تەرميندەردى تاڭداعاندا باسشىلىقتىڭ بەدەلى باسىم بولىپ كەتەدى - شەرۋباي قۇرمانباي ۇلى
پروفەسسور شەرۋباي قۇرمانباي ۇلى تەرميندەردىڭ ۇتىمدى نۇسقاسىن تاڭداعاندا ادامي فاكتورعا جول بەرمەۋگە ۇندەدى.
عالىمنىڭ ايتۋىنشا، بۇگىندە عىلىمي تۇرعىدا ۇتىمدى ءارى ءساتتى اۋدارىلعان تەرميندەردى سۇرىپتاۋ جۇمىسى دۇرىس جولعا قويىلماعان.
«جاقسى تەرميندەر جاسالادى. سالا ماماندارى ىزدەنەدى. وزدەرىنىڭ ماقالاسىندا جازادى، سوزدىگىنە، وقۋ قۇرالىنا ەنگىزەدى. ءبىراق سولاردى جيناقتاپ، سۇرىپتاۋ، سالا مامانىنىڭ ۇسىنعان ون بالاماسىنىڭ ىشىنەن ەڭ ۇتىمدى جاعىن تاڭداپ الۋ جولعا قويىلماعان. اشىعىن ايتۋ كەرەك، كەيدە جەكە ادامنىڭ فاكتورى دا اسەر ەتەدى. ەگەر اعا بۋىن عالىم وكىلى بولسا، سونىڭ ايتقان ءسوزى، نەمەسە مەملەكەتتىك قۇرىلىم بولسا، سول جەردە وتىرعان لاۋازىمدى باسشىنىڭ بەدەلى مەن سالماعىنا باسىمدىق بەرىلەدى دە، لينگۆيستيكالىق فاكتور، نورما، تىلدىك تالاپ، تەرميننىڭ ۇتىمدى جاسالعاندىعى، كوڭىلگە قونىمدىلىعى سياقتى فاكتورلار ەكىنشى پلانعا ىسىرىلىپ كەتەدى. ءبىز كاسىبي تۇرعىدا قاراۋىمىز قاجەت. بۇل جەردە عىلىمي ەتيكا مەن عىلىمي مادەنيەت ماسەلەسى بار»، - دەدى ش.قۇرمانباي ۇلى ق ر پارلامەنت ماجىلىسىندە وتكەن عىلىمي-پراكتيكالىق كونفەرەنسيادا.
You Might Also Like
-
ناۆولوكيتە كەمە تۇندە كەلدى. مايور كۋزمين جاي باسىپ پالۋباعا شىقتى. جاڭبىر سىركىرەپ تۇر. ايلاق قۇلازىپ قالعان، تەك جالعىز شام عانا سىعىرايادى.
-
ءۇيىتىلىپ، ابدەن تازارتىلعان سيىردىڭ سيراعى بىرنەشە بولىككە بولىنەدى دە كاستريۋلگە سالىنىپ، سۋ قۇيىلادى. ۇستىنە تازارتىلعان تۇتاس كوكونىستەر، ەت سالىنىپ، باسەڭ وتقا قويىلادى دا 4 ساعات بويى قايناتىل...
