InfoHub Logo

ۆەنيامين فرانكلين دەگەن داڭقتى ءبىلىم يەسى، امەريكا جۇرتىنىڭ كىسىسى، ون سەگىزدەگى جاس كۇنىندە، مەدەرا دەگەن قالانىڭ ءبىر قارت ادامىنا قوناق بولىپ، شىعار ۋاقىتتا قارت ىشكەرگى ءبىر ەسىكتەن شىعارىپ سالۋعا الىپ كەلىپتى. فرانكلين بۇل كىسىگە سويلەسە كەلە جاتىپ، الدىڭدا نە بارىن اڭعارماي، ەسىككە جاقىنداعاندا قارت داۋىستاپتى:

— ەڭكەي، ەڭكەي، — دەپ.

سۇيدەگەنشە بولماي، ەسىك الاسا ەكەن، ماڭدايشاسىنا فرانكلين ماڭدايىمەن تارس ەتە ءتۇسىپتى. سوندا قارت كۇلىپ ايتتى دەيدى:

— بۇل كىشكەنتاي رەنىش سىزگە ەكىنشىدە اقىل بولار، ۇمىتپاعايسىڭ، سەن جاسسىڭ، ءومىرىڭ الدىڭدا، باسىڭدى تىم جوعارى ۇستاماي، تومەن يىڭكىرەپ جۇرسەڭ، مۇنان دا ارتىق نەشە سوققىلاردان قۇتىلارسىڭ.

بۇل ءسوزدى فرانكلين سەكسەن جاسقا كەلگەنشە ۇمىتپاي، ءاردايىم ايتۋشى ەدى:

— سول قارتتىڭ اقىلى ماعان كوپ پايدا بولدى، جانە كوزىممەن كوردىم: باسىن جوعارى كوتەرگەن تاكاپپارلاردىڭ نەشەۋىنىڭ الەك بولعانىن، — دەپ.

---