InfoHub Logo

توپتاماداعى ساباقتار ءتىزىمى:
1. ويۋ-ورنەك تۇرلەرىمەن تانىسۋ
2. سىرماق
3. تىشقانىزبەن كومكەرىلگەن قورجىن

ءبىلىم سالاسى: شىعارماشىلىق
ۇيىمداستىرىلعان وقۋ ءىس - ارەكەت تۇرلەرى: باعدارلاما «ويۋ - ورنەك الەمى»
تاقىرىبى: تىشقانىزبەن كومكەرىلگەن قورجىن
ماقساتى: ءبالالاردىتىشقانىز ويۋىن ۇلگى بويىنشا ويۋعا داعدىلاندىرۋ، ويۋدى پايدالانا وتىرىپ، قورجىندى اشەكەيلەۋگە ۇيرەتۋ، اسەمدىكتى سەزىنە بىلۋگە تاربيەلەۋ.
مەتوديكالىق ءادىس - تاسىلدەرى: ءتۇسىندىرۋ، كورسەتۋ، سۇراق - جاۋاپ، وي تاستاۋ، ويىن ويناتۋ، ماقال ايتۋ.
كورنەكى قۇرالدارى: قورجىننىڭ سۋرەت ۇلگىسى، ۇلەستىرمەلى قورجىندار سۋرەتى، ءتۇرلى - ءتۇستى قاعازدار، قايشى، جەلىم، تىشقان ءىز ويۋىنىڭ باستىرماسى، كىشكەنە ويىنشىق تۇرلەرى.

موتيۆاسيالىق قوزعاۋشى:
بالالار، ءبارىمىز ءبىر - بىرىمىزبەن امانداسىپ، جاقسى تىلەكتەر ايتايىق.
ءبىز بالدىرعان تەڭ باسقان
دوس قۇشاعىن كەڭ اشقان
تىلەيمىز ءبىز بەيبىت كۇن
اشىق بولسىن كەڭ اسپان.
راحمەت، بالالار تىلەكتەرىڭە، ءبارىمىز امان بولايىق.

ىزدەنۋ ۇيىمداستىرۋشى:
- بالالار، ءقازىر جىلدىڭ قاي مەزگىلى؟
- ءقازىر، كۇز مەزگىلى.
- كۇزدىڭ نەشە ايى بار ەكەن؟
- كۇزدىڭ ءۇش ايى بار.
- ءقازىر قاي ايى؟
- قاراشا ايى.

- كۇز مەزگىلىن سيپاتتاپ بەرە الاسىڭدار ما؟
- كۇن سالقىنداپ، كۇن بۇلتتانادى، جاڭبىر ءجيى جاۋادى، جەل سوعادى، جاپىراقتار سارعايىپ، جەرگە ۇشىپ تۇسەدى، قۇستار جىلى جاققا ۇشىپ كەتەدى.
- وتە جاقسى، بالالار.
ال، مىنا سۋرەتتەن نە كورىپ تۇرسىڭدار؟
- اتقا مىنگەن بالانى.
دۇرىس - اق.. تاعى نەنى بايقادىڭدار؟
- بالانىڭ الدىندا دوربا بار.
بالالار، ول دوربا ەمەس، قورجىن دەپ اتالادى.
- قورجىننىڭ ىشىندە نە بار دەپ ويلايسىڭدار؟
- تاماق نەمەسە كيىم.
دۇرىس، الىس جولعا شىققاندا قورجىنعا كيىم - كەشەك، اس - اۋقات سالۋ ىڭعايلى.
بۇگىن بىزدەر قورجىندى تىشقان ءىز ويۋىمەن اشەكەيلەپ ۇيرەنەمىز.(تاربيەشى جاسالۋ جولدارىن كورسەتەدى).
تىشقان ءىز ويۋى قانداي گەومەتريالىق پىشىنگە ۇقسايدى ەكەن؟
- تىزبەكتەلگەن ءۇشبۇرىشقا.
«كوز قورقاق قول باتىر» دەگەندەي، ەندى وزدەرىڭ جاساپ كورىڭدەر. ءبارىڭنىڭ دە قولدارىڭنان كەلەدى. بالالار، بەرىلگەن باستىرما بويىنشا تىشقان ءىز ويۋىن باستىرىپ، قايشىمەن قيىپ الىپ قورجىنعا جاپسىرادى.
شارشاساڭدار سەرگىپ الايىق.

سەرگىتۋ ءساتى:
ورنىمىزدان تۇرايىق
ءۇي شاتىرىن قۇرايىق
ۇقساي ما ەكەن ويۋعا
دوسىمىزدان سۇرايىق.

ويىن: «سيقىرلى قورجىن»
قورجىننىڭ ىشىنە ءۇي قۇستارىنىڭ، ءتورت تۇلىكتىڭ كىشكەنتاي ويىنشىقتارى سالىنعان.
بالالار، ويىن شارتى بويىنشا بىرەۋىن الىپ، سوعان سيپاتتاما بەرۋى كەرەك.
جىلقى - ءۇي جانۋارىنا جاتادى، ونىڭ ءسۇتى، ەتى پايدالى. جىلقى كىسىنەيدى.
تاۋىق - ءۇي قۇسى، ونىڭ جۇمىرتقاسىن، ەتىن پايدالانامىز.

رەفلەكسيۆتى كوررەكسيالاۋشى:
بالالار، قورجىندارىمىزدى كورمە سورەسىنە ورنالاستىرايىق.
بالالار ءوز ەڭبەكتەرىن ورنالاستىرادى، جانە ىشىنەن ەڭ ادەمىسىن تاڭدايدى
- قورجىندى كوركەمدەۋ قيىن بولعان جوق پا؟
- جوق، قيىن ەمەس.
- قانداي ويۋمەن كومكەردىڭدەر؟
- تىشقان ءىز ويۋىمەن.
وتە جاقسى بالالار.
- قانداي ماقالدى ەسكە تۇسىردىڭدەر؟
«كوز قورقاق قول باتىر»
- ماعىناسىن تۇسىندىڭدەر مە؟
- ءيا، كوزىڭمەن كورىپ قورىقساڭ دا، قولىڭمەن ىستەپ كورسەتە الاسىڭ.
- دۇرىس ايتاسىڭدار.
وسىمەن ساباعىمىز اياقتالدى، سىزدەرگە كوپ - كوپ راحمەت!