بۇل ومىرگە كەلگەننەن سوڭ،
ەلشىسىندەي شەت ەلدىڭ،
ميسسيامدى اياقتاماي،
قالاي عانا كەتەرمىن،
حالىق دەگەن پاتشاما،
نەمەن جاۋاپ ەتەرمىن!
دانەكەر بوپ جۇرگەنىمدە،
اراسىندا ەكى ەلدىڭ،
مامىلەنىڭ نازىك ءجىبىن
ءۇزىپ السام نە ەتەرمىن؟!
نەدە بولسا، نار تاۋەكەل،
نار تاۋەكەل، كوتەردىم!
ساعات سايىن وزگەرەتىن،
مامىلەدەن قاتىباس،
اۋلاق بولام،جولامايمىن،
ايتقانىما تاتىماس.
دوس ەلمەنەن، دوستارعا ۇقساپ،
جاساپ باعام قاتىناس.
تۇلكى كۇيرىق ساياساتتىڭ،
التىنى ءۇشىن، نانى ءۇشىن،
قاسيەتتى دوستىقتىڭ، مەن
تاپتامايمىن نامىسىن.
بولاشاقتىڭ ەلشىسىمىن،
ديپلومات ەمەسپىن،
مەن باراتىن مەملەكەتتەر،
مەنى سولاي تانىسىن.

---