ءدىننىڭ بالا تاربيەسىندە اتقاراتىن ءرولى
ءدىن – ادامداردىڭ سەنىمى مەن بار دەپ سانايتىن قۇبىلىسى. ول ءار ءتۇرلى باعىتتارعا ءبولىنىپ، كلاسسيفيكاسيالانىپ، جىكتەلەدى. ءدىن وتباسى اينالاسىندا جانە ءوسىپ كەلە جاتقان جاسوسپىرىمدەر اراسىندا ماڭىزدى ءرول وينايدى. سول سەبەپتى بالانىڭ ءجاسوسپىرىم شاعىندا مەكتەپ قابىرعاسىندا جۇرگەندە 9-سىنىپ اياسىندا «زايىرلىلىق جانە ءدىنتانۋ نەگىزدەرى» ءپانى وقىتىلادى. بۇل ءپاننىڭ ماڭىزدىلىعى، ۇلكەن ومىرگە ەندى قادام باسىپ كەلە جاتقان تۇلعالارعا ءدىننىڭ قاراپايىم بولىپ كورىنگەنمەن كۇردەلى نارسە ەكەنىن ۇعىندىرۋ، سونىمەن قاتار ءدىننىڭ دۇرىس جانە بۇرىس باعىتتارىن كورسەتۋ.
الايدا بالانىڭ ءدىن تۋرالى دۇرىس اقپارات الىپ، دۇرىس نيەتتە جۇرۋىنە مەكتەپتە بەرىلەتىن بىلىمدەر ازدىق ەتەدى، ءتىپتى بالانىڭ ءدىن تۋرالى تۇسىنىگىنە اسەر ەتپەۋى دە مۇمكىن. سەبەبى قازىرگى ۋاقىتتا الەۋمەتتىك جەلىلەردە تارالعان نەشە ءتۇرلى اقپاراتتار بالانى باسقاشا باعىت باعدارعا تۇسىرەتىندەي قاۋقارلى .
بالالار جانە جاسوسپىرىمدەردىڭ بۇرىس جولعا تۇسپەۋىن قاداعالاپ، ونى الدىن الاتىن تەك اتا – انا. سەبەبى ءالى ۇلكەن ومىرگە ارالاسپاعان بالا اتا – اناسىنا عانا سەنىپ، ولاردى تىڭدايدى. قاراپايىم ومىردەن مىسال الاتىن بولساق قانداي دا ءبىر ءدىندى بەرىك ۇستاناتىن وتباسىنىڭ بالالارى قۇداي بار دەپ سەنىپ، ۇلتى مەن ءدىنىنىڭ قۇندىلىقتارىن قاتار ۇستانىپ تاربيەلى بولادى. سەبەبى اكەسى مەن اناسى ءوز دىندەرىن اسا قۇرمەتتەپ ونىڭ قۇندىلىقتارىن بالالارىنا ناسيحاتتايدى. بۇل مىسال ءدىندى بەرىك ۇستانبايتىن وتباسىلاردان تاربيەسىز بالا ءوسىپ شىعادى دەگەندى بىلدىرمەيدى. كەرىسىنشە ءدىندى بەرىك ۇستانبايتىن، بەلگىلى ءبىر ءداستۇرلى دىندە بار، ءبىراق ول تۋرالى بالالارىنا ايتىپ ناسيحاتتامايتىن جانۇيانىڭ بالالارى ءوز وتباسىنا ساي ءدىن تۋرالى جەتكىلىكتى اقپارات الا-الماي، ءدىن تۋرالى تەك سىرتتان ەستيدى. ءوزىنىڭ وتباسىنان ءدىن تۋرالى جەتكىلىكتى اقپارات الا الماعان جاسوسپىرىمدەر وسە كەلە قىزىعۋشىلىقپەن ءداستۇرلى ەمەس دىنگە سەنىپ قالۋى دا مۇمكىن.
بالا دۇرىس باعىتتا بولۋ ءۇشىن ونىمەن 5 جاسىندا سويلەسۋ بارىسىندا ۇرلىق جاساماۋ كەرەكتىگىن ايتىپ، ونىڭ قۇدايعا ۇنامسىز، دىنگە قاراما – قايشى ءىس ارەكەت ەكەنىن ايتۋ. ءوز ءدىنىڭ يسلام بولسا، باسقا دىندەرگە ءتىل تيگىزبەۋ كەرەكتىگىن ۇيرەتۋ. زايىرلىلىق ۇعىمىن ءتۇسىندىرىپ ءار ادامنىڭ دىنگە دەگەن تاڭداۋىن قۇرمەتتەۋدى ايتۋ. مەكتەپ بىتىرەر ، ەس بىلگەن شاعىندا جەكە وتىرىپ ءداستۇرلى ەمەس دىندەردى اتاپ ولاردىڭ تەرىس باعىتتا ەكەنىن ءتۇسىندىرۋ .
ءدىن جاعىنان بەرىك وسكەن بالا وزگەگە دە، وزىنە دە زيان ەتپەيتىن، تەرىس ارەكەت جاسامايتىن بولىپ وسەدى دەپ سەنەمىز. دىنگە باعىتتالىپ وسسە نەنىڭ ادال، نەنىڭ ارام ەكەنىن دە اجىراتىپ دۇرىس ءومىر سۇرەدى.
1 كۋرس ءدىنتانۋ ماماندىعىنىڭ ستۋدەنتى ورىكباي دينارا
جەتەكشى اعا وقىتۋشى تۋنگاتوۆا ۋ.ا.
You Might Also Like
-
كامال سمايلوۆ ءوز داۋرەنىندە، زامانداستارىمەن بىرىگە ۇلكەن باستامالار جاسادى. قازاقتىڭ مادەنيەت، وركەنيەت، رۋحانيات الەمىنە جول اشتى. ءوز ەلىنىڭ، ءوز ۇلتىنىڭ جاناشىرى بولا بىلگەن دارا تۇلعا. ارينە ءسوز...
