قارلىعاش كومەي قۇربىم-اۋ
قاي كۇنى، قانداي انادان،
باعىنا ەلدىڭ تۋدىڭ-اۋ؟!
ىزەتتىم، ءارى كەلبەتتىم،
قاسىندا ءجۇرىپ كورمەپپىن.
ءبىر كەزدە، شارلاپ جەر-كوكتى،
شارىقتاپ، ۇشىپ سەن كەتتىڭ.
ءومىرىڭ سەنىڭ جاز بۇگىن،
ويلاما ءومىر ازدىعىن.
ەسىتەر قۇلاق بولسا ەگەر،
ەسىندە جۇرەر نازدى ءۇنىڭ.
ەستىلەر سەنىڭ وسى ءۇنىڭ،
اشقاندا ۇرپاق ەسىگىن.
ۋىلدەپ جاتقان ءسابيدىڭ،
تەربەتەر ءالى بەسىگىن!
اينالسا بولار تىلىڭنەن.
تىلىڭنەن ءارى ۇنىڭنەن.
ايىرما، ءتاڭىر، وسى ۇننەن،
ايىرما، بيبىگۇلىمنەن!

---