InfoHub Logo

پروفەسسور شەرۋباي قۇرمانباي ۇلى قازاق ءتىلىن عىلىم ءتىلى رەتىندە قالىپتاستىرۋدىڭ ماڭىزدىلىعىن ءتۇسىندىردى.

عالىمنىڭ ايتۋىنشا، بۇگىندە قازاق ءتىلى عىلىم مەن تەxنولوگيا سالاسىندا كەڭىنەن قولدانىلمايدى. قوعام تاراپىنان وعان دەگەن قاجەتتىلىك تە تولىق تۋىنداماي وتىر. "نەگە؟ بىرىنشىدەن، قازاق ءتىلى عىلىم ءتىلى رەتىندە يادرولىق فيزيكادا، كيبەرنەتيكا، اقپاراتتىق تەxنولوگيالار سالاسىندا، ەنەرگەتيكادا، مەديسينا، قارجى سالاسىندا قولدانىلسا، سۇرانىس بولاتىن ەدى. ماسەلەن، ۇلتتىق بانك پەن قارجى مينيسترلىگى قازاقشا سويلەپ تۇرسا، وندا قارجى تەرمينولوگياسىنىڭ دامۋىنا قاجەتتىلىك تە، نەگىز دە قالىپتاسادى. مامانداردى دا ىزدەي باستايدى. ال قازاق ءتىلى وسى سالالاردا قولدانىلمايىنشا قازاق تىلىندەگى تەرمينولوگيانىڭ ورنىعۋىنا ءبىز نەگىز قالاي المايمىز. وسىنى اشىق ايتۋىمىز كەرەك. بۇل بارلىق عىلىم سالاسىنا بايلانىستى"، - دەدى ش.قۇرمانباي ۇلى پارلامەنت ماجىلىسىندە وتكەن عىلىمي-پراكتيكالىق كونفەرەنسيادا. 

ونىڭ سوزىنە قاراعاندا، كەڭەستەر كەزىندەگى ساياساتقا بايلانىستى ەنەرگەتيكا، تەxنيكا، قۇقىق قورعاۋ سياقتى كوپتەگەن سالالاردا مەملەكەتتىك ءتىلدىڭ قولدانۋ اياسى شەكتەلدى. سونىڭ سالدارىنان قازاق ءتىلى اتالعان سالالاردا عىلىم ءتىلى رەتىندە ءورىسىن جايىپ كەتە المادى. اتالعان ءداستۇر ءالى كۇنگە دەيىن جالعاسىپ كەلەدى. "سوسىن بۇگىندە تەرميندەردى قالىپتاستىرۋدىڭ عىلىمي قاعيداتتارى ءالى ايقىن ەمەس. تەرمينولوگيالىق جۇمىستاردى جۇرگىزۋ كەزىندە بەلگىلى ءبىر بارشاعا ورتاق ۇستانىمدار مەن قاعيداتتار باسشىلىققا الىنا بەرمەيدى، نەمەسە ولاردى جاۋاپتى قۇرىلىمدار مەن وسى جۇمىسقا جەتەكشىلىك ەتۋشىلەر قالاۋىنا قاراي وزدەرى بەلگىلەيدى جانە ءجيى وزگەرتەدى. تەرمينولوگياعا بۇلاي قاراۋ بۇل سالاداعى جۇمىستىڭ جولعا قويىلماعاندىعىن، ءىستى عىلىمي، كاسىبي تۇرعىدان ءتيىستى دەڭگەيدە جۇرگىزىلمەي وتىرعاندىعىن كورسەتەدى. سونىڭ سالدارىنان تۇراقتى قولدانىلاتىن ۇلتتىق عىلىمي تەرمينولوگيالىق قور تولىق قالىپتاسپاي وتىر"، - دەپ اتاپ كورسەتتى ش.قۇرمانباي ۇلى.

---