InfoHub Logo

توپتاماداعى ساباقتار ءتىزىمى
1.گيمناستيكا
2.تەپە-تەڭدىك ساقتاۋ جاتتىعۋلارى
3.كوڭىلدى ستارت

ساباقتىڭ تاقىرىبى: تەپە - تەڭدىك ساقتاۋ جاتتىعۋلارى
ا) بىلىمدىلىك: گيمناستيكالىق بورەنەدە تەپە - تەڭدىك ساقتاۋ جاتتىعۋلارىن ورىنداۋ
ءا) دامىتۋشىلىق: ەپتىلىكتى، قيمىل - قوزعالىس ارەكەتىن دامىتۋ
ب) تاربيەلىك: توزىمدىلىككە، ءوزارا دوستىققا، سىيلاستىققا تاربيەلەۋ
ساباقتىڭ ءتۇرى: جاڭا ءبىلىمدى قالىپتاستىرۋ ساباعى
ساباقتىڭ ءادىسى: بايانداۋ، ءتۇسىندىرۋ، كورسەتۋ
قۇرال - جابدىقتار: گيمناستيكالىق بورەنە، ىسقىرىق، دوپ، تاياقشا

قوزعالمالى بوي جازۋ جاتتىعۋلارى
- قولدى جوعارى ۇستاپ اياق ۇشىمەن ءجۇرۋ
- ەكى قول بەلدە وكشەمەن ءجۇرۋ
- ەكى قول بەلدە اياقتىڭ ىشكى جانە سىرتقى قىرىمەن ءجۇرۋ
- ءبىر قالىپتى جەڭىل جۇگىرۋ
- تىركەمە ادىممەن وڭ جانە سول بۇيىرمەن جۇگىرۋ
- ارقانى العا قاراتا وڭ يىقپەن قاراپ جۇگىرۋ
- العا قاراي سوزىلعان قول الاقانىنا ەكى تىزەنى تيگىزە جۇگىرۋ
- قول الاقانىنا اياقتىڭ ىشكى، سىرتقى قىرىن تيگىزە جۇگىرۋ
- وكشەنى ارتقا كوتەرىپ، ەكى الاقانعا تيگىزە جۇگىرۋ
- ەكى قول تىزەدە، تولىق وتىرىپ ءجۇرۋ
- وتىرىپ سەكىرە ءجۇرۋ
- دەم الۋ، دەم شىعارۋ

ساپتاعى بوي جازۋ جاتتىعۋلارى
- ساپپەن كەلىپ بىرنەشە قاتارعا تۇرۋ
- قولدى بەلگە ۇستاپ، باستى وڭعا جانە سولعا اينالدىرۋ
- قولدى يىققا ۇستاپ، شىنتاقتى العا جانە ارتقا اينالدىرۋ
- قولدى العا ءتۇزۋ سوزىپ، كەزەك - كەزەك ايقاستىرۋ
- ءبىر قولدى بەلگە ۇستاپ، ەكىنشى قولدى جوعارى كوتەرىپ، وڭعا جانە سولعا كەزەكپەن ءيىلۋ
- ەكى قولدى ەكى جاققا سوزىپ، وڭ قولدى سول اياققا، سول قول قولدى وڭ اياققا كەزەكپەن تيگىزۋ
- تىك تۇرىپ، ءبىر اياقپەن العا قاراي ءبىر قادام جاساپ، تىزەنى بۇگىپ، ەكى قولدى تىزەنىڭ ۇستىنە قويىپ، تومەن باسىلىپ، قايتادان باستاپقى قالىپقا كەلۋ
- قولدى العا سوزىپ ۇستاپ تۇرعان باستاپقى قالىپتا ەكى اياقتى كەزەكپەن جوعارى كوتەرۋ
- قولدى بەلگە ۇستاپ تۇرعان باستاپقى قالىپتا وتىرىپ، تۇرۋ
- ەكى قولدى ەكى تىزەگە ۇستاپ، تىزەنى ىشكە جانە سىرتقا اينالدىرۋ
- دەم الۋ، دەم شىعارۋ