InfoHub Logo

ءبىلىم – ادام ءومىرىنىڭ اجىراماس ءبىر بولىگى. تەحنولوگيانىڭ قارقىندى دامۋىنا قاراي الەم بويىنشا ءداستۇرلى وقىتۋ فورماسى ءجيى وزگەرىستەرگە ۇشىرادى. ەلدەگى پاندەميالىق جاعدايعا بايلانىستى كارانتيندىك رەجيم ونلاين وقىتۋ جۇيەسىمەن تابىستىردى. ونلاين كەزىندە دە وقىتۋدىڭ ەففەكتيۆتىلىگىنە نازار اۋدارىلدى. قاشىقتان وقىتۋ مۇعالىمدەرگە جاڭا داعدىلاردى يگەرۋگە، كاسىبي دامۋعا مۇمكىندىك بەردى. 

بۇگىندە قوسىمشا ءبىلىم العىسى كەلەتىن جانداردىڭ سانى ارتىپ جاتىر. وعان باستى سەبەپ – ادەتتەگى وقۋدىڭ ونلاين جۇيەگە اۋىسۋى. بۇعان دەيىن دە قوسىمشا ءبىلىم الۋ ءۇشىن رەپەتيتور ىزدەپ ساندالعان وقۋشىلاردىڭ قاراسى از بولدى دەي المايمىز. ءبىراق سۇرانىستىڭ وسكەنى بەلگىلى. ستاتيستيكاعا سۇيەنسەك بەس وقۋشىنىڭ بىرەۋى رەپەتيتوردىڭ كومەگىن قاجەت ەتەدى ەكەن. 

Daryn Tutor پلاتفورماسىنىڭ نەگىزگى ماقساتى – جوعارىدا ايتىلعان ماسەلەنى شەشۋ. ياعني ۇزدىك ۇستازداردى بىلىكتى رەپەتيتور رەتىندە تانىتىپ، قوعامدى ساپالى بىلىممەن قامتاماسىز ەتۋ. قازىرگى تاڭدا پلاتفورماعا تىركەلگەن مىڭعا جۋىق ۇستاز ءوزىنىڭ بىلەتىنىمەن بولىسۋگە دايىن. رەپەتيتور رەتىندە تەك قانا كاسىبي مۇعالىمدەر عانا ەمەس، ءبىلىمدى ستۋدەنت جاستار دا تىركەلە الادى. ودان بولەك ۇستاز وقۋشىنىڭ ءبىلىم ساپاسىن ارتتىرىپ عانا قويماي، ءوزى دە قوسىمشا تابىس تابادى.  

Daryn Tutor ارقىلى جالپى ءبىلىم باعدارلاماسىنا، قوسىمشا ساباقتارعا، ۇبت-عا، ەلىمىزدەگى ءتۇرلى زياتكەرلىك مەكتەپتەردىڭ ەمتيحانىنا، وليمپيادالارعا دايىندىق جۇرگىزۋگە بولادى. ونىمەن قوسا، رەپەتيتورلار تىزىمىندە دومبىرا، گيتارا سىندى ءتۇرلى اسپاپتا ويناۋدى ۇيرەتەتىن، سويلەۋ مانەرىنە، تەاتر ونەرىنە باۋليتىندار دا كەزدەسەدى. بىلايشا ايتقاندا، قاي ارناعا جاقىنسىز، قاي ىسكە تولىق توسەلگەنسىز – سونىمەن تابىس تابۋعا بارلىق مۇمكىندىك جاسالعان. ءسىز ءجاي عانا تىركەلىپ، ءوز انكەتاڭىزدى قالدىرساڭىز جەتكىلىكتى. قاپى قالماي، ءبىلىم سالاسىن جاڭا ارناعا تۇسىرەيىك.