InfoHub Logo

دراماتيزاسيالىق ويىندار:
اۋلادا
ماقساتى: تىلدىك ەستۋدى جانە داۋىسقا ەلىكتەۋ قابىلەتتىلىگىن دامىتۋ.
قاجەتتى قۇرالدار: ويىنشىق قوراز، تاۋىق، قاز، تورعاي.
ويىن بارىسى: تاربيەشى ولەڭدى مانەرلەپ وقيدى جانە سايكەس سۋرەتتەردى كورسەتەدى.
اق تاۋىق اۋ اق تاۋىق
اق تاۋىق نەدەن قاقساۋىق
ەرتەمەن قىت - قىتتايدى
اۋلامىزدان شىقپايدى.
بالپاڭ باسقان ۇيرەگىم
بۇلتىڭدايدى بۇيرەگىڭ
جالپاق تۇمسىق جەم ىزدەپ
قىرقىلدايسىڭ، قويمايسىڭ
تاماققا ءبىر تويمايسىڭ.
تورعاي – تورعاي توقىلداق
جەردەن تارى شوقىپ اپ.
بوتەگەسى تومپايىپ،
«شيق - شيق» دەسىپ وتىرماق.
تىكىرەيىپ قۇلاعى،
مەنەن بۇرىن تۇرادى.
بويىن جازىپ كەرىلىپ،
بەتى – قولىن جۋادى.
مياۋ – مياۋ، مياۋ – مياۋ.

ءان – جىر
ماقساتى: دىبىستى دۇرىس ايتۋدى بەكىتۋ. تىلدىك ەستۋدى جانە تىلدىك بەلسەندىلىگىن، ەلىكتەۋ بويىنشا دىبىس تىركەسىن جانە دىبىستاردى ايتا ءبىلۋىن دامىتۋ.
قاجەتتى قۇرالدار: بۇزاۋ، لاق، قوزى، بوتا.
ويىن بارىسى: تاربيەشى ولەڭدى وقىپ ويىنشىق كەيىپكەرلەردى كورسەتەدى. ولەڭ ىشىندەگى ەلىكتەۋ سوزدەردى بالالارعا قايتالاتىپ ۇيرەتەدى.
ءانشى تولدەر
جايىلىمنان كەشكىلىك
جامىرادى بەس تۇلىك.
توڭىرەككە تاراعان
تولدەر ءانىن ەستىدىك.
«ءما - ءما» دەگەن ءانى بار،
سەكىرەر ور، جارى بار.
سەلتەڭدەگەن لاعىم
سەكىرگىش ءبىر جانۋار.
«ءماا - ءماا» دەگەن ءانى بار،
جىبەك تونى - ءسانى بار.
قوشاقانىم موماقان،
سۇيكىمدى ءبىر جانۋار.
«ءبوو - ءبوو» دەگەن ءانى بار،
ەنەسىن تەز ساعىنار.
جىبەك ءجۇندى بوتاقان،
ءمولدىر كوزدى جانۋار.
«ءموو - ءموو» دەگەن ءانى بار،
ءۇي ماڭىنان تابىلار.
ويقاستاعان بۇزاۋىم،
ويناقتاعىش جانۋار.
«كۇمبىرلەگەن» ءانى بار،
جەلكىلدەگەن جالى بار،
جەلدەي ءوسىپ قۇلىنشاق،
جەلمەن شاپقان جانۋار.
ءادىباي تابىلدييەۆ
ولەڭ سوڭىندا بالالاردان قاي جانۋار قالاي دىبىستايتىنىن سۇراپ، پىسىقتاۋ.

تاۋىق پەن بالاپاندار
ماقساتى: داۋىسقا ەلىكتەۋ قابىلەتىن، كەڭىستىكتى باعدارلاۋدى دامىتۋ.
قاجەتتى قۇرالدار: قوراز بەن بالاپانداردىڭ باستارىنىڭ سۋرەتتەرى سالىنعان باس كيىمدەر (بالالاردىڭ سانى بويىنشا).
ويىن بارىسى: تاربيەشى قورازدى، ال بالالار بالاپانداردى بەينەلەيدى. «قوراز بالاپاندارىمەن كوگالدا قىدىرىپ جەمدى شۇقىپ جەيدى» (ساۋساقتارىمەن ەدەندى تىقىرلاتادى).

قوراز:
مەن قورازبىن، قورازبىن
جالقاۋلارمەن ارازبىن
تاڭدى بۇرىن قارسى الىپ
ەلدى وياتام جار سالىپ.
كۋ - كا - رە - كۋ!- دەپ نىقتاپ
ايتتى وزىنشە اقىلدى
اكە - شەشەڭ سەندەرگە
تاماق ىزدەپ كەتەدى،
مەنىڭ كۇنىم «تاڭ اتتى»،
«كۇن باتتى»مەن وتەدى.
قىزمەت ەتىپ تەپ - تەگىن
جۇرمەيمىن بوسقا، جەتەدى،
تىم بولماسا كوڭىلىمدى
كوتەرسەڭدەر نە ەتەدى؟
بالاپاندار:
قىت - قىت - قىت - قىت، ءيا - دەپ،
سۇيەر بار بالاقان،
مەن - سارى بالاپان.
ەنەمە ەرەمىن
كوگالدى شوقىپ كوپ
ءدان ىزدەپ تەرەمىن.
تاربيەشى بالالاردىڭ وزىنەن سوڭ «كۋ - كا - رە - كۋ، قىت - قىت - قىت - قىت» دىبىس تىركەستەرىن انىق ايتۋلارىنا قول جەتكىزۋى قاجەت.

شورە – شورە
ماقساتى: دىبىستاردىڭ دۇرىس ايتىلۋىن بەكىتۋ.
قاجەتتى قۇرالدار: ەشكى، جىلقى، سيىر، تۇيەنىڭ سۋرەتتەرى.
ويىن بارىسى: تاربيەشى ولەڭدى وقۋدى جانۋارلاردىڭ سۋرەتتەرىن كورسەتۋمەن جالعاستىرادى.
ورىستە وسكەن جانۋار،
شوكەتايىم قايداسىڭ؟
شورە – شورە دەپ ەشكىنى شاقىرادى.
قامبار اتا وسىرگەن،
قۇلا اتىم قايداسىڭ؟
قۇراۋ – قۇراۋ - دەپ جىلقىنى شاقىرادى.
زەڭگى بابا وسىرگەن،
اۋكەشىم مەنىڭ قايداسىڭ؟
اۋقاۋ – اۋقاۋ – دەپ - سيىردى شاقىرادى.
ويسىل قارا بالاسى،
بوتاقانىم قايداسىڭ؟
كوس – كوس دەپ تۇيەنى شاقىرادى.
بالالاردىڭ ءسوز تىركەستەرىن دۇرىس ايتۋىن قاداعالاۋ.

بيپ، بيپ، پىش
ماقساتى: ەلىكتەۋ بويىنشا دىبىستاردىڭ دۇرىس ايتىلۋىن بەكىتۋ.
قاجەتتى قۇرالدار: پاراۆوزدىڭ سۋرەتى.
ويىن بارىسى: تاربيەشى ولەڭدى وقيدى، ال بالالار بىرىنەن سوڭ ءبىرى تىزبەكتەلىپ پاراۆوزدىڭ قيمىلىن جاسايدى. سوسىن ەلىكتەۋ سوزدەرىن قايتالاپ ايتادى.
بيپ، بيپ، پىش.
مەن پاراۆوز الام.
ساياحاتقا بەت الام،
بىرتە - بىرتە تەزدەيمىز،
تەز جەتۋدى كوزدەيمىز.
بيپ، بيپ، پىش.
كوپ قالادان وتەمىز.
قىزىقتارعا جەتەمىز،
بيپ، بيپ، پىش.
گۋك پىش،
گۋك، پىش پاراۆوز.
مىقتى بولساڭ باسىپ وز،
قىزىق بولدى كەپ قالدىق،
ەندى جايلاپ توقتايمىز،
بيپ، بۋح، پىش.
بالالاردىڭ ءسوز تىركەستەرىن دۇرىس ايتۋىن قاداعالاۋ.

دراماتيزاسيالىق ويىندار. جۇكتەۋ