ايدىڭ ەكىگە ءبولىنۋى: NASA كوز جەتكىزدى
2004 جىلعى سۇحباتتارىنىڭ بىرىندە زاگلۇل ءان-نادجار (مىسىرلىق عالىم، گەولوگ) ءبىر جىلدان استام ۋاقىت بويى كارديفف ۋنيۆەرسيتەتىنىڭ مەديسينا بولىمىندە لەكسيا وقىعانىن ايتتى. سول لەكسياعا مۇسىلمان جانە مۇسىلمان ەمەس عالىمدار قاتىسىپ «قۇراندا باياندالعان عاجايىپتاردىڭ عىلىمي دالەلدەرى» تاقىرىبىندا قىزۋ ديالوگ وتكەن.
ماجىلىسكە قاتىسۋشىلاردىڭ ءبىرى — انگليالىق ءداۋىد مۇسا پيدكوك (1975 جىلى يسلام ءدىنىن قابىلداپ، مۇسىلمان بولدى) بىلاي دەيدى: «مەن مۇسىلمان بولماس بۇرىن ءارتۇرلى دىندەردى زەرتتەدىم. كۇندەردىڭ بىرىندە ءبىر مۇسىلمان ستۋدەنت ماعان قۇران كىتابىن سىيلادى. ۇيگە كەلىپ قۇراندى اشقانىمدا كوزىمە «ءال-قامار» («اي») سۇرەسى ءتۇستى. سول سۇرەنىڭ: «قيامەت كۇنى جاقىندادى، اي جارىلدى...» دەگەن جەرىن وقىپ قالدىم. «بۇل مۇمكىن بە؟ اي جارىلىپ، كەيىن قايتا قوسىلا ما؟» دەگەن سۇراق قويدىم. كەيىن كىتاپتى جاۋىپ ءوز شارۋالارىما كىرىستىم. ءبىر ۋاقىتتا تەلەديداردى قوستىم، وندا تەلەجۇرگىزۋشى مەن NASA عارىشتىق كەمەسىنىڭ ءۇش عالىمى اراسىندا پىكىرتالاس ءجۇرىپ جاتىر ەكەن.
تەلەجۇرگىزۋشى ولاردىڭ ايعا بارىپ امەريكانىڭ تۋىن تىگۋ ءۇشىن قانشاما ميللياردتاعان دوللاردىڭ جۋمسالعانىن، ودان دا باسقا جەر بەتىندە الەۋمەتتىك پروبلەمالاردىڭ بار ەكەنىن، اش-جالاڭاش ادامداردىڭ كوبەيىپ كەلە جاتقانىن ايتىپ سوكتى.
اڭگىمە بىلاي ءوربىدى:
تەلەجۇرگىزۋشى:
— سىزدەر امەريكا تۋىن ايعا تىگۋ ءۇشىن عانا جۇزدەگەن ميلليارد دوللار جۇمسادىڭىزدار ما؟ — دەدى. سوندا NASA عالىمدارىنىڭ بەرگەن جاۋابى مەنى تاڭقالدىردى.
— جوق، ءبىز ايدىڭ ىشكى قۇرىلىسىن زەرتتەپ، وندا عاجاپ جاڭالىق اشتىق. ءبىر كەزدەرى اي ەكىگە ءبولىنىپ، سوسىن قايتا قوسىلعان ەكەن، — دەدى. قۇلاعىم ەلەڭ ەتە قالدى.
تەلەجۇرگىزۋشى:
— بۇل تۋرالى قالاي، قايدان بىلدىڭىزدەر؟
ولار:
— ءبىز ايدى اينالدىرا وراپ، ونىڭ بەتكى جاعىنان ىشكى قويناۋىنا دەيىن جالعاسقان انوماليالىق قۇبىلىستى انىقتادىق، گەولوگ عالىمدار بىزگە مۇنداي قۇبىلىستىڭ تەك اي ەكىگە جارىلىپ، كەيىن قايتا قوسىلعان كەزدە عانا بولۋى مۇمكىن دەپ ءتۇسىندىردى.
سول ساتتەن سوڭ يسلام ءدىنىن قابىلداپ مۇمىلمان بولدىم.
وقۋعا كەڭەس بەرەمىز:
عارىش كەڭىستىگىنەن تۇنگى يتاليا (فوتو)
عالامشار كورىنىسى - حاببل تەلەسكوبى كومەگىمەن
ناسا 60 جىل عارىشتى زەرتتەپ، تاماشا فوتوسۋرەتتەردى جاريا ەتتى
You Might Also Like
-
حالىق تاۋەلسىزدىگىنىڭ ەڭ باستى بەلگىسى - ونىڭ انا ءتىلى، ۇلتتىق مادەنيەتى. ءوزىنىڭ انا ءتىلى، ۇلتتىق مادەنيەتى جوق ەل ءوز الدىنا مەملەكەت بولىپ ءومىر سۇرە المايدى. دۇنيەدەگى بارلىق حالىق تاۋەلسىزدىككە ۇ...
-
ناشار ەكولوگيالىق جاعدايلار، دۇرىس ەمەس جانە جۇيەسىز تاماقتانۋ، ەنەرگەتيكالىق سۋسىندار، حيميالىق زاتتار، كونسەرۆانتتار، ءارتۇرلى ەلەكتروندى تۇرمىستىق تەحنيكانىڭ ساۋلەسى، مۇنىڭ ءبارى ادام اعزاسىنا زيا...
