InfoHub Logo

ايدوس پەن قۇلتەمىر

(ساحناعا ۇل بالا شىعىپ،​ ءۇنسىز پىسىلداپ جىلاپ وتىرادى. ساحنانىڭ سىرتىنان​ "ەرتەمىر" ءمۋلتفيلمىنىڭ اۋەنى ەستىلەدى.)

- ەھ، شىركىن! مەنىڭ دە ۇيالى تەلەفونىم بولسا عوي! مەن سەكىلدى جاعدايى تومەن وتباسىنىڭ بالالارى، قالاي باقىتتى بولىپ وزگەرۋگە بولاتىنىن ءبىلۋشى ەدىم! شىركىن...! مەنىڭ دە انام باسقا انالار سەكىلدى ءجۇرىپ كەتسە ەكەن! اكەم بىزگە قايتا ورالسا ەكەن! مەندە ەڭ كەرەمەت كيىمدەر مەن وقۋ قۇرالدارى بولسا! وز-وزىمنەن ساباقتى جاقسى وقىپ كەتسەم عوي؟! سىنىپتاستارىم مەنى مازاقتاماسا عوي ەشقاشان! بارلىعى مەنىمەن دوس بولسا ەكەن..! يا، اللا! ماعان دا باقىتتى بولۋعا مۇمكىندىك بەرشى! بىرەۋدى جىبەرشى...! ول مەنىڭ دوسىم ءارى عاجايىپ كەڭەسشىم بولسا ەكەن!
​ ​(ءدال وسى ساتتە ساحناعا روبوت بولىپ كيىنگەن ادام شىعادى)
​​- سالەم، بالاقاي!
​- س- س-سالەم! سەن كى-كىمسىڭ؟
​- مەن قۇلتەمىرمىن! ساعان كومەكتەسۋگە كەلدىم!
​- سەن ماعان قالاي كومەكتەسەسىڭ؟
​- الدىمەن ماعان قيىندىقتارىڭدى ايت؟
​​- ممم، اۋەلى​ انام جازىلىپ كەتسە ەكەن!
​- جاقسى! اناڭا كومەك بەرەمىز!
​- ەكىنشى ادەمى كيىمدەرىم بولسا ەكەن؟!
​- وسى قالادا ءوزىڭ سەكىلدى بالالار تەگىن كيىنەتىن دۇكەن بار. سوعان ەرتىپ اپارايىن!
​- الاقاي! ساباقتى جاقسى وقىعىم كەلەدى؟
​- كۇنىگە ەكەۋىمىز بىرگە ساباق وقيتىن بولامىز!
​- كەرەمەت! ءبىراق... مەنى مەكتەپتە ەشكىم​ جاقسى كورمەيدى! ماعان مەكتەپ سول ءۇشىن ۇنامايدى...
​- مۇڭايما! ايناعا قاراشى..؟ شاش-تىرناعىڭ ءوسىپ كەتكەن،​ كيىمدەرىڭ لاس، ءۇستىڭ دە كىر! مۇنداي​ بالامەن كىم وينايدى؟ قانە، جۋىنىپ، تازالانىپ ال! شاشىڭدى الدىر! سوسىن سەنى بارلىعى قۇرمەتتەيتىن بولادى!
​- جارايدى...!
​- وندا كەتتىك مونشاعا؟!
​( ىنجىق پەن روبوت كەتەدى.​ باسقا ەكى بالا ساحناعا شىعادى.)
​- سامات،​ سەن بايقادىڭ با؟ ىن.. وي جوق، ايدوس قالاي وزگەرىپ كەتكەنىن؟!
​- يا! سوڭعى كەزدەرى ەڭ ۇزدىك،​ ەڭ ۇقىپتى،​ ەڭ جاقسى بالا بولىپ ءجۇر! بارلىعى سونى سىيلاپ كەتتى...! ءتىپتى جاقسى توبەلەسۋدى دە ۇيرەنىپ،​ ءوزىن ۇرعانداردىڭ سازايىن بەردى ەمەس پە؟!
​- وعان كىم كومەكتەستى- دەپ ويلايسىڭ؟
​- ول ءوزىنىڭ كەرەمەت دوسى بارىن ايتىپ ءجۇر! ەسىمى​ - قۇلتەمىر ەكەن!
​- نە..؟ راس پا؟ شىنىمەن قۇلتەمىر مە؟ قايدان الىپتى؟
​- بىلمەيمىن.
​- ءجۇرشى بارىپ كورەيىك..؟!
​(ەكەۋى كەتەدى.​ ساحناعا ىنجىق پەن قۇلتەمىر شىعىپ،​ ساباق وقىپ وتىرادى. وسى كەزدە ساحناعا قايتا دوستارى شىعادى.)
​-​ ايدوس..؟! مىناۋ كىم؟ شىن روبوت.. وي قۇلتەمىر مە؟
​- سالەم دوستار! يا، بۇل مەنىڭ ەڭ جاقسى دوسىم! ول ماعان ۇنەمى كومەكتەسەدى!
​- سويلەي مە؟
​- جۇرە الا ما؟
​- ارينە! ونىڭ قولىنان بارلىعى كەلەدى.​ قانە، دوسىم! ماعان قالاي ساباق ۇيرەتەتىنىڭدى كورسەتشى...
قۇلتەمىر:
​- سالەم بالاقايلار! سەندەر ايدوستى ءبولىپ،​ ونىمەن دوس بولماي قويعان سوڭ، مەن ونىڭ دوسى بولدىم! مەن ءقازىر كوبەيتۋ كەستەسىن سۇرايمىن؟ كىم جىلدام ايتا الادى؟ مەن شاتاستىرىپ سۇرايمىن..
​- مارات،​ سەن ايتشى..
​-​ جاقسى!
​- 7×8=؟
​- 56!
​- 8×9=؟
​- 72
​- 6×8=؟
​- 46
​- 48!
ۇلتەمىر:
​- جارايسىڭ مارات! ءبىراق سوڭعى جاۋابىڭ قاتە بولدى! سەندەر قانداي پاننەن قينالىپ جۇرسىڭدەر؟
​- اعىلشىن،​ ورىس ءتىلى،​ ماتەماتيكا!
​- وندا كۇنىگە بىزبەن بىرگە ساباق وقۋعا قالاي قارايسىڭدار؟
​-​ البەتتە،​ قۋانا-قۋانا وقيمىز!
​- جاقسى! تەك مەنىڭ ءبىر شارتىم بار؟
​- كۇنىگە ون جاقسىلىق جاساساڭدار عانا مەن سەندەرمەن دوس بولامىن؟!
​- قالاي؟
​- مىسالى،​ دوستارىڭا كۇلىمدەپ امانداساسىڭدار! تاقتانى كەزەكشى بولماساڭدار دا سۇرتەسىڭدەر! قىزداردى سىيلايسىڭدار! ۇستازدى تىڭدايسىڭدار! قاعاز لاقتىرمايسىڭدار! ەشكىمگە جامان ءسوز ايتپايسىڭدار! مازاقتامايسىڭدار! ارتىق ءبالىش الساڭدار، ايدوسپەن بولىسەسىڭدەر! ساباقتى وتە جاقسى وقيسىڭدار! مەنىڭ ايتقاندارىمدى مۇلتىكسىز ورىندايسىڭدار! قالاي؟ ۋادە بەرەسىڭدەر مە؟
​- ارينە! مىندەتتى تۇردە ورىنداۋعا تىرىسامىز...! تەك سەن​ كەتىپ قالماساڭ بولدى؟!
​- ەگەر مەنىڭ دوستارىم مەنى تىڭداسا،​ مەن ەشقايدا دا كەتپەيمىن! ال، ءقازىر الدىمىزعا ماقسات قويايىق! سامات، سەن وسكەندە ەلىڭە قانداي پايدا كەلتىرەسىڭ؟
​-​ مم بىلمەيمىن..
​- ساعان قانداي ماماندىق ۇنايدى؟
​-​ ماعان ينجەنەر-تەحنيك بولعان ۇنايدى!
​- وندا مەن ساعان روبوتوتەحنيكا ساباعىن ۇيرەتەمىن! بولاشاقتا سەن مەن سەكىلدى كوپتەگەن روبوتتار جاساپ، ايدوس سەكىلدى دوسى جوق بالالارعا تەگىن تاراتاتىن بولاسىڭ!
​- كەرەمەت! مەن اسپاز-روبوت، ءمۇعالىم-روبوت جانە ءۇي جيناپ، تاماق ىستەيتىن روبوت ويلاپ تاباتىن بولامىن!
​قۇلتەمىر:
​-​ مارات، سەن شە؟
​-​ مەن ءتىس دارىگەرى بولعىم كەلەدى.
​مەنىڭ اتام مەن اجەمنىڭ تىستەرى جوق! مەن ول كىسىلەرگە كەرەمەت قاتتى ءتىس جاساپ بەرەتىن بولامىن!
​- جارايسىڭ مارات! ارمانىڭا جەت! ال مەن ايدوستىڭ ارمانىن بىلەمىن...!
​- قانداي ارمان؟ ايدوس، قۇپيا بولماسا ايتشى...؟
​-​ مەن مەيىرىم ءۇيىن سالامىن! ول وتە ۇلكەن بولادى! ول جەردە جالعىزباستى قاريالار مەن جەتىم بالالار،​ ءۇيسىز جاس انالار،​ كومەككە مۇقتاج ادامدار تۇراتىن بولادى! مەن ولاردى ىڭعايلى ءارى جەڭىل جۇمىسپەن قامتيمىن! ايلىقتارىنىڭ ون پايىزىن ءۇي شىعىنىنا ۇستاپ، باسقاسىن تۇگەل تولەيمىن! ءوزىم تابيعي تازا ونىمدەر ءوندىرىپ، حالىققا ادال اس ساتاتىن بولامىن! باستىسى اناشىم جازىلسا بولعانى...!
​قۇلتەمىر:
​-​ ال مەن سەندەرگە كومەكتەسىپ، ۇنەمى قولداۋ بىلدىرەتىن بولامىن! ەل ەرتەڭى​ - ءبىلىمدى ۇرپاقتا! ەندەشە جۇرىڭدەر بارلىعىمىز بىرگە ساباق وقيىق!
​(بالالار ساحنادان كەتەدى)

05.01.2020

---