InfoHub Logo

توپتاماداعى ساباقتار ءتىزىمى:
1. انا - ءومىر شۋاعى
2. ارمىسىڭ، ءاز ناۋرىز
3. سيقىرلى ساندىقتاعى 2 سانى

«انا - ءومىر شۋاعى»
ەرتەڭگىلىك وتەتىن زال مەرەكەگە ساي ادەمى بەزەندىرىلگەن.
جۇرگىزۋشى: قىمباتتى انالار، اجەلەر، قۇرمەتتى قوناقتار 8 – ناۋرىز حالىقارالىق ايەلدەر كۇنىنە ارنالعان ەرتەڭگىلىگىمىزدى باستايمىز.
مەرەكەلەرىڭىز قۇتتى بولسىن!
ارداقتى انا اياۋلى انا، قىمباتتىم.
ءتاتتى ۇيقىڭدى ءبولىپ تالاي ءۇن قاتتىڭ.
ومىرىمە ءنارىن بەردى اق ءسۇتىن.
كەڭ اياسىنداي گۇل باقتىڭ.
(كوڭىلدى مۋزىكا ىرعاعىمەن ءان - كۇي زالىنا بالالار بي بيلەپ كىرەدى. ۇلدار قولدارىنداعى گۇل شوقتارىن قىزدارعا ۇسىنادى).
قۇتتىقتاۋ ءسوز بالاباقشا مەڭگەرۋشىسى ب. ب. ورىنباسارقىزىنا بەرىلەدى.
ايتورە:
سەنەن وسكەن بالالار.
باتارلارمەن دانالار!
قۇتتىقتايمىز مەيرامىڭمەن،
قۇرمەتتى انالار!
ينابات:
مەرەكەنى قارسى الىپ،
ءماز بولادى بارشا جۇرت،
گۇل ۇسىنىپ اناعا،
بەردىم ءوزىم ءان سالىپ.
ءيمانالى:
الپەشتەگەن، ايالاعان،
اق ءسۇت بەرگەن اپاتايىم.
سالەم جازىپ بۇگىن ساعان،
مەيرامىڭمەن قۇتتىقتايمىن.
نازىم:
مەيىرىمدى، سىمباتتى،
قادىرمەندى قىمباتتى،
ەڭ جاقىن جان بالاعا،
كىم دەسەڭدەر ول - انا.
ابىلاي:
انا – ءبىزدىڭ كۇنىمىز.
انا - ءبىزدىڭ گۇلىمىز،
انامىزدان تارايدى،
ءبىزدىڭ انا ءتىلىمىز.
مەرۋەرت:
جارقىن ءجۇزدى جان انام،
سەندەي بولسىن بار ادام.
الماز:
ءۇن قاتاسىڭ بال تىلمەن،
ەركەلەيمىن ءار كۇن مەن.
قۇتتىقتايمىن اناشىم،
8 - ناۋرىزبەن.
بالالار: مەرەكەلەرىڭىزبەن سۇيىكتى اناشىم!
ءان: «اپاتايىم اناشىم».
جۇرگىزۋشى: انالاردىڭ اناسى، اجەلەرگە ارنالعان بالالاردىڭ سىيىن قابىل الىڭىزدار.
ءمادينا:
اجەم مەنىڭ الىدە،
ۇقسامايدى كارىگە،
شاي قايناتىپ بەرەدى.
ءبىزدىڭ ءۇيدىڭ بارىنە.
ايزەرە:
انالاردى سۇيەمىز،
ءسوزىن ويعا تۇيەمىز،
اجەنى دە ارداقتاپ،
ادەپپەن باس يەمىز.
«قۋىرشاقتار» ءانى
(وسى ساتتە ەسىك قاعىپ، كوڭىلدى اۋەنمەن ماشا جۇگىرىپ كەلەدى).
ماشا: دوستارعا سالەم! مەن تانىدىڭدار ما؟ مەن ماشامىن عوي! ەڭ اقىلدى، ەڭ كوڭىلدى، ەڭ تاربيەلى قىزبىن. مەن سەندەردىڭ اجەلەرىڭدى، انالارىڭدى جانە قىزداردى مەرەكەمەن قۇتتىقتاۋ ءۇشىن ادەيى ەرتەگىلەر ەلىنەن كەلدىم.
جۇرگىزۋشى: ماشا بىزگە سىيلىققا نە اكەلدىڭ؟
ماشا: (رەنجىپ) مەن گۇل شوقتارىن دايىنداپ ەدىم. ءبىراق ولاردى ءجۇرىپ كەلە جاتىپ شاشىپ الدىم.
جۇرگىزۋشى: بالالار ءبىز ماشاعا گۇلدى جيناپ كومەكتەسەيىك.
ويىن «گۇل شوعىن جيناۋ»
(بالالاردىڭ كومەگىنە ريزا بولعان ماشا بيلەي جونەلدى).
جۇرگىزۋشى: ماشا سەن قانداي ءتاتتىنى جاقسى كورەسىڭ.
ماشا: ۇلكەن تورت، ۆارەنيە.
جۇرگىزۋشى: جوقتى ايتپا! بىزدە ۆارەنيە جوق. ال ءتاتتىنى مەرەكەدەن سوڭ الاسىڭ. سەن ءتاتتىنى كوپ جەگەننەن ءتىستىڭ اۋىراتىنىن بىلمەيدى ەكەنسىڭ عوي.
ءبىزدىڭ بالالار ونى جاقسى بىلەدى. جالپى دەنساۋلىق جاقسى بولۋ ءۇشىن دەنە شىنىقتىرۋ مەن شۇعىلدانعان ءجون. قازىرگى ءبىزدىڭ بالالار وزدەرىنىڭ قانداي كۇشتى ەكەندەرىن ساعان كورسەتەدى.
ويىن: «دوپپەن سەكىرۋ»
(ماشا بالالارعا العىسىن ايتىپ، ەرتەگىلەر ەلىنە كەلدى).
جۇرگىزۋشى: بالالار مەن سەندەرگە جۇمباق جاسىرايىن.
اق قار ەرىپ،
سۋ كوبەيىپ،
ساي سالاعا تولادى.
اعاش باسى بۇرشىك اتىپ،
گۇل بايشەشەك باسادى.
بوبەكتەرىم، ايتىڭدارشى
بۇل قاي كەزدە بولادى.
بالالار: كوكتەمدە!
(زالعا ۆالس اۋەنىمەن قولىندا سىيلىق سالىنعان سەبەتى بار كوكتەم كىردى).
كوكتەم: سالەمەتسىزدەر مە، بالالار، انالار!
ساعىنىش پەن جەتكەن،
كەلدى مىنە كوكتەم،
جايناپ نۇرلى گ ۇلى،
مەرەكەڭىز بۇگىن،
قۇتتى بولسىن انالار!
جۇرگىزۋشى: كوكتەم، ءبىز سەنىڭ كەلگەنىڭە وتە قۋانىشتىمىز. بالالار كۇنىنىڭ شۇعىلاسىن، سىلدىرىن ساعىندى. ءقازىر ءبىزدىڭ ايتورەمىز سىزگە ارناپ ءان سالىپ بەرەدى.
ءان: «مەنىڭ قازاقستانىم».
جۇرگىزۋشى: كوكتەم، سەن بالالارعا نە اكەلدىڭ؟
كوكتەم: مەن سەندەرگە كوكتەمنىڭ شۇعىلاسىن اكەلدىم(ءارتۇرلى لەنتالاردى شىعارادى). قانە بالالار لەنتانى الىپ «كوكتەم» ءبيىن بيلەيىك.
«كوكتەم» ءبيى.
كوكتەم بالالارعا العىس ايتادى.
جۇرگىزۋشى:
قانداي عاجاپ كۇن بۇگىن،
كۇمىس - كۇلكى، جان – جاعىڭ.
كۇلىمدەگەن بار بالا،
جىگىتتەر ءبيىن بيلەدى.
«تەڭىزشىلەر» ءبيى.
اتا - انالارمەن ويىن. «ءوز بالاڭدى تابىڭىز».
جۇرگىزۋشى:
قۇتتى بولسىن وسى شاتتىق كۇنىڭىز،
باقىتتى دا ۇزاق ءومىر ءسۇرىڭىز،
قۋانىشتى جۇزىڭىزبەن ءار دايىم،
بۇل ومىردە كۇلىپ قانا ءجۇرىڭىز.
كوڭىلدى اۋەنمەن بالالار دايىنداعان گۇلدەرىن انالارعا ۇسىنادى.
جۇرگىزۋشى: قۇرمەتتى انالار وسىمەن وزدەرىڭىزگە ارنالعان ەرتەڭگىلىگىمىز اياقتالدى. ءاردايىم كوكتەم گۇلىندەي جايناپ جۇرە بەرىڭىزدەر.