InfoHub Logo

1) مەكتەپكە العاش كەلگەن كەزىم ەسىمدە،
ۇستازداردان قورىقتىم ەكەن نەسىنە؟
جاقسى وقىساڭ بارلىق ۇستاز اناڭداي -
ەركەلەتىپ بولەيدى ەكەن مەيىرىمگە...!

وكىنىشتى، ارتتا قالىپ بالالىق،
ورتا بۋىن وقۋشى بوپ بارامىز.
ۇستاز​ - انا، مايرا اپايىم،​ مىڭ العىس -
ۇمىتپايدى ءسىزدى وتىز بالاڭىز!

2) باستاۋىش سىنىپ،​ نە دەگەن قىزىق،
ەركەلەپ جۇرگەن مەكتەپتە.
تىڭداماي كۇلىپ، بولساق تا بۇزىق،
ۇستازدار ءتالىم ۇيرەتكەن.

باستاۋىش دەگەن - باستاپقى جىلدار،
مەكتەپپەن ءبىزدى دوس قىلعان.
باستاۋىش دەگەن - تەنتەكتەۋ ۇلدار،
قوقىستى تەۋىپ دوپ قىلعان.

3) باستاۋىش دەگەن - اياۋلى ۇستاز،
ۇيرەتكەن بىزگە كوپ ءبىلىم.
باستاۋىش سىنىپ، نە دەگەن تىم از،
سەندە ءوتتى بەس جىل ءومىرىم.

4) زىمىراپ ءوتتى، باستاۋىش سىنىپ،
بالاۋسا​ كۇندەر قالدى ارتتا.
كۇتۋدە الدا، بەسىنشى سىنىپ،
دەيدى عوي قيىن ول جاقتا..!

5) مىڭ العىس ايتام، ۇستازىم سىزگە،
مەيرىمىن توككەن انامداي.
شولجاڭداپ ءجيى، ەركەلەپ سىزگە،
باۋىر باسىپپىز​ بالاڭداي!

6) مەن تىلەك ايتام، ۇستازىم سىزگە،
وتسە ەكەن قىزىق ءار كۇنىڭ!
ۇمىتىپ كەتپەي،​ ەسكە العىن ءبىزدى،
بولسا دا سان مىڭ شاكىرتىڭ!

7) جاقسى كورەمىن،​ ۇستازىم ءسىزدى،
تىلەيمىن بارلىق باقىتتى.
ۇستاز بولعان جان، ەڭ اياۋلى ادام،
ساۋاپ قوي ءاربىر ۋاقىتى.

8) ۇمىتپاي ءسىزدى،​ ەسكە الىپ جۇرەم،
ۇستازىم مەنىڭ ەدى​ - دەپ.
دوس بولۋ - وڭاي، قوشتاسۋ - قيىن،
جۇرەگىم كەتتى ەلجىرەپ...!

9) كەشىرگىن ءبىزدى،​ اياۋلى ۇستاز،
كوڭلىڭە تيسەك كەي ىسپەن؟!
وسەمىز ءالى، ازامات بولىپ،
بولىسەرمىز كوپ جەڭىسپەن...!

10) سۇيىكتى ءبىزدىڭ مايرا اپايىمىز،
ماقتان تۇتاسىز ءبىزدى ءالى...!
شۋماقتارمەنەن العىس بىلدىرگەن،
4 "ق"-نىڭ ۇل مەن قىزدارى...!

11)​ ​ ​ ​ "ۇستازىڭدى اتاڭنان دا ءازىز تۇت!" - دەيدى قازاق.​ بۇگىن ءازىز تۇتار اياۋلى ۇستازىمىز - بايدىلدايەۆا مايرا بالتابايقىزىنا شەكسىز العىسىمىزدى ءبىلدىرىپ، باستاۋىش سىنىپپەن قوشتاسىپ وتىرمىز! قۇرمەتتى مەنىڭ ۇستازىم! ءبىز سىزگە بەرگەن ءبىلىمىڭىز بەن شەكسىز ءتالىمىڭىز ءۇشىن - زور العىس بىلدىرەمىز!
​ ​ ​ ​ ادەمى ءجۇزىڭىزدى ەشقاشان مۇڭ شالماسىن!
​ ​ ​ ​ ​ ​ ​ *​ ​ ​ ​ ​ ​ *​ ​ ​ ​ ​ ​ ​ *
12)​ ​ "ءمۇعالىم ءىسى سىرتتاي قاراپايىم بولعانمەن – تاريحتاعى ەڭ ۇلى ءىستىڭ ءبىرى"- دەگەن ك.د.ۋشينسكيي. اياۋلى ۇستازىم،​ بىزدەر ءۇشىن سارپ ەتكەن ەڭبەگىڭىز اقتالىپ، ورتا سىنىپتا تەك جوعارىدان كورىنەيىك! ءتارتىبىمىز بەن ءبىلىمىمىز - وزگەلەرگە ۇلگى بولسىن! ءسىزدىڭ ايتقان ءاربىر اقىلىڭىز - ءبىزدىڭ ويىمىزدا ماڭگى ساقتالادى!
​ ​ ​ ​ ​ ​ ​ ​ *​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ *
13)​ ​ "ماعان جاقسى ءمۇعالىم بارىنەن دە قىمبات، ويتكەنى ءمۇعالىم – مەكتەپتىڭ جۇرەگى." - دەگەن ىبىراي التىنسارين. ءبىز دە ءۇش جىلدان بەرى ۇستازىمىزدان ەڭ وزىق تالىم-تاربيە الىپ كەلدىك! ال بۇگىن باستاۋىشپەن قوسا، سۇيىكتى ۇستازىمىزبەن دە قوشتاسىپ، مۇڭايىپ تۇرمىز! ءبىز ءسىزدى ۇمىتپايمىز اياۋلى ۇستازىمىز مايرا اپاي! سىزگە شىعارماشىلىق تابىس تىلەيمىز!
​ ​ ​ ​ ​ ​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ *
14)​ ​ ​ ​ "ادامنىڭ ادامشىلدىعى… جاقسى ۇستازدان بولادى" - دەپتى اباي اتامىز. ادام بوپ كەلدىك ومىرگە، ادام بوپ ءوتۋ - تىلەگىمىز! ءبىلىم​ - باعىت، مەكتەپ - جۇرەگىمىز! ۇستاز - تالىمگەر، تاربيەشىمىز. بىزدەر - ءسىز دايىنداعان ەلدىڭ ەرتەڭىمىز! ۇلت ماقتان تۇتار ۇل-قىز بولايىق،​ ەل ءۇمىتىن اقتار ەر بولۋعا باردى سالايىق! سوندا عانا ۇستازىمىز ءبىزدى ماقتان تۇتادى!
​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ *
15)​ ​ ​ ​ ​ ​ "ءمۇعالىم ءوزىنىڭ بىلىمدىلىگىمەن، جۇرىس-تۇرىسىمەن، جايدارى مىنەزىمەن، ءتىپتى سىرت ءپىشىنى، كيگەن كيىمىمەن دە وقۋشىسىنا جاقسى ماعىنادا قاتتى اسەر ەتەدى."- دەگەن ەكەن مالىك عابدۋللين. بويىمنان جىلت ەتكەن جاقسى قاسيەت بايقاساڭىز، "ۇستازى جاقسى ەكەن"- دەپ ويلاي بەرىڭىز! مەن - ۇستازىمنىڭ ايناسىمىن! راقمەت سىزگە ۇستازىم! مەن ءسىزدىڭ ەسىمىڭىزدى كىرلەتپەۋگە تىرىسامىن!
​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ *
16)​ ​ "ۇستاز دەگەن ۇلاعاتتى اتاۋدى ەستىگەندە، كۇنى بۇگىنگە دەيىن ءوزىمدى شاكىرتتەي سەزىنەمىن".- دەپتى سەركە قوجامقۇلوۆ. ءبىز سىزگە ماڭگى شاكىرتپىز مايرا اپاي!​ ءسىزدىڭ ەسىمىڭىزدى جۇرەگىمىزدە ماڭگى ساقتايمىز!
​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *
17)​ ​ ​ "ەگەر ءمۇعالىم ءون بويىنا، ءوز ىسىنە، شاكىرتىنە دەگەن سۇيىسپەنشىلىكتى جيناقتاسا، ول – ناعىز ۇستاز"- دەپتى
ل.ن.تولستوي. ءبىز ءسىزدىڭ سۇيىسپەنشىلىگىڭىزدى سەزەمىز!​ ءبىز دە ءسىزدى قاتتى جاقسى كورەمىز! ءبىز سەكىلدى شاكىرتتەرىڭىز كوپ بولسىن!
​ ​ ​ ​ ​ ​ *​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ *
18)​ ​ "مەكتەپتىڭ جانى – ءمۇعالىم. ءمۇعالىم قانداي بولسا، مەكتەپ سونداي بولماقشى. ياعني، ءمۇعالىم ءبىلىمدى بولسا، ول مەكتەپتەن بالالار كوبىرەك ءبىلىم الىپ شىقپاقشى"- دەگەن احمەت بايتۇرسىنوۆ. ءبىز ءالى ۇلكەن ءبىلىم شىڭدارىن باعىندىرىپ، ۇستازدارىمىز بەن مەكتەبىمىزدىڭ داڭقىن اسقاقتاتاتىن بولامىز!​ جاساي بەر كەمەرتوعان ورتا مەكتەبى!
​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ *
19)​ ​ "قازاقتىڭ تاعدىرى، كەلەشەكتە ەل بولۋى دا مەكتەبىنىڭ قانداي نەگىزدە قۇرىلۋىنا بارىپ تىرەلەدى. مەكتەبىمىزدى تازا، بەرىك ءھام ءوز جانىمىزعا /قازاق جانىنا/ ۇيلەسەتىن نەگىزدە قۇرا بىلسەك، كەلەشەگىمىز ءۇشىن تايىنباي-اق سەرتتەسۋگە بولادى"- دەگەن ۇلت اقىنى ماعجان جۇمابايەۆ. مەن كەمەرتوعان ورتا مەكتەبىنە، بىزگە ءبىلىم بەرگەن بارلىق ۇستازدارعا،​ سىنىپ جەتەكشىمىز مايرا بالتابايقىزىنا - شەكسىز العىسىمدى بىلدىرەمىن! قوش بول، باستاۋىش!
​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ *
20)​ ​ "ۇستاز بولۋ – ءوز ۋاقىتىن اياماۋ، وزگەنىڭ باقىتىن ايالاۋ"- دەپتى ج.ج.رۋسسو. ءبىز ءۇشىن سارپ ەتكەن التىن ۋاقىتتارىڭىز اقتالسىن دەپ تىلەيمىن اياۋلى ۇستازىم!
​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ ​ *
21)​ "مۇعالىمدىك ماماندىق – بۇل ادامتانۋ، ادامنىڭ كۇردەلى جانە قىزىقتى، شىم-شىتىرىعى مول رۋحاني جان دۇنيەسىنە ۇڭىلە ءبىلۋ" - دەگەن ەكەن ۆ.ا.سۋحوملينسكيي. مەنىڭ بالا جۇرەگىمە جول تابا بىلگەن اياۋلى ۇستازدارىم! بارلىعىڭىزدى جاقسى كورەمىن!
​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ ​ ​ *
22) "ۇستازدىق - ۇلىق ەمەس، ۇلى قىزمەت"- دەگەن باۋىرجان مومىش ۇلى. ءسىزدىڭ ۇلى قىزمەتىڭىزگە شەكسىز العىس بىلدىرەمىز مايرا اپاي!
​ ​ ​ ​ ​ ​ *​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *
23) "ءىلىم ۇيرەنىپ، ودان سوڭ ونى باسقالارعا ۇيرەتپەۋ - مول دۇنيە جيىپ، ونى كەرەگىنە جاراتپاي، كومىپ قويعانمەن بىردەي"- دەگەن پايعامبارىمىز مۇحاممەد عالەيھيسساليام! ءبىز ۇستازدارىمىزدىڭ بويىنداعى بار ءبىلىمىن الدىق - دەپ ويلايمىن!​ ەندى وسى ءبىلىمدى دامىتىپ،​ ەل يگىلىگىنە جاراتۋ - ءبىزدىڭ پەرزەنتتىك پارىزىمىز!​ مىڭ العىس سىزدەرگە ۇستازدار!
​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ *
24) "ءوزىنىڭ ۇستازىنان اسىپ تۇسۋگە تالپىنباعان شاكىرت - بەيشارا" - دەپتى لەوناردو دا ۆينچي. ءبىز ءوز ۇستازدارىمىزدان دا اسىپ تۇسەتىن، بولاشاق ۇستازدارمىز! بىزدەرگە تىلەۋلەس بولىڭىزدار اياۋلى ۇستازدار!
​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ *
25) "ءمۇعالىمنىڭ بۇكىل ماقتانىشى - شاكىرتتەرىندە، ءوزى شاشقان ءبىلىم ۇرىقتارىنىڭ وسىپ-ونۋىندە" - دەگەن د.ي.مەندەلەيەۆ. ءبىز سىزدەردىڭ ماقتانىشتارىڭىز بولساق ەكەن! - دەپ تىلەيمىن، قىمباتتى ۇستازدارىم.
​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ ​ ​ *
26)​ ساباق ۇستىندە جىبىرلاپ،​ قىبىرلاپ،​ سىنىپتاستارعا سىبىرلاپ وتىراتىنمىن! ال ۇستازىم كوزبەن-اق ەسكەرتۋ جاساپ، مەيىرىممەن تاربيەلەي ءبىلدى. مىڭ العىس سىزگە ۇستازىم!
​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ ​ *
27)​ قوڭىراۋدا مەكتەپ دالىزىندە قاعازبەن تانكى ويناپ، ءۇستى-باسىمىز شاڭ-شاڭ بولىپ سىنىپقا كىرەتىنبىز! اپايىمىز قانشا مارتە ەسكەرتسە دە،​ ويناي بەرەتىنبىز! ەندى سول كەزدەر بالالىق ءتاتتى​ كۇندەردىڭ تاساسىندا، قول بۇلعاپ قالىپ بارادى... تەنتەكتىگىمىز ءۇشىن كەشىرىڭىز ءبىزدى مايرا اپاي؟!
​ ​ ​ ​ ​ ​ *​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ ​ *
28)​ ۇنەمى ەلگە سوقتىعىپ،​ اينالامدى شۋ قىلىپ جۇرەتىنمىن!​ ەندى جىگىت بولدىم. باستاۋىشتاعى سول قىلىقتارىما ۇيالامىن! مەيىرىمدى ۇستازىم،​ كوپ رەنجىتكەن تەنتەگىڭىزدى كەشىرىڭىز! مەن ءسىزدى جاقسى كورەمىن!
​ ​ ​ ​ *​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ ​ ​ ​ *
29)​ ماعان كوپ ەسكەرتۋ جاساپ، ۇنەمى باقىلاپ وتىراتىنسىز! ەندى مەنى ساعىناسىز دەپ ويلايمىن؟! ال مەن ءسىزدى ەشقاشان ۇمىتپايمىن! ۇلكەن جىگىت بولعاندا، كۇلىپ ەسكە الاتىن ەستەلىكتەرىم بولعانى ءۇشىن قۋانامىن! بار بولىڭىزدار اياۋلى ۇستازدار!
​ ​ ​ ​ ​ ​ *​ ​ ​ ​ ​ ​ ​ ​ ​ *​ ​ ​ ​ ​ ​ ​ ​ ​ ​ *
30)​ مەكتەپ ءومىرى - ءبىزدىڭ ەڭ ماڭىزدى كەزەڭىمىز! مىنە زىر ەتىپ باستاۋىش تا وتە شىقتى.​ ەندى ءبىر قاراعاندا مەكتەپتى دە ءبىتىرىپ جاتامىز!​ ءبىزدى اقىماق قالپىمىزدا قابىلداپ، اقىلدى ەتىپ شىعارىپ سالعان ۇستازدارعا العىسىمىز شەكسىز!​ قوش بول، باستاۋىش!

---