InfoHub Logo

مەملەكەت باسشىسىنىڭ تاپسىرماسىنا سايكەس 2 جاستان 6 جاسقا دەيىنگى بالالاردى مەكتەپكە دەيىنگى بىلىممەن قامتۋ ماقساتىندا جىل سوڭىنا دەيىن رەسپۋبليكا بويىنشا 81 مىڭ جاڭا ورىن اشۋ جوسپارلانىپ وتىر. ەلىمىزدە 11 317 مەكتەپكە دەيىنگى ۇيىم جۇمىس جاسايدى، بالالاردى قامتۋ دەڭگەيى - 89،1%.

وقۋ-اعارتۋ مينيسترلىگىنىڭ مالىمەتىنشە، مەكتەپكە دەيىنگى ۇيىمعا قابىلداۋ جىل بويى جۇرگىزىلەدى.

ماۋسىم ايىندا الماتى، استانا قالالارىندا، ۇلىتاۋ، قوستاناي، ماڭعىستاۋ وبلىستارىندا جاڭا توپتاردى جاساقتاۋ اياقتالدى.

قالعان وڭىرلەردە بۇل جۇمىس قىركۇيەك ايىنا دەيىن جالعاسادى.

كەزەككە قويۋ جانە جولداما بەرۋ ەلەكتوندى جۇيە ارقىلى جۇزەگە اسادى.

مەكتەپكە دەيىنگى ۇيىمدارعا قابىلداۋ ءۇشىن كەلەسى قۇجاتتار تالاپ ەتىلەدى:

1. قابىلداۋعا ارنالعان جولداما (بەرىلگەن كۇننەن باستاپ 5 جۇمىس كۇنى ىشىندە جارامدى)؛

2. ءوتىنىش (مەكتەپكە دەيىنگى ءبىلىم بەرۋ سالاسىندا مەملەكەتتىك قىزمەتتەر كورسەتۋ قاعيدالارىنىڭ 5-قوسىمشاسىنا سايكەس نىسان بويىنشا)؛

3. قىزمەت الۋشىنىڭ جەكە باسىن كۋالاندىراتىن قۇجات (اتا-انالارىنىڭ ءبىرىنىڭ نەمەسە زاڭدى وكىلىنىڭ) نەمەسە سيفرلىق قۇجاتتار سەرۆيسىنەن ەلەكتروندىق قۇجات؛

4. بالانىڭ تۋۋ تۋرالى كۋالىگى نەمەسە سيفرلىق قۇجاتتار سەرۆيسىنەن ەلەكتروندىق قۇجاتى؛

5. № 065/ە نىساندى پروفيلاكتيكالىق ەكپەلەردىڭ كارتاسى؛

6. № 027/ە نىساندى انىقتاما؛

7. پسيحولوگيالىق-مەديسينالىق-پەداگوگيكالىق كونسۋلتاسيانىڭ قورىتىندىسى (ەرەكشە ءبىلىم بەرۋدى قاجەت ەتەتىن بالالار ءۇشىن)؛

ايتا كەتۋ كەرەك، قازىرگى تاڭدا بالاباقشاعا كەزەككە قويۋ تارتىبىنە وزگەرىستەر ەنگىزىلۋدە. بالانى مەكتەپكە دەيىنگى ۇيىمعا كەزەككە قويۋ جانە قابىلداۋدىڭ ءبىرىڭعاي بازاسى قۇرىلۋدا.

---