«بار جازعانى دانالىق بوپ سانالعان» ا. قۇنانباي ۇلى شىعارماشىلىعىنا ارنالعان مەكتەپىشىلىك سايىسى (سەناريي)
«ءسوز شەبەرلەرى سايىسى» باعدارلاماسى.
"بار جازعانى دانالىق بوپ سانالعان!"- اتتى اباي قۇنانباي ۇلى شىعارماشىلىعىنا ارنالعان مەكتەپىشىلىك سايىسى.
1ء-شى ءمۇعالىم:
تەكتى تۇقىم، شەشەن رۋدىڭ تۇياعى،
انا ءسۇتى ءدىلمارلىقتى قۇيادى...!
اكە ءىسى - جاقىن قىلىپ حالقىنا،
ال اجەسى - شارىقتاتتى قيالىن..!
ءوقۋ-بىلىم ساناسىنا شام جاقتى،
عىلىم ونى - اتاندىردى ەڭ جاقسى!
كوپ ويلانىپ، تەرەڭ سەزىپ، ءتۇيسىنىپ،
اينالاعا مارجان ويلار تاراتتى!
2ء-شى ءمۇعالىم:
دانالىققا عاشىق بولدى جاسىنان،
شىقپاۋشى ەدى، جاستار ىلعي قاسىنان!
ەۋروپادان تالاي كىتاپ الدىرىپ،
ورىس، پارسى، شاعاتايشا وقىعان!
قۇران، حاديس، شاريعاتتى زەرتتەگەن،
يمان جايىن، يحسان جايىن ەكشەگەن!
كەشەگى وتكەن دانا ابايدىڭ ۇرپاعى،
بۇل سايىستى باستايىق ءبىز سىزدەرمەن!
1ء-مۇعالىم:
- قۇرمەتتى وقۋشىلار! اباي اتامىزدىڭ 175 جىلدىق مەرەيتويىنا وراي "بار جازعانى دانالىق بوپ سانالعان" - اتتى ءسوز شەبەرلەرى سايىسىن باستايمىز!
2ء-مۇعالىم:
سىزدەردىڭ الدارىڭىزدا 6-7-8 سىنىپ وقۋشىلارى، شەشەندىك ونەردىڭ ءبىر قىرى بولىپ تابىلاتىن - ءسوز ساپتاۋ، ويدى سوزبەن كوركەم بەينەلەۋ، انىق سويلەپ، جۇرەككە جەتكىزە ءبىلۋ ونەرلەرىمەن جارىسقا تۇسەدى! جانكۇيەرلەر قول شاپالاقتاپ، دەمەپ وتىرىڭىزدار؟!
1ء-شى ءمۇعالىم:
- ورتاعا اقىن ولەڭدەرىن جاتقا وقۋدان جارىساتىن ءۇش وقۋشىنى شاقىرامىز!
(ەسىمدەرى)
(ورتاعا ءار سىنىپتان ءبىر وقۋشىدان، ءۇش وقۋشى شىعادى. العاشقى سايىس اباي ولەڭدەرىنەن جارىس. ءبىر وقۋشى باستايدى، ەكىنشىسى كەلەسى شۋماعىن ايتىپ، باسقا ولەڭدى جالعايدى. وسىلاي ءۇش وقۋشى نەمەسە التى وقۋشى جارىسسا بولادى.)
2ء-شى ءمۇعالىم:
قارا ءسوزدىڭ قاسيەتىن تەرەڭ ۇعىنعان ۇرپاق، وزدەرى دە بالا بولسا دا، دانا بولادى! ەندەشە ناعىز ءسوز شەبەرلەرىن ساحناعا شاقىرامىز:
(ەسىمدەرى)
(الدىمەن سىنىپ ارالىق سايىستا، ءار سىنىپتان ءبىر وقۋشى شىعادى. بىرەۋى ءبىر قارا ءسوزدى باستايدى، ەكىنشىسى جالعايدى! سوسىن ول باستاپ، قارسىلاسى اياقتايدى. قىسقا قارا سوزدەرمەن جارىسادى. وسىلاي ءۇش سىنىپ اراسىندا جەڭىمپازدار انىقتالىپ، ەڭ كوپ قارا ءسوز جاتتاعان بالا ماراپاتتالادى!)
1ء-شى ءمۇعالىم:
ەندى اباي اتامىزدىڭ ءومىرى باياندالاتىن شاعىن كورىنىستەرمەن جارىس جالعاسادى! قابىل الىڭىزدار!
(ءۇش سىنىپ ءۇش كورىنىس قويادى.)
2ء-شى ءمۇعالىم:
جۇرەكتى تەربەسىن،
اۋەزدى ءان، ادەمى!
وسىلاي تانىلار،
ابايدىڭ الەمى! - دەي وتىرىپ، كەزەكتى ءان جارىسقا بەرەيىك!
(اباي اندەرىنەن جارىس)
1ء-شى ءمۇعالىم:
اباي - دانا، اباي - دارا، قازاقتا!
ءسوز ءقادىرىن تۇيسىنبەگەن قازاق پا؟!
جاتتالسىن دەپ، جاس ۇرپاقتىڭ جادىندا،
شىعارماسىن اينالدىردىق سايىسقا!
2ء-شى ءمۇعالىم:
دانا دا كوپ، قازاعىمدا كوپ اقىن،
ءالى تالاي جۇلدىزدار كوپ، جاناتىن!
ەگەمەندى ەل، ماڭگى بولىپ تاۋەلسىز،
ۇرپاق تۋسىن، ءدال ابايداي بولاتىن!
قۇرمەتتى كورەرمەن، ۇستازدار، وقۋشىلار! بۇگىنگى سايىسىمىز وسىمەن ءوز مارەسىنە جەتتى. كەزەكتى ءسوزدى قازىلار القاسىنا بەرەمىز.
گ. قاسەنباي
23.01.2020
You Might Also Like
-
حالىقارالىق ەسىرتكىگە قارسى كۇرەس كۇنى قارساڭىندا الماتى قالاسى «جاستار رۋحى» جاستار قاناتىنىڭ بەلسەندىلەرى پوليسيا دەپارتامەنتى كىزمەتكەرلەرىمەن بىرلەسىپ تىيىم سالىنعان ەسىرتكى جارناما...
-
قابانباي تۋرالى شىڭجاڭدا تاراعان اڭىز-اڭگىمەلەردىڭ ءبىرقىدىرۋىنا جانىبەك باتىر ارالاسىپ كەلەدى. ءبىر كۇنى قابانباي، بوگەنباي، جانىبەك ۇشەۋى جورىققا اتتانادى. بۇلاردىڭ كىم ەكەنىن بىلمەي ارتىنان ءبىر جا...
