InfoHub Logo

قازاقستاندا بالاماسى جوق BilimLand ۇلتتىق سيفرلىق ءبىلىم بەرۋ پلاتفورماسىنا بۇگىنگە دەيىن 7 000-عا جۋىق مەكتەپ قوسىلعان. قازاقستان بويىنشا ءبىلىم بەرۋ مەكەمەلەرىندەگى پەداگوگ ماماندار سايتتاعى بارلىق ساباقتى قولدانىپ، سيفرلى تەحنولوگيالاردىڭ تيىمدىلىگىن سەزىنۋدە.

سونىمەن قاتار bilimland.kz سايتى قاشان دا ۇستازداردىڭ ۋاقىتىن ءتيىمدى پايدالانىپ، تاجىريبە الماسۋى ءۇشىن پورتالدى ۇدايى جەتىلدىرۋدە. پەداگوگ مامانداردى قولداۋ ماقساتىندا سايتتا پەداگوگتەر قوعامداستىعى BilimLand اشىق الاڭى – "مۇعالىمگە" پاراقشاسى جاسالدى.

اتالعان پاراقشا بىرنەشە بولىمنەن تۇرادى. ولار:

1.    ساباقتار جانە سىنىپ ساعاتتارى
2.    ۆيدەو
3.    ۆەبينارلار
4.    ساباق جوسپارلارى
5.    فورۋم

قازىرگى تاڭدا "مۇعالىمگە" پاراقشاسىندا “جاڭاشىل ءمۇعالىم” بايقاۋىنىڭ اياسىنداعى ساباق جوسپارلارى مەن ساباقتاعى ۆيدەوۇزىندىلەر جيناقتالعان قور بار. وسى ءبولىمدى قولدانىپ جۇرگەن بەلسەندى ۇستازدار دايىن ساباق جوسپارلارىن كوشىرىپ الۋدان بولەك، ءوز جۇمىستارىمەن ءبولىسۋدى سۇراعان بولاتىن. كەلىپ تۇسكەن كوپ سۇرانىس پەن ۇسىنىستى نەگىزگە الا وتىرىپ، 2019 جىلدىڭ قازان ايىندا، "مۇعالىمگە" پاراقشاسى “ساباق جوسپارلارى” جانە “فورۋم” اتتى سۋ جاڭا بولىمدەرگە تولىقتىرىلدى. 

"ساباق جوسپارلارى" ءبولىمى – مۇعالىمدەرگە تاجىريبە الماسۋعا، ساباق جوسپارلارىن دايارلاۋدا ۋاقىت ۇنەمدەۋگە، جاساعان جۇمىستارىن جەتىلدىرۋگە مۇمكىندىك بەرمەك. ساباق جوسپارىن قوسۋ ءۇشىن “ساباق جوسپارلارى” ءبولىمىنىڭ ىشىندە “جوسپار قوسۋ” تۇيمەسىن باسىپ، وقۋ جانە ساباق ماقساتىن، تىلدىك ماقساتتارىن، كۇتىلەتىن ناتيجەسىن جانە باعالاۋ كريتەرييلەرىن ت.ب. كومپونەنتتەردى تولتىرۋ قاجەت. ەنگىزگەن ساباق جوسپارى لەزدە پورتالدا پايدا بولادى. قازىرگى تاڭدا پورتالدا 1000-عا جۋىق ساباق جوسپارى بار. ولاردى كەز-كەلگەن ۋاقىتتا تەگىن جۇكتەپ الۋعا بولادى. قولدانۋشىلارعا ۇناعان جۇمىستارعا ءلۇپىل باسىپ نەمەسە پىكىر قالدىرۋ مۇمكىندىگى قاراستىرىلعان. 

سونىمەن قاتار، الداعى ۋاقىتتا “ۇزدىك ساباق جوسپارى” بايقاۋى جوسپارلانۋدا. ەڭ ساپالى دايىندالعان ساباق جوسپارلارىنىڭ اۆتورلارى قارجىلاي سىيلىقتار مەن ارنايى سەرتيفيكاتقا يە بولماق.

"مۇعالىمگە" پاراقشاسىنداعى جاڭا بولىمدەردىڭ ءبىرى – فورۋم. اتالعان بولىمدە كەز-كەلگەن پورتال قولدانۋشىسى ءار ءتۇرلى پەداگوگيكالىق، تاربيەلىك، الەۋمەتتىك ت.ب. تاقىرىپتاردا  ءوز پىكىرىمەن بولىسۋىنە بولادى. ءقازىر پورتالدا “جاڭارتىلعان ءبىلىم بەرۋ مازمۇنى”، “ءمۇعالىم مارتەبەسى”، “اعىلشىن ءتىلىن ءبىرىنشى سىنىپتان باستاپ وقىتۋ”، “مەكتەپ ۇجىمىنداعى ارىپتەستىك قارىم-قاتىناس”، “ءمۇعالىمنىڭ زەينەتكە شىعۋ جاسى” ت.ب. سياقتى ءبىلىم سالاسىنداعى وزەكتى تاقىرىپتار بار. جاڭا تاقىرىپ اشۋ مۇمكىندىگى دە ەسكەرىلگەن. الەۋمەتتىك جەلى ارقىلى كىرىپ تە، تالقىلاۋعا قاتىسۋعا بولادى. جاقىن ارادا “فورۋم” بولىمىندە دە بايقاۋ جاريالانىپ، ەڭ بەلسەندى قولدانۋشىعا باعالى سىيلىق بەرىلەدى!

ۆەبينارلار بولىمىندە BilimLand قولدانۋشىلارى ونلاين ۆەبينارلارعا تەگىن قاتىسا الادى. ول ءۇشىن جوسپارلانعان ۆەبينارلار ىشىنەن قاجەتىن تاڭداپ، تىركەلۋ جەتكەلىكتى. ۆەبينار بولاتىن كۇن مەن ونىڭ ۋاقىتى الدىن-الا حابارلانادى. ونلاين ۆەبيناردى وتكىزىپ العان جاعدايدا، جازباسى پورتالدا ساقتالىپ وتىرادى. 

بولاشاقتا ۇستازدار قاۋىمىنىڭ وزدىگىنەن رەسپۋبليكالىق كولەمدە ونلاين ۆەبينار وتكىزۋ مۇمكىندىگى جوسپارلانۋدا. ونىڭ دا شارتتارى قاراپايىم: سايتقا تىركەلىپ، "ۆەبينارلار" بولىمىندە ساباق تاقىرىبى، ماقساتى، جوسپارى، وتكىزۋ ۋاقىتى مەن سپيكەر تۋرالى مالىمەتتەردى تولتىرىپ، ۆەبينار وتكىزۋگە ءوتىنىم قالدىرۋ كەرەك. ارنايى تەكسەرىستەن كەيىن BilimLand ۇجىمى سپيكەرمەن بايلانىسىپ ۆەبينار وتكىزۋ شارتتارى جايىندا كەلىسەدى. ۆەبينارلار ەلىمىزدىڭ ءار ايماعىندا ورنالاسقان رەسۋرستىق ورتالىقتاردا وتكىزىلمەك. ايتا كەتەيىك، ونلاين ساباق وتكىزگەن مامان رەسپۋبليكالىق دارەجەدەگى سەرتيفيكاتپەن ماراپاتتالادى.

---