![دىرىلدەكتى قالاي دايىنداۋعا بولادى؟](http://infohub.kz/uploads/thumbnail/20240120103526993_big.jpg)
- 12 ءساۋ. 2019 00:00
- 332
دىرىلدەكتى قالاي دايىنداۋعا بولادى؟
ءۇيىتىلىپ، ابدەن تازارتىلعان سيىردىڭ سيراعى بىرنەشە بولىككە بولىنەدى دە كاستريۋلگە سالىنىپ، سۋ قۇيىلادى. ۇستىنە تازارتىلعان تۇتاس كوكونىستەر، ەت سالىنىپ، باسەڭ وتقا قويىلادى دا 4 ساعات بويى قايناتىلادى. كوبىگىن الىپ وتىرۋ كەرەك. 4 ساعاتتان سوڭ قارا بۇرىش، كوك، لاۆر جاپىراعى سالىنىپ، تۇزدالادى.
دايىن بولعان سوڭ سىڭىرلەرى سۇيەكتەن ارىلتىلىپ، ولاردى ەتپەن جانە سارىمساقتىڭ بىرنەشە باداناسىمەن بىرگە ەتتارتقىشپەن تارتىلادى دا شۇڭعىل ىدىسقا نەمەسە فورماعا سالىنادى. ەتپەن بىرگە پىسكەن ءسابىزدى جانە قاتتى ەتىپ پىسىرىلگەن جۇمىرتقانى ويۋلاپ كەسىپ، سونىمەن اسەمدەلەدى.
ۇستىنە الدىن-الا ءسۇزىپ الىپ، دايىنداپ قويىلعان سورپا قۇيىلادى دا، توڭازىتقىشقا قويىلادى.
داستارقانعا اكەلەردە ءتورتبۇرىشتاپ نەمەسە قيىقشالاپ كەسىلەدى دە ۇستىنە كوك سەبىلەدى.
قۇرامى: سيىردىڭ 1 كگ سيراعى، 200 گرامم ەت، 1 ءتۇيىر ءسابىز، 1 جۇمىرتقا، 1 ءتۇيىر سارىمساق، ءبىر بۋدا پەترۋشكا نەمەسە اسكوك، ەكى-ۇش لاۆر جاپىراعى، 10-15 ءتۇيىر قارا بۇرىش، تۇز تاتىمىنا قاراي.