باعدارلامالاۋ نەگىزدەرى ءپانى 1-سىنىپتان باستاپ ەنگىزىلەدى — اسقار جۇماعالييەۆ
بيىل باعدارلامالاۋ نەگىزدەرى ءپانى 1-سىنىپتان باستاپ ەنگىزىلەدى. بۇل تۋرالى بۇگىن ۇكىمەت وتىرىسىندا «سيفرلىق قازاقستان» مەملەكەتتىك باعدارلاماسىنىڭ جۇزەگە اسىرىلۋ بارىسى جايىندا بايانداعان ق ر سيفرلىق دامۋ، يننوۆاسيا جانە اەروعارىش ونەركاسىبى ءمينيسترى اسقار جۇماعالييەۆ ايتتى.
«سيفرلىق قازاقستاننىڭ» ءبىرىنشى باعىتى — ادامي كاپيتالدى دامىتۋ بويىنشا بەلسەندى جۇمىستار اتقارىلۋدا. ەلىمىزدىڭ بارلىق مەكتەپتەرى كومپيۋتەرمەن جابدىقتالدى. مەكتەپتەردىڭ 93 پايىزى ينتەرنەت جەلىسىنە قوسىلعان. جوعارى ءبىلىم بەرۋدە 2019-2020 وقۋ جىلىنا سيفرلاندىرۋ باعىتى بويىنشا 19 مىڭعا جۋىق گرانت ءبولىندى. ءبىلىم ساپاسىن ارتتىرۋ ءۇشىن 2019 جىلى استانا حاب بازاسىندا «الەم» باعدارلامالاۋ مەكتەبى جانە نۇر-سۇلتان قالاسىندا Astana IT ۋنيۆەرسيتەتى اشىلدى. ول جەردە جاڭا بۋىن ماماندارى دايىندالادى»، — دەدى ول.
ءمينيستردىڭ دەرەگىنشە، حالىقتىڭ سيفرلىق ساۋاتىن اشۋ كۋرستارى تۇراقتى وتكىزىلۋدە. ناتيجەسىندە حالىقتىڭ سيفرلىق ساۋاتىنىڭ دەڭگەيى 79 پايىزدان اسىپ وتىر.
«ءبىز 2020 جىلى دا وسى جۇمىستاردى جالعاستىرامىز. باعدارلامالاۋ نەگىزدەرى ءپانىن 1-سىنىپتان باستاپ ەنگىزەمىز. الماتى قالاسىندا ەكىنشى «الەم» جانە احقو بازاسىندا QWASAR باعدارلامالاۋ مەكتەپتەرىن اشامىز. سيفرلىق ساۋاتتى 80 پايىزعا جەتكىزەمىز»،- دەدى اسقار جۇماعالييەۆ.
You Might Also Like
-
ءبىر كۇنى قوجاناسىردىڭ مانتى جەگىسى كەلىپ ايەلىنە:
