دۋلاتتىڭ ايتقانى
باراق تورەنىڭ تۇسىندا قىزاي دەگەن ەل جىلقى اكەتىپ، سونى قۋىپ باراق، بەتەكە، دۋلات ۇشەۋى بارىپتى. سوندا 40 كۇن جاتىپ، ءبىتىم الىپ قايتىپتى. قىزايدا قوسەت دەگەن اقىن بار ەكەن. سول جەردە دۋلات ايتقان دەگەن ءسوز:
ءبىز اتتاندىق قىزايعا،
سيىنىپ شىقتىق قۇدايعا،
بەتەكە، باراق باس قوسىپ،
جىبەرمە ءسوزدى ىلايعا.
قىزايدىڭ جەدىك بايتالىن،
قازىپ الدىق سايتانىن،
التاي ءجۇرىپ جازدى الدىق،
قوڭىر وبا، سازدى الدىق؛
ءبىر ۇلكەن كولى بار ەكەن،
اينالا اتىپ ءۇش ءجۇز ۇيرەك، قازدى الدىق،
اياعىنا كەلگەندە قوسەت دەگەن تازدى الدىق،
— دەپتى. قىزايدىڭ ادامدارى وزدەرىنىڭ اقىنىنىڭ كەمشىلىگىن (تازىن) ايتقان سوڭ، «تىلىنە شوق تۇسكىر دۋلاتتى مالىن بەرىپ قايىرايىق»، — دەپ، كوزى بار مالىنىڭ كوزىن بەرىپ، كوزى جوعىنا تولىق تولەۋ بەرىپ، قايىرعان ەكەن دەيدى.
You Might Also Like
-
ارماننىڭ اجارىندا، باقىتتىڭ بازارىندا كۇلىپ-ويناپ، كوپشىلىكتىڭ العىسى مەن قۇرمەتىنە بولەنىڭىز. ماڭگى جاستىق قالپىڭىزدى ساقتاپ، ۇزاق جاساي بەرىڭىز.
-
ماقساتى: بالالاردىڭ وتانعا دەگەن سۇيىسپەنشىلىگىن وياتا وتىرىپ، ۇلتجاندىلىققا تاربيەلەۋ. پاتريوتتىق سەزىمىن وياتۋ. قازاقستاننىڭ كەلەشەگى وزدەرى ەكەنىنە كوز جەتكىزۋ.
