(تىڭ كوتەرگەن ەرلەرگە)
كۇت مەكەن،
ىرىس مەكەن،
اسىل مەكەن،
اق بيداي اقتارىلعان شاشۋ ما ەكەن؟!
بابالارىم اڭساعان باقىت دەگەن
بايقاسام، بۇگىن مەنىڭ قاسىمدا ەكەن.
ىرىس اعىپ جاتىر عوي،
ىرىس اعىپ،
ب ا ق مەكەننەن بارشا جۇرت تىنىس الىپ،
ب ا ق مەكەندە قانشا جۇرت تۋىسادى،
دوستاسادى الدىندا ۇلى ءىس الىپ.
سەن - ەرلىكتىڭ مەكەنى شىنىقتىرعان
ەركىندىكپەن، ەڭبەكپەن تىنىقتىرعان.
ماڭداي تەرىم - دالامدا شىعىپ تۇرعان،
شايقالماعان باقىتىم تۇنىپ تۇرعان.
تىڭ دەگەن تىنىشتىقتىڭ تاڭباسى ما؟!
جاقسىلىق قوي ورناعان جان-باسىما،
تىڭ دەگەن دامىلداعان ديقان-بابا،
ميللياردىن قۇيىپ اپ قامباسىنا.
وۋ، مەنىڭ جومارت دالام،
مىرزا دالام!
ايماعىن التىنمەنەن سىرعالاعان،
دوستىقتىڭ داستارقانى جايىلعاندا،
دوسىم تۇگىل، قاسىم دا ىرزا ماعان.
قاسيەتتى قازاقستان!
تىڭ مەكەنىم،
الەمگە اتاعىندى تۋ كوتەردىم.
تۋ كوتەرىپ،
تۋسىعان تىڭ كوتەردىم،
تىڭ - ىرىسىم، سەنىمەن بىرگە وتەمىن

---