دۋانباسى ىبىراي مەن اعىباي باتىر
اقمولانىڭ دۋانباسى ىبىراي تورەنىڭ ۇيىندە سۇيىندىك ەلىنىڭ باستى ادامدارى تۇستەنىپ وتىرادى. دالادان ۇيگە ءبىر بالا ۇرەيلەنە جۇگىرىپ كەلىپ:
— اتا، ءۇستى قىپ-قىزىل ءجۇن، موينىندا سالپىلداعان تەمىر- لەرى، نايزاسى بار، تۇيەدەي ءبىر ۇلكەن كىسى ءتۇسىپ جاتىر، — دەيدى.
ۇيدەگىلەر ونى ديۋانا بولار دەپ جورامالداعانشا، الگى ۇلكەن ادام الشاڭ باسىپ ۇيگە كىرىپ كەلەدى. بۇل ۇستىندە تاي جاعاسى بار، سىرتىنا ساۋىت-سايماننىن اسىنعان شۇبىرتپالى اعىباي باتىر ەكەن.
ۇيدەگىلەر جابىرلاي ۇشىپ تۇرە كەلىپ قولىن الىپ، اعىبايعا ورىن بەرىسەدى. ال دۋانباسى ىبىراي ونى تانىماعانسىپ:
— ۋا، قوناقتار، مىنا توندىڭ كىم ەدى، سونشا ابىرجىدىڭدار؟ — دەيدى.
اعىباي باتىر سوندا ىبىرايعا تونە قاراپ، ءبىر تىزەرلەپ وتىرا قالىپتى. قانجارىن سۋىرىپ الىپ:
— ۇيگە كەلگەن توندى ما،
توندى كەسىر بولدى ما؟
بۇقارانى قور تۇتقان،
ءوزىن-وزى زور تۇتقان
تورە تۇقىمى وڭدى ما؟!
وسى قىلىعىڭ ءۇشىن سەنىڭ ءقازىر ءبۇيىرىڭدى تەسىپ، بۇيرەگىڭدى السام با ەكەن، باسىڭدى كەسىپ، تابانىما سالسام با ەكەن؟ — دەپ تۇرا ۇمتىلادى. دۋانباسى ىبىراي ساسقانىنان جىلاپ جىبەرەدى. ۇيدەگىلەر باتىرعا جالىنىپ، ازەر اراشالايدى.
ىبىراي ايىبى ءۇشىن وسى جولى اعىبايعا تۇلپار ات بەرىپ، ۇستىنە قامقا تون جاۋىپ، زورعا قۇتىلادى.
وقۋعا كەڭەس بەرەمىز:
ناۋرىزبايدىڭ جولبارىستى ءولتىرۋى
قۇرمانقۇلدىڭ ناۋرىزبايدىڭ ەرلىگىنە ريزا بولۋى
You Might Also Like
-
كەنەسارى، ناۋرىزباي، بالا بي دوسبول، باسىقارا جانە باسقالارى جينالىپ وتىرعاندا، اعىباي كەنەسارىعا ايتىپتى:
-
اعىبايدىڭ بەيىتى قازىرگى جەزقازعان وبلىسى، اقادىر اۋدانىندا. 1861 جىلعى جازدا، باياناۋىل اۋىلىندا اق كەلىن كولىنىڭ جاعاسىندا وتىرعان شورماننىڭ مۇساسى دەگەن زاسەداتەلدىڭ ۇيىنە اعىباي باتىر كەلەدى. و...
