باۋىرساققا ورە سالامىز با؟
كۇزگى ۋاقىت ەكەن. تونتايدىڭ ۇيىنە ءبىر زامانداسى كەلىپتى. ايەلى شاي جاساپتى. تونتايدىڭ ءۇيىنىڭ تورگى جاعىنا توسەنىش قالىڭداۋ ءتۇسىپ، ەسىك جاعى قۇلاما ەكەن، داستارحانعا سالعان از عانا باۋىرساق ىلديعا دومالاپ، شالدىڭ الدىنان قاشىقتاي بەرىپتى.
الىگى كىسى باۋىرساقتى العان سايىن الدىنا تامان اكەلىپ قويسا، باۋىرساق جىلجىپ ىلديعا سىرعي بەرىپتى. ءوزىنىڭ باۋىرساققا قايتا-قايتا ۇمتىلا بەرگەنىن ىڭعايسىز كورگەن ول:
—وسى ءۇيدىڭ باۋىرساعى قۋعاندى كوپ كورگەن قاشاعان با، جوق الدە مەنىڭ قولىمنىڭ ەبى كەتكەن بە؟—دەپتى.
سوندا تونتاي جۇلىپ العانداي:
—سەنىڭ يكەمىڭ كەتىپ قيۋىڭ قاشتى ەكەن دەپ، باۋىرساققا ورە سالىپ قويامىز با،—دەپتى. قۇرداسى ۇندەي الماي قالىپتى. تونتايدىڭ بۇل ءسوزى دە ەل اۋزىندا ماتەل بولىپ كەتەدى.
You Might Also Like
-
ءۇش جولاۋشى پوەزد ۇستىندە كەلە جاتادى. پوەزد ءبىر قالادان ۇزاپ شىعا بەرگەندە تاماق جەگىسى كەلەدى. ولاردىڭ بىرىندە كۇلشە نان، ەكىنشىسىندە ءبىر كەسىم كولباسا عانا بار ەدى. ال ۇشىنشىسىندە ەشنارسە دە بولم...
-
تاشپەمبەت — ەسى دە، اقىلى دا ءبۇتىن، ءبىراق قالاي بولسا سولاي سويلەي سالاتىن اڭقاۋ، پارىقسىز ادام. ونىڭ ءسوزىن ول ماڭداعى ەلدىڭ ۇلكەنى دە، كىشىسى دە كەك تۇتپايدى، قانداي ءسوز سويلەسە دە، ونى قىزى...
