارينە «قاناعات قارىن تويعىزادى»، ەندەشە قاناعات بولعان جەردە باقىت تا بولادى. باسقالارعا قۋانىش، باقىت سىيلاساڭ، وزىڭدە باقىتقا كەنەلەسىڭ. ءومىردىڭ قىزىعى دا وسىندا!
«اياقتالماعان سويلەم»
5 – 6 قاتىسۋشى ۇلەستىرمەلى قاعاز تاڭداپ الادى. بەرىلگەن سويلەمدى اياقتاۋ قاجەت.
ءسابي باقىتى، ول –
اتا - انا باقىتى، ول –
ايەل باقىتى، ول –
ەر - ازامات باقتى، ول –
ۇستاز باقىتى، ول –
بارلىقتارىڭىزدىڭ پىكىرلەرىڭىزگە كوپ - كوپ راحمەت.
اتا - انالارعا ۇسىنىس!
(وقىلىپ، تاراتىلادى)
رەلاكساسيالى جاتتىعۋ. (جاعىمدى، جاي اۋەن تىڭدالادى)
جۇرگىزۋشى: ىڭعايلى وتىرىڭىز. بۇگىن ءبىز ۇشقىش كىلەمىمەن ساياحاتقا شىعامىز. كىلەم اۋاعا كوتەرىلۋى ءۇشىن بوساڭسۋىمىز كەرەك. بۇل ءسىزدىڭ قولىڭىزدان كەلەدى. كوزىمىزدى جۇمامىز. قولىمىزدىڭ ساۋساقتارى جىلىنادى، قولىمىز جىلى جانە اۋىر. جىلۋ اياق قولدان جوعارىلاپ، ءىش، كەۋدە، ارقاعا جىلجىدى. بەتىڭىز بوساڭسىدى. ۇشقىش كىلەم جايمەن جوعارى كوتەرىلىپ كەلەدى. مىنە، ۇشىپ تا كەتتىڭىز....
... ۇلكەن ۇستەلدىڭ ۇستىمەن ۇشىپ باراسىز. شاعالالار ۇشىپ ءجۇر. جاعالاۋدا قايىقتار تەربەلىپ تۇر. كوگىلدىر بۇلتتار جوڭكىلۋدە. بۇلتتاردىڭ كەيبىرەۋى ۇلپىلدەك قويانعا، بىرەۋلەرى ماقتاعا، كىشكەنتايلارى اق مىسىققا ۇقسايدى. كىلەم اقىرىنداپ جەرگە ءتۇسىپ كەلە جاتىر. مىنە، ءسىز ادەمى باقتىڭ ىشىندەسىز. اينالا گۇلگە تولى، ءبارى سىزگە باسىن يزەپ، سالەم بەرۋدە. ءسىز باقتاعى سوقپاق جولمەن ءجۇرىپ الاڭقايعا شىقتىڭىز. بالالار دوپ ويناپ ءجۇر. ءسىزدىڭ اياعىڭىزعا دوپ دومالاپ كەلدى. ءسىز دوپتى كوتەرىپ، جوعارى لاقتىراسىز، دوپ ۇشىپ كەتتى. بۇل نەمەنە؟ سىزدە ۇشىپ باراسىز. ءوزىڭىز ۇشقىش كىلەمسىز ۇشتىڭىز. قولىڭىز ەكى جاعىڭىزدا قۇس سياقتى ۇشىپ كەتەسىز. مىنە، سىزگە تانىس كول كورىنەدى، شاعالالار قاناتتارىن بۇلعاپ سالەم جولداۋدا. قايىقتا وتىرعان بالىقشى سىزگە قول بۇلعايدى.
ءسىز ءارى قاراي ۇشاسىز. قاسىڭىزدا ۇلپىلدەك مىسىق سياقتى بۇلت بىرگە كەلەدى. ءسىز تومەن تۇسە باستادىڭىز. مىنە ورنىمىزعا دا كەلدىك. مىسىق سىزگە ىلەسىپ كەلەدى. جىپ جىلى مىسىق ءسىزدىڭ الدىڭىزدا وتىر. ونى سيپاڭىز دا قاسىڭىزعا وتىرعىڭىز. سەرۋەن سىزگە ۇنادى دەپ ويلايمىن.
ەندى الدارىڭىزداعى ستيكەرلەرگە سەرۋەندە كورگەندەرىڭىزدىڭ سۋرەتىن سالىپ، تىلەك تىلەپ، تاقتاعا تابيعات بەينەلەنگەن پلاكاتقا جاپسىرىڭىز، داۋىستاپ وقىڭىز.
ساباق اياعىنداعى كوڭىل - كۇيىمىزدى كورسەتەمىز.
ەستەلىككە سۋرەتكە ءتۇسۋ