InfoHub Logo

بالالار مەن جاسوسپىرىمدەردىڭ كىتاپ وقۋىن قولداۋ جىلىن 2023 جىلعا دەيىن جالعاستىرۋ شەشىمى قابىلداندى.

بالالار ادەبيەتى جىلى اياسىندا مادەنيەت جانە سپورت مينيسترلىگى مەملەكەتتىك تاپسىرىسپەن شىعارعان 40 كىتاپتى تانىستىرعان ەدى.

«باسىلىپ شىققان ادەبيەتتەردىڭ 34ء-ى – وتاندىق قالامگەرلەر تۋىندىسى بولسا، التاۋى – الەم بالالار ادەبيەتىنىڭ اۋدارمالارى. اتاپ ايتقاندا، وتاندىق تانىمال اۆتورلار اقسەلەۋ سەيدىمبەك، گەرولد بەلگەر، نەسىپبەك ايت، شاكەن كۇمىسباي ۇلى، ورازاقىن اسقار، سالىقباي ابدىلدابەك، ناعاشىبەك قاپالبەك ۇلى، سەرىك بايقونوۆ، سەرىك قالي ۇلى، زاريا جۇمانوۆا جانە باسقا دا تالانتتى اۆتورلاردىڭ شىعارمالارى. اۋدارما ادەبيەت اراسىندا جاپون بالالار ادەبيەتى دە بار.

وسىنداي وڭ باستامالاردى جالعاستىرۋ ماقساتىندا بالالار مەن جاسوسپىرىمدەردىڭ كىتاپ وقۋىن قولداۋ جىلىن 2023 جىلعا دەيىن جالعاستىرۋ تۋرالى شەشىم قابىلداندى. بۇل باستامالار بالالار مەن جاسوسپىرىمدەر ادەبيەتىنىڭ كلاسسيكالىق جازۋشىلارى – بەردىبەك سوقپاقبايەۆ، سايىن مۇراتبەكوۆ، سانسىزباي سارعاسقايەۆ سىندى بۇگىنگى كۇننىڭ بالالار ادەبيەتى جازۋشىلارىنىڭ قالىپتاساتىنىنا ىقپال ەتەتىنىنە زور سەنىمدەمىز. بۇگىن تۇساۋى كەسىلگەن جيناقتار بالالار مەن جاسوسپىرىمدەر اراسىندا كىتاپ وقۋ مادەنيەتى مەن بەلسەندىلىگىن ارتتىرىپ، كىتاپ وقۋ مارتەبەسىن كوتەرەدى دەپ ەسەپتەيمىز»، - دەدى ق ر مادەنيەت جانە سپورت ءمينيسترى اقتوتى رايىمقۇلوۆا ەلورداداعى ق ر ۇلتتىق اكادەميالىق كىتاپحاناسىنداعى تۇساۋكەسەردە.

كىتاپتار ارنايى لوگوتيپپەن جانە 120 مىڭ تيراجبەن باسىلعان جانە ەلىمىزدىڭ بارلىق وڭىرىندەگى كىتاپحانالارعا تاراتىلعان.

جالپى بالالار ادەبيەتى جىلى اياسىندا مينيسترلىك قوعامدىق ماڭىزى بار 168 ادەبيەتتى 492 مىڭ دانامەن باسىپ شىعارعان جانە تاراتقان.

---