InfoHub Logo

ءوزىن - ءوزى تانۋ
تاقىرىپتار:
1) ءبارىنىڭ باستاۋى ماحاببات
2) مەيىرىمدىلىك اسىل قاسيەت
3) دوس بولايىق ءبارىمىز

تاقىرىبى: ءبارىنىڭ باستاۋى ماحاببات
ماقساتى: ماحابباتتىڭ رۋحاني قۇندىلىق رەتىندەگى ۇعىمىن كەڭەيتۋ؛
قاتىسۋشىلاردىڭ وزدەرىن ماحاببات كوزى رەتىندە قابىلداۋىن قالىپتاستىرۋ.
مىندەتتەرى:
- مەيىرىمدىلىكتىڭ ادام ومىرىندەگى ماڭىزدىلىعىن ءتۇسىندىرۋ؛
- ءوزارا سىيلاستىق قارىم - قاتىناستارىن دامىتۋ؛
- مەيىرباندىققا تاربيەلەۋ.
كورنەكى قۇرالدارى: ءۇنتاسپا،، بەينەفيلم.
امانداسۋ.
- ءبىزدىڭ بۇگىن جينالعانىمىز قانداي تاماشا. ءبىز سىزدەردى كورۋگە قۋانىشتىمىز. سىزدەردى ماحاببات شەڭبەرىنە شاقىرامىز.
- كەلىڭىزدەر، تاعى ءبىر رەت امانداسايىق.
جان - جاعىنا نۇر شاشىپ
ارايلاپ جارقىن تاڭ اتسا،
جەر بەتىندە جايقالىپ،
كوگەرىپ وسسە كوك مايسا،
جۇرەگىم جىلي باستايدى.
ورالعاندا ساپاردان
الدىمنان جاقىن جان شىقسا،
كەزدەسكەندە دوستارىم
قۇشاعىن ماعان كەڭ اشسا،
جۇرەگىم جىلي باستايدى

جۇرەكتەن جۇرەككە:
ونەگە ساعاتى سوڭىندا بالالار ادامدارعا، اينالاسىنا مەيىرىمدى ەكەندىكتەرىن جىلى سوزدەرى ارقىلى بىلدىرەدى.
وقۋشىلار ساباق سوڭىندا وزدەرىنىڭ جۇرەك تۇپكىرىندەگى جىلى سەزىمدەرىنە ريزاشىلىقتارىن بىلدىرەدى. وقۋشىلار وڭ قولدارىمەن جۇرەك تۇسىن ۇستاپ كەزەگىمەن مىناداي سويلەمدەر ايتادى:
- مەنىڭ قايىرىمدى جۇرەگىمە راحمەت!
- مەنىڭ مەيىرىمدى جۇرەگىمە راحمەت!
- مەنىڭ جىلى جۇرەگىمە راحمەت!
- مەنىڭ جۇرەگىمنىڭ ادامداردى جاقسى كورگەنىنە راحمەت!
- مەنىڭ جۇرەگىمدەگى جاقسى كورۋ سەزىمىنە راحمەت!
- مەنىڭ جۇرەگىمنىڭ قۋانا بىلەتىنىنە راحمەت!
- مەنىڭ جۇرەگىمنىڭ جاناشىرلىعىنا راحمەت! جانە ت. ب.
ءان: ءارقاشان كۇن سونبەسىن.
قوشتاسار الدىندا سارا اپايعا نە ايتامىز؟
بالالار:
- راحمەت باقىتتى بالالىق شاققا.