ءبارى تاماشا بولادى جانە بولاتىنىنا سەنە ءبىل!
بۇل كۇندەر وتەدى، قازىرگى سەزىنگەن باقىت تا، قاسىرەت تە وتكەن كۇننىڭ ەستەلىگى بولىپ قانا قالماق. سونىڭ بارلىعىن بىلە تۇرا، نەلىكتەن ءوز ءومىرىمىزدى قيىنداتا بەرمەكپىز؟ ادام دەگەننىڭ كۇللى تۇيسىك-تۇسىنىگىمەن نەگە الەمگە مەيىرىم-ماحابباتپەن قاراماسقا؟ نەگە اينالامىزداعىلاردىڭ ەلەڭ ەتۋگە تۇرمايتىن قىڭقۋ سوزدەرى مەن قىرعىن مىنەزدەرىنە كوز جۇما سالماسقا؟ ءبىر مينۋتقا قيمايتىن قايعىنى نەگە ءبىر ايعا ساعىزشا سوزىپ الامىز؟ نە ءۇشىن كۇڭىرەنىپ، كىم ءۇشىن جاس توگىپ ءجۇرمىز بىزدەر؟ ۇنسىزدىكتەن ۇرەيلەنىپ، كەرەڭدىكتەن كەسىرلىك كۇتىپ نە تانتىپ ءجۇرمىز؟ الەمگە نەلىكتەن ءبىر ءسات ءسابي كوڭىل، ءتاتتى سەزىم، سىرلى سەنىممەن قاراماسقا؟ نەگە بىزدەر ءار ۋاقىتتىڭ قۇنىن ءبىلىپ، بەرەكەلى وتكىزۋگە تىرىسپايمىز؟ ۇمىتىلمايتىن ەستەلىكتەردەن نە ءۇشىن قورقامىز؟
ءوز فوبيالارىڭىزدى جەڭىڭىزدەر. تىم قۇرىسا ارەكەت ەتە بىلىڭىزدەر. ادىلەتسىزدىكتەن اۋلاق بولىڭىزدار. ءاربىر كۇن، ءار مينۋتتى قادىرلەڭىزدەر.. ومىرگە كەلگەن كەزدە ءبارى قۋانادى، ال سەن جىلايسىڭ. ومىردەن وتكەن ساتتە وزگەلەر جىلايدى، سەن بۇل ومىردە جاساپ كەتكەن تىرلىگىڭە قۋاناتىنداي بولىپ كەت!
You Might Also Like
-
سوڭعى جۇرگىزىلگەن زەرتتەۋلەرگە سۇيەنسەك بولاشاقتا جۇمىس ورىندارىنىڭ كوپشىلىگىنە ءقاۋىپ ءتونىپ تۇر . ياعني ءقازىر بىزگە بەلگىلى تانىمال ماماندىقتار قاجەت بولماي قالاۋى مۇمكىن دەگەن بولجام بار .
-
فيلوسوفيا ما كەرەگى ؟! ءومىردى شەكسىز دەپ كىم ايتتى ساعان، ءومىر قىسقا جارىعىم شەكسىز كورمە! ساعىم بولعان، ساناۋلى ساتتەردەن قۇرالعان تۇنىقتىق سييۆولىمەن تۇسپا تۇس كەلگەندەگى تاعدىردىڭ ماعان ب...
