InfoHub Logo

1 - قىركۇيەك – ءبىلىم كۇنى.
تاربيە ساعاتىنىڭ تاقىرىبى: «ءبىلىمنىڭ باستاۋى - بالاباقشادا».

تاربيە ساعاتىنىڭ ماقساتى: بالالارعا 1 - قىركۇيەك كۇنى – ءبىلىم كۇنى جايىندا تۇسىنىك بەرۋ. ءوز تۋعان ەلدەرىنە، جەرلەرىنە، بالاباقشاسىنا سۇيىسپەنشىلىككە تاربيەلەۋ. بايلانىستىرىپ سويلەۋگە، سويلەم قۇرا بىلۋگە ۇيرەتۋ.
كورنەكى - قۇرالدار: قازاقستان رەسپۋبليكاسىنىڭ رامىزدەرى، سۋرەتتەر.
ءادىس - تاسىلدەر: كورنەكىلىك، سوزدىك، سۇراق - جاۋاپ.
بارىسى: ءى. كىرىسپە ءبولىم.
ەستىگەندە كوك اسپاننىڭ استىندا،
تىك تۇرىندار ايتىلعاندا ءانۇران.
بار قازاقتىڭ ۇنىندەي شارىقتا،
شارىقتاشى، ءانۇرانىم، شارىقتا! مەملەكەتتىك ءانۇراندى ورىنداۋ.

تاربيەشى: شاتتىق شەڭبەرى:
جاڭا قادام جاسادىم،
قوش بولىپ تۇر، بەسىگىم.
مەن قۋانىپ اشامىن،
بالاباقشا ەسىگىن.

تاربيەشى: قۇرمەتتى تاربيەشىلەر! قىمباتتى بالالار، اتا - انالار جانە بارشا قازاقستاندىقتار! سىزدەردى بۇگىنگى جارقىن دا قۋانىشتى، ايتۋلى مەرەكە – ءبىلىم كۇنىمەن قۇتتىقتايمىن!

تاربيەشى: بالالار، بۇگىن بىزدە ەرەكشە كۇن، بۇگىنگى وقۋ ءىس - ارەكەتىمىز ءبىزدىڭ ءبىلىم كۇنىنە، ءبىرىنشى قىركۇيەك كۇنىنە ارنالادى. 1 - ءشى قىركۇيەك كۇنى بارلىق بالاباقشالاردا، مەكتەپتەردە باسقا دا ءبىلىم بەرۋ مەكەمەلەردە ساباقتار باستالادى. 1 - قىركۇيەك بارشا قالىقتىڭ ءداستۇرلى مەرەكەسى! بۇل كۇن سەندەر ءۇشىن، ياعني وقۋشىلار ءۇشىن جانە بىزدەر ءۇشىن، ۇستازدار، تاربيەشىلەر ءۇشىن ۇلكەن مەرەكە كۇنى بولىپ سانالادى. ءار ءبىر مەكتەپتەردە، بالاباقشالاردا، باسقا دا ءبىلىم بەرۋ مەكەمەلەردە تۇڭعىش قوڭىراۋ سوعىلادى (تاربيەشى قوڭىراۋ سوققان بالانىڭ سۋرەتىن كورسەتەدى).
وسى تۇڭعىش قوڭىراۋدان باستاپ كۇندەلىكتى وقۋ باستالادى. بالالار، جاقسى، ءبىلىمدى، تاربيەلى ازامات بولۋ ءۇشىن، ەرىنبەي وقۋ وقىپ، ءبىلىم الۋ كەرەك. ول ءۇشىن سەندەر بالاباقشاعا كۇندە كەلىپ، ساباق وقىپ، تاربيە الۋ كەرەكسىڭدەر.
بالالار، ءبىز ەكىنشى سابيلەر «وركەن» توبىندا وقۋ وقىعاندا ءبىزدىڭ قازاقستان رەسپۋبليكاسىنىڭ رامىزدەرى جايىندا ءبىلىم العانبىز، ەندەشە ەسىمىزگە تۇسىرەيىكشى، ءبىز قانداي قازاقستان رەسپۋبليكاسىنىڭ رامىزدەرىن بىلەمىز.
(بالالاردىڭ جاۋابىن تىڭداۋ)

تاربيەشى: دۇرىس، ءانۇران، ەلتاڭبا، تۋ.
بالالار، ايتىڭدارشى، ءبىز قاي رەسپۋبليكادا تۇرامىز؟
بالالار: ءبىز قازاقستان رەسپۋبليكاسىندا تۇرامىز.
تاربيەشى: دۇرىس. قازاقستان رەسپۋبليكاسىنىڭ پرەزيدەنتى كىم؟
بالالار: نۇرسۇلتان ءابىش ۇلى نازاربايەۆ.
تاربيەشى: وتە جاقسى. ءبىزدىڭ قازاقستان رەسپۋبليكاسىنىڭ ەلورداسى قاي قالادا؟
بالالار: قازاقستان رەسپۋبليكاسىنىڭ ەلورداسى استانا قالاسى.
تاربيەشى: وتە جاقسى بالالار. ايتىڭدارشى، ءبىز قاي اۋىلدا تۋىپ، ءومىر ءسۇرىپ جاتىرمىز؟
بالالار: ءبىز شەلەك اۋىلىندا تۋىپ، ءومىر ءسۇرىپ جاتىرمىز.
تاربيەشى: بالالار، ايتىڭدارشى، ءبىزدىڭ بالاباقشامىزدىڭ اتى قالاي؟
بالالار: «بايتەرەك» بالالار باقشاسى.
تاربيەشى: وتە جاقسى بالالار. سەندەر وزدەرىننىڭ رەسپۋبليكالارىن، رامىزدەر جايىندا، ەلوردا جايىندا بارلىعىن بىلەسىڭدەر. جارايسىڭدار!
ءىى. نەگىزگى ءبولىم.
ەندەشە ءبىز بۇگىنگى مەرەكەگە ارنالعان ولەڭ تاقپاقتارىمىزبەن وقۋ ءىس - ارەكەتىمىزدى جالعاستىرايىق.
تاربيەشى: بۇكىل ەلدە باستالىپ بۇگىن جىرى،
ب ا ق قوڭىراۋ شاقىرار ۇعىمدىنى.
ءبىلىم - عىلىم باستاۋى، مەرەكەلى
قۇتتى بولسىن بۇگىنگى ءبىلىم كۇنى! (شاپالاق).
ىڭكار: جىمىڭداپ كۇز كەلدى،
كۇلىڭىز ءسىز دە ەندى.
ءبىرىنشى قىركۇيەك
قارسى الشى بىزدەردى!
ابىلاي: ءوستى مىنە بويىمىز،
ءوستى مىنە ويىمىز.
قۋانىشقا ورتاقپىز،
قۇتتى بولسىن مەرەكەمىز.

جانسايا: بالاباقشا ەسىگىن
ۇشكە تولا اشقانبىز.
بالاپانداي ماپەلەپ،
وسىرۋدە باقشامىز.
ايبوتا: بۇل - ەكىنشى ءۇيىمىز،
ءبىر تۋعانبىز ءبارىمىز.
ءبىز - وسى ءۇيدىڭ گۇلىمىز
ءبىز - وسى ءۇيدىڭ ءسانىمىز.

نازىم: سىرلارى كوپ عىلىمنىڭ
شەشىلمەگەن ءالى دە
تەرەڭدىگى ءبىلىمنىڭ
كەرەك ەكەن بارىنە!
ايشا: ءبىلىم - مەنىڭ ەرتەڭىم
ءوسۋ ءۇشىن وركەنىم
جۇزەم وقۋ - ايدىندا
جايىپ ءبىلىم جەلكەنىن
ايقىن: قيىندىقتان وتۋگە
ارماندارعا جەتۋگە
ءبىلىم الام ەرىنبەي
ەلىمە قىزمەت ەتۋگە!

جانەركە: قىركۇيەكتىڭ بىرىندە،
كەۋدەم تولى دىرىلگە،
قۇلاق تۇيەم ەلەڭدەپ،
«باقشا» دەگەن ءبىر ۇنگە.

دۋمان. بالاباقشا - ايتار ءانىم،
سان رەت قايتالادىم.
وزىڭنەن العانىمدى،
وزىڭە قايتارامىن.

تاربيەشى: ەندى بالالاردىڭ ماقال - ماتەلدەرىن تىڭداپ كورەيىك.

انار: بىلەكتى ءبىردى جىعار،
ءبىلىمدى مىڭدى جىعار.

جانەركە: كىتاپ - ءبىلىم بۇلاعى،
ءبىلىم – ءومىر شىراعى.

ايبەك: اقىل ازبايدى،
ءبىلىم توزبايدى.

انگەلينا: وقى دا ءبىل،
وينا دا كۇل.

دانيال: ءبىلىم كۇنى قۇتتى بولسىن!

تاربيەشى: سەرگىتۋ ءساتى.
كۇندەي بولىپ كۇلەمىز،
گۇلدەي بولىپ وسەمىز.
قۇستاي بولىپ ۇشامىز،
كوبەلەكتەي قونامىز.

ءىىى. قورىتىندى ءبولىم.
شىرىلداعان تىنىم الماي
قوڭىراۋدىڭ ءۇنى قانداي!
ماقساتىنا جەتە مە ادام
وقۋ وقىپ، ءبىلىم الماي؟!
عىلىمنىڭ كوپ تاس قامالى
عالىمدىق تا اسقارالى
بار ءبىلىمنىڭ نۇر باستاۋى -
بالاباقشادان باستالادى!

تاربيەشى: مىنە، بالالار، وسى كۇننەن باستاپ بىزدە كۇندەلىكتى وقۋ ءىس - ارەكەتتەرىمىز، قىزىقتى دا كوپ نارسەگە ۇيرەنەتىن كۇندەرىمىز باستالدى. ءارقاشان بۇگىنگىدەي جاقسى كوڭىلمەن، بارلىعىن ۇيرەنەمىز.

ءبىلىمنىڭ باستاۋى - بالاباقشادا. جۇكتەۋ