InfoHub Logo

جاپونيا «اياق استىنان» كومىرسۋتەكسىز ەنەرگەتيكاعا شىنىمەن ءوتىپ كەتتى. قاراڭىزدار. مىناۋ –العاشقى قارلىعاش: اتى –تويوتا ميراي.

جاپونيانىڭ اۆتوكولىك جاساۋشى الىبى Toyota الەمدەگى سۋتەگىمەن ىستەيتىن قوزعالتقىشى بار العاشقى اۆتوكولىكتىڭ سەريالى ءوندىرىسىن باستادى. جاڭا «Mirai» سەدان كولىگى تەك سۋتەگىمەن جۇمىس ىستەيدى، ال زياندى ءتۇتىننىڭ ورنىنا تازا سۋ ءوندىرىپ شىعارادى. قۇراستىرۋشىلاردىڭ ايتۋىنشا، باكتى ءبىر رەت تولتىرىپ السا، 650 شاقىرىمعا جەتەدى ەكەن.

جاپونيادا جاڭا كولىكتىڭ باعاسى 60 مىڭ دوللار شاماسىندا بولماق. سونىمەن قاتار، ەل ۇكىمەتى وسى ەكولوگياعا زيانسىز سەدانداردى ساتىپ العانداردىڭ ءارقايسىسى مەملەكەتتەن 17 مىڭ دوللار كولەمىندە سۋبسيديا الادى دەپ مالىمدەدى.

تولىق باكپەن سەدان 650 شاقىرىمداي ءجۇرىپ وتەدى، ال باكتى تولتىرۋ باعاسى ءبىر شاقىرىمعا شاققاندا شامامەن 0،1 دوللار بولماق.

اۆتوكولىكتىڭ بىرەگەي قوزعالتقىشىنداعى ەنەرگيا ەلەكترومەحانيكالىق گەنەراتوردىڭ ىشىندەگى سۋتەگى توتىعۋى ەسەبىنەن وندىرىلەدى. ەلەكتر موتوردىڭ قۋاتى 136 ات كۇشىنە تەڭ.

جاقىن ارادا سۋتەگىمەن جۇرەتىن اۆتوكولىكتەر نارىعىنا Honda دا شىقپاق.  كومپانيا 2016 جىلى FCV ۇلگىلەرىن ساتۋدى باستايدى.

تۇسىنبەي قالعاندار بولسا، تۇسىندىرەمىن: - بۇل مۇنايدىڭ «ءولىمى» عانا ەمەس، قازىرگى ءبىز بىلەتىن ەنەرگەتيكا سالاسىنىڭ دا اقىرى. ۇيلەر سۋتەگىمەن جۇمىس ىستەيتىن اۆتونومدى گەنەراتورلارمەن جابدىقتالا باستايدى. سايان-شۋشەن عانا ەمەس، بارلىق اتوم ەلەكترستانسيالارىنىڭ دا، ەلەكتر ەنەرگياسىن جەتكىزەتىن جەلىلەردىڭ دە قاجەتى بولماي قالادى. قانشا ادام جۇمىسسىز قالاتىنىن ەلەستەتىپ كورىڭىزشى؟ گەولوگتاردان باستاپ، ەلەكتر جابدىقتارىن وندىرۋشىلەرگە دەيىن –جۇمىسسىزدار قاتارىن تولىقتىرادى. جابدىقتار دەگەندى ايتپاي-اق قويايىق! مەتالدىڭ قۇنى كوك تيىن بولىپ قالادى!

---