InfoHub Logo

bilim-all.kz قازاقستاندىق سايتتاردىڭ Award.kz ۇلتتىق ينتەرنەت جۇلدەسىن الدى.

AWARD.kz ۇلتتىق ينتەرنەت جۇلدەسى 2016 جىلدىڭ ەڭ ۇزدىك سايتتارىن جاريالادى.

ماسس-مەديا اتالىمىنا Vلاست اناليتيكالىق ينتەرنەت-جۋرنالى. «مادەنيەت پەن ونەر» اتالىمىنا قازاقستاندىق كينوعا ارنالعان «برودۆەي» سايتى، «بالا تاربيەسى، ءبىلىم مەن عىلىم» اتالىمىنا ماڭعىستاۋ وبلىسىنداعى مەكتەپتەردىڭ ەلەكتروندى پورتالى، «فيزكۋلتۋرا جانە سپورت، مەديسينا، دەنساۋلىق، ساياحاتتاۋ جانە دەمالىس» نوميناسياسىنا «رەنەسسانس» سپورت كلۋبىنىڭ سايتى، «جەلىلىك سەرۆيس» نوميناسياسىنا HiPO جۇمىس ىزدەۋ پورتالى، «كورپوراتيۆتىك سايت» نوميناسياسىنا «Top Kazakhstan» كومپانياسىنىڭ سايتى، «سالالىق جانە وڭىرلىك پورتال» نوميناسياسىنا AND.KZ سايتى، «بيلىك وگاندارى مەن ءوزىن ءوزى باسقارۋ» اتالىمىنا «اتامەكەن» ۇكپ سايتى، «قوعامدىق ۇيىمدار» اتالىمىنا Red Jolbors، «جەكە پاراقشالار» اتالىمىنا بيزنەسكە ارنالعان Netpeak بلوگى، «ينتەرنەت-دۇكەندەر» اتالىمىنا Topfood Kazakhstan، «پرومو-سايت» نوميناسياسىنا gear360.kz يە بولدى.

bilim-all.kz  «بالا تاربيەسى، ءبىلىم مەن عىلىم» كاتەگورياسى بويىنشا ءۇشىنشى ورىن يەلەندى، سونداي-اق "مەملەكەتتىك تىلدەگى ۇزدىك سايت" كاتەگورياسى بويىنشا العاشقى بەستىككە كىردى.

بۇدان بولەك، 7kun.kz قازاق تىلىندەگى ۇزدىك سايت اتاندى. ۇزدىك ەكى ءتىلدى سايت ماڭعىستاۋ تاريحي مۇراجايىنىڭ سايتى، ماركەتينگتىك الەۋەتى بار ۇزدىك سايت Lamoda.kz، ديزاينى ەڭ ۇزدىك سايت COME ON گادجەتتەر سايتى، «2016 جىلدىڭ اشىق سايتى» Topfood Kazakhstan ينتەرنەت دۇكەنى بولدى. ۇزدىك ۇيالى تەلەفون قوسىمشاسى - «Naimi.kz» قىزمەت جالداۋ قوسىمشاسى. كورەرمەندەر كوزايىمى سىيلىعى (ۆەب-داۋىس بەرۋ) - «Neupusti.net» جاستار پورتالى. كورەرمەندەر كوزايىمى سىيلىعى (sms- داۋىس بەرۋ) - «Vita Energy» ينتەرنەت-دۇكەنى. 2016 جىلى قازاقستاننىڭ ۇزدىك web-ستۋدياسى - (rocketfirm.com) راكەتالىق فيرماسى بولدى. قازنەتتەگى جىل ادامى رەتىندە باعدات مۋسين مەن قازپوشتا كومانداسى ماراپاتتالدى. قازنەتتەگى جىل كومپانياسى Yandex Taxi مەن Uber.

AWARD.kz ۇلتتىق ينتەرنەت پرەمياسىنىڭ ماقساتى — قازنەتتىڭ دامۋىن ىنتالاندىرۋ. 2016 جىلى حالىقارالىق ءادىلقازىلار القاسىنىڭ مۇشەلەرى مەن ساراپشىلار 500-دەن اسا قاتىسۋشىنىڭ اراسىنان جەڭىمپازدى 3 اي بويى ىرىكتەدى. قازىلار القاسىنىڭ قۇرامىندا الەمنىڭ 6 مەملەكەتىنىڭ ساراپشىلارى، سونداي-اق حالىقارالىق الەمگە ايگىلى Awwwards.com جانە Cssdesignawards.com. سياقتى كونكۋرستاردىڭ قازىلار القاسىنىڭ 4 مۇشەسى بولدى.

«بيىلعى جىلى كونكۋرس تالاپتارى وزگەرىپ، كۇردەلەنە ءتۇستى. بۇل، ارينە، ءادىل شەشىم قابىلداپ، ىرىكتەۋ جۇمىستارىن بارىنشا تياناقتى جۇرگىزۋگە مۇمكىندىك تۋعىزدى»، - دەپ حابارلادى ۇيىمداستىرۋشىلار.

---