بيىل 4 مىڭعا جۋىق ەلوردالىق وقۋشى ۇبت تاپسىرادى
ەرتەڭ، 10 ناۋرىز كۇنى ەلوردادا ۇلتتىق ءبىرىڭعاي تەستىلەۋگە قاتىسۋ تۋرالى وتىنىشتەر قابىلداۋ باستالىپ، 25 ساۋىرگە دەيىن جالعاسادى. قالالىق ءبىلىم باسقارماسىنىڭ مالىمەتىنشە، بيىل 4 مىڭعا جۋىق ەلوردالىق وقۋشى تەست تاپسىرادى. 192 وقۋشى «التىن بەلگىدەن» ۇمىتكەر، دەپ حابارلادى قالالىق اكىمدىكتىڭ باسپا ءسوز قىزمەتىنەن.
ايتا كەتەيىك، ق ر ءبىلىم جانە عىلىم مينيسترلىگى ءبىلىم جانە عىلىم سالاسىنداعى باقىلاۋ كوميتەتىنىڭ وكىلدەرى مۇعالىمدەرمەن، اتا-انالارمەن جانە مەكتەپ تۇلەكتەرىمەن ءاقپاراتتىق-تۇسىندىرۋ جۇمىستارىن جۇرگىزدى.
مەكتەپتەردە سىناقتار، قوسىمشا ساباقتار جۇرگىزىلۋدە، سونداي-اق، جىل سايىن تۇلەكتەر پسيحولوگيالىق تۇرعىدان دايىندالادى.
ەسكە سالايىق، بيىل ۇلتتىق ءبىرىڭعاي تەستىلەۋ 1-15 ماۋسىم ارالىعىندا بۇرىنعى فورمات بويىنشا ءۇش جەردە وتەدى.
You Might Also Like
