InfoHub Logo

تاقىرىبى: اياۋلى، التىن كۇز
ماقساتى: كۇز مەزگىلىنىڭ ەرەكشەلىكتەرىن ۇعىندىرۋ. مەرەكەلىك كوڭىل - كۇي ورناتۋ. بالالاردى ءان سالۋعا، بي - بيلەۋگە، ءتۇرلى ءىس – ارەكەتتەرگە تارتۋ، بەيىمدىلىكتەرىن ارتتىرۋ. شىعارماشىلىق وي - قيالدارىنىڭ دامۋىنا ىقپال ەتۋ. اتا - انالارمەن تىعىز قارىم - قاتىناس قالىپتاستىرۋ.

جۇرگىزۋشى: سالەمەتسىزدەر مە، اتا - انالار جانە بالاباقشا اپايلارى! بۇگىن ورتاڭعى «تامشىلار»توبى بۇلدىرشىندەرىنىڭ دايىنداعان «اياۋلى، التىن كۇز»مەرەكەلىك ەرتەڭگىلىگىنە قوش كەلدىڭىزدەر!
كەزدەسكەن سوڭ كۇزبەنەن،
بۇتاعىنان ۇزىلگەن!
اي جاپىراق، سارى التىن،
اينالانىڭ ءبارى التىن.
قۋانتىپ بىزدەردى
مەرەكەلى كۇز كەلدى،
كەل جەمىستى التىن كۇز،
كەمەلدەنسىن حالقىمىز - دەپ ورتادا

رالينا:
بەرەكەسىن سايلاۋعا
ولكەمىزگە كۇز كەلدى
جەمىستەرىن جيناۋعا
شاقىرادى بىزدەردى

شاحناز:
قۇستار قايتتى ءان سالىپ
بۇلت شارلادى اسپاندى
قىس كەلدى جار سالىپ
كۇزگى سۋىق باستالدى

اقمونشاق:
كۇزىم اۋ كۇزىم اۋ
مىنەزىڭ بۇزىق اۋ
جاڭبىرىڭ سىركىرەپ
كەلگەنىڭ قىزىق اۋ.

حور:«كۇز جومارت» ءانى
كەلەسى كەزەكتى سىزدەرگە «كۇز وقيعاسىن» تاماشالاۋدى ۇسىنامىز.
ءبىر ۇيدە مارجان اتتى قىز اناسىمەن جانە اكەسىمەن بىرگە ءومىر ءسۇرىپتى. ول مەيىرىمدى، كوڭىلدى جانە وتە ءتىلالعىش ەدى. مارجان مارعاۋىم بولسا دەپ ارمانداپتى. جانە ءبىر كۇنى وعان اتا - اناسى مارعاۋدى سىيعا تارتىپتى. مارجان مارعاۋىنا مۋرزيك دەپ ات قويدى، مۋرزيك وتە ادەمى ءارى نازىك ەدى، ءبىراق وتە تەنتەك ەدى.
مارجان شىعادى.
مارجان: مۋرزيك، سەن تاعى ءبارىن شاشتىڭ با (سويلەپ ءجۇرىپ زاتتاردى جينايدى). مەنىڭ ويىنشىقتارىم، اجەمنىڭ جىپتەرى، كىتاپتاردى جىرتىپتى (مارعاۋدى شاقىرادى). مۋرزيك، مۋرزيك قايدا ءجۇرسىڭ ءوزىڭ؟
مۋرزيك جۇگىرىپ كەلەدى.
مارجان: ءوزىڭ قانداي تەنتەكسىڭ؟ كەلشى بەرى. مەنىڭ جانىما وتىرشى، مەن ساعان كىتاپ وقىپ بەرەيىن.

مارعاۋ: ماعان سەنىڭ كىتابىڭ كەرەك ەمەس. مەنى دالاعا جيبەرشى، سەرۋەندەپ كەلەيىن.

مارجان: جارايدى جاقسى، بارىپ سەرۋەندەپ كەل. تەك ورمانعا بارمايمىن دەپ ۋادە بەر، ول جەردە اداسىپ كەتەسىڭ. كازىر كۇن سۋىتتى سەبەبى كۇز كەلدى.

مارعاۋ: كۇز كەلدى. ول قايدا كەلدى؟ ول كىم ءوزى؟

مارجان: ءجۇر دالاعا، سول جەردە كۇزدى دە كورەسىڭ.

مارعاۋ: جاقسى ورمانعا بارمايمىن دەپ ۋادە بەرەمىن!
(جاپىراقتار بيىنە قىزداردى دايىنداۋ)

جۇرگىزۋشى. مارعاۋ ەسىكتىڭ ارتىنا شىعا سالا سىلەيىپ قالادى. دالا تاڭعاجايىپ كۇيگە ەنىپ تۇر. اينالادا ءتۇرلى - ءتۇستى جاپىراقتار اينالىپ ءجۇر. قىزىل، سارى، قىزعىلت، سامال جەل ولارمەن ويناپ ءجۇر. « بۇل نەتكەن كەرەمەت دەپ ويلادى مارعاۋ. تۇسىنىكتى بۇل كۇز كەلگەندىگىنىڭ بەلگىسى! ءبىراق ول قايدا، قاشان كەلەدى. مىندەتتى تۇردە ونىمەن كەزدەسۋ كەرەك!»

بي: «جاپىراقتار»
جاننا، جانايىم، كاۋسار. م، ايانات، انەل، ىڭكار

ايانات:
وي بالالار بالالار،
قوڭىرقاي كۇز بولىپتى.
قۋراپ جاپىراق سولىپتى،
ەل ەگىن ورىپتى.

جاننا:
التىن، سارى، قىزىل، كوك
الۋان الۋان جاپىراق.
كۇزگى باقتا كۇلىمدەپ،
كوز تارتادى اتىراپ

كىرپى شىعىپ مەن وزىممەن بىرگە كوكونىستەر مەن جەمىستەردى دە الا كەلدىم.

كىرپى.
دەنىڭ ساۋ مىقتى بولۋ ءۇشىن،
دارۋمەندەر جيناعان جەمىستەردى.
ءسۇيۋ كەرەك ءاردايىم،
دارۋمەندەر تىرەگىڭ.
جەتىسپەسە ءبىرى ونىڭ،
اۋىرىپ سەن قالارسىڭ.

ەراسىل (كارتوپ)
مەن ۇيالشاق كارتوپپىن
مەن ەمەسپىن ماقتانار
مەنى جاقسى كورەدى
ۇلكەندەر مەن بالالار

ا. ءىلياس (المۇرت)
ءتىل ۇيىرگەن المۇرتپىن،
تاڭسىعىمىن بار جۇرتتىڭ.
جاقسى وسىرە المايدى،
قاراسا ەگەر سالعىرت كىم.

ريزابەك (الما)
نارتتاي قىزىل المامىن،
ءماز بولادى العاندار.
جازدا ادەمى كيىنەم،
ءتىلدى بالداي ۇيىرەم.

ارسەن (قىزاناق)
پىسكەن كەزدە قىزاناق
كوز تارتار قىزىل تۇسىمەن
بار ما ادام سۇيسىنبەي،
تومات شىرىن ىشپەگەن؟

مانسۋر (ءسابىز)
كىم بار ءسابىز شىرىنىن
جاستايىنان ىشپەگەن؟
مەنى جەگەن ادامدار
كەم بولمايدى كۇشكە دە!

مارعاۋ: Cالەم
(كىرپىگە تاڭدانىسپەن قاراپ).
كىرپى: سالەم
مارعاۋ: سەن كىمسىڭ ءوزىڭ؟
كىرپى: وي مەنىڭ كىم ەكەنىمدى بىلمەيدى. بالالار ايتىڭدارشى وعان مەن كىممىن؟
بالالار: كىرپى
مارعاۋ: كىرپى قىزىق ەكەن. ال سەن نەعىپ ءجۇرسىڭ؟
كىرپى: مەنىڭ ۇيدە كىشكەنتاي بالالارىم بار، مەن قىسقا ازىق قورىن دايىنداپ جاتىرمىن. ال سەن مارعاۋ نە ىستەپ ءجۇرسىڭ؟
مارعاۋ: مەن كۇزدى ىزدەپ ءجۇرمىن. مەن ونى ەشقاشان كورگەن ەمەسپىن. جاپىراقتاردى ءتۇرلى - ءتۇستى تۇسكە بوياعان ءدال سونىڭ ءوزى ەمەس پە. ونىمەن كەزدەسىپ العىسىمدى بىلدىرگىم كەلەدى.

تاربيەشىلەر: قاراكوز قوراباي قىزى
اينۇر نۇرمۇحانوۆا
ساز جەتەكشىسى: شۇعا جانتۇرعان قىزى
بي مامانى: المارا جاناتوللا قىزى

اياۋلى، التىن كۇز. جۇكتەۋ