بريتانيا شەتەلدىك ستۋدەنتتەرگە ديپلوم العان سوڭ 2 جىل جۇمىس ىستەۋگە رۇقسات ەتەدى
بريتانيا ۇكىمەتى 2020 جىلدان باستاپ، ۋنيۆەرسيتەتتى ءتامامداعان شەتەلدىك ستۋدەنتتەرگە 2 جىل ەلدە قالۋعا جانە جۇمىس ىستەۋگە رۇقسات ەتەدى. وسىلايشا پرەمەر بوريس دجونسون ەكس-ىشكى ىستەر ءمينيسترى تەرەزا مەي ەنگىزگەن يمميگراسيامەن كۇرەس تاسىلدەرىن توقتاتتى، دەپ ۆۆس حابارلايدى.
ۋنيۆەرسيتەتتى اياقتاپ، ديپلوم العان شەتەلدىك ستۋدەنتتەر بۇرىن بريتانيادا 2 جىل قالىپ، جۇمىس ىستەي الاتىن ەدى. 2012 جىلدان باستاپ تەرەزا مەيدىڭ شەشىمىمەن بۇل مەرزىم 4 ايعا شەكتەلدى.
2012 جىلى پرەمەر-مينيستر ديەۆيد كەمەرون جىلىنا بريتانياعا كەلەتىن ءجۇز مىڭ ادامنىڭ سانىن ون مىڭعا ازايتۋعا ۋادە بەرىپ، ىشكى ىستەر ءمينيسترى تەرەزا مەي ميگراسيانى ءىس جۇزىندە شەكتەۋگە كوشتى.
دەگەنمەن، كوپ ۇزاماي ەل ۇكىمەتىنىڭ بۇل ساياساتى قۇردىمعا كەتتى. بريتانيا ەۋرووداقتىڭ قۇرامىندا بولعاندىقتان، وداقتىڭ كەز كەلگەن ەلىنىڭ ازاماتى ەمىن-ەركىن كىرىپ-شىعۋ قۇقىعىنا يە. 2012 جىلدىڭ باسىندا عانا ازايعان ميگراسيا، كەيىن بىردەن ءوسىپ، جىلىنا كەلەتىن ادامدار سانى 260 مىڭعا ارتىپ كەتتى.
شىلدەدە بوريس دجونسون پرەمەر-مينيستر قىزمەتىنە كەلگەن سوڭ، ەرەجەنى وزگەرتتى. تۇرعىلىقتى قالۋ نەمەسە ەڭبەك ەتۋ ۆيزاسى ەۋرووداقتان بريتانياعا شىعىپ كەتسە دە، وداق ەلدەرىنە بىردەي بەرىلەتىن بولدى.
قازىرگى تاڭدا بريتانيادا باس-اياعى 460 مىڭ شەتەلدىك ستۋدەنت وقيدى، ولار جىلىنا 20 ميلليارد فۋنتقا دەيىن پايدا اكەلەدى.
You Might Also Like
-
باقىت دەگەن ءار كۇنىڭە شۇكىرشىلىك ەتۋ.ۋاقىت زىمىرىپ ءوتىپ كەتىپ جاتىر،سول ۋاقىتتاعى باقىتتى ساتتەر ۇمىتىلمايدى .مەنىڭشە ءاربىر ادام ءوزىن باقىتتى ەتە الادى،ارينە ەڭبەك كەرەك.كەيدە باقىت ءۇشىن ...
-
الجير جۇرتىنىڭ پاتشاسى باۋاقاس دەگەن قول استىنداعى قالالاردىڭ بىرەۋىندە ءبىر دانىشپان قازى بار، ونان وتىرىك ايتىپ ەشكىم قۇتىلا المايدى، داۋگەردىڭ قايسىسىنىڭ ءىسىنىڭ اق ەكەنىن ايتپاي تابادى دەپ ەسىتىپ...
