ءازىل ءتۇبى — ءزىل
ءۇش قۇربى جىگىت جولاۋشى كەلە جاتىپ، ءبىر ۇيگە تۇسەدى. ءۇي يەسى قوناقتارىمەن اڭگىمەلەسىپ وتىرادى. ءبىر كەزدە قوناقتاردىڭ بىرەۋى تىسقا شىعىپ كەتەدى. ءۇي يەسى قالعان قوناقتارىنان:
— الگى جىگىت قانداي ادام؟ — دەپ سۇرايدى. قوناقتار:
— ول ءوزى ءبىر ەسەك، — دەپتى.
جىگىت قايتىپ كەلگەن سوڭ، ۇيدەگى ەكى قوناق تا اتتارىن كورىپ كەلۋگە تىسقا شىعادى. ءۇي يەسى قالعان قوناقتان:
— بۇلار كىمدەر وزدەرى؟ — دەپ سۇراپتى. قوناق:
— بۇلار ءبىر جۇرگەن يت، شوشقا، — دەپتى. كەشكە اس ىشەر كەزدە ءۇي يەسى قوناقتاردىڭ الدىنا ءبىر دوربا س ۇلى، ءبىر مۇجىلگەن سۇيەك، سۋعا ارالاستىرىلعان ءبىر شىلاپشىن كەبەك اكەلىپ قويادى. قوناقتار اڭ-تاڭ بولىپ اشۋلانادى.
ءۇي يەسى:
— وزدەرىڭىز ءبىر-بىرىڭىزدى ەسەك، يت، شوشقا دەپ تانىستىرعاننان كەيىن ءارقايسىڭىزدىڭ سۇيگەن تاماقتارىڭىزدى ازىرلەتىپ ەدىم، — دەپتى.
You Might Also Like
-
بىرەۋ بۇركىت ۇستاپ الىپ، ونى ۇيرەتەدى، باپتايدى. بابى جەتتى دەگەن كەزدە تۇلكىگە سالادى. ءبىراق بۇركىت تۇلكىگە تۇسپەيدى.
