جىلۋى جوق بويىنىڭ،
جىلميعانى نەتكەنى؟
قۇبىلۋى ويىنىڭ —
كەتپەي قۇيتىڭ ەتكەنى.

مۇڭدى، جىلماڭ ءپىشىنىن
كەزەك كيىپ، ەل جيىپ،
بولىس بولسا، ءتۇسىنىڭ
تۇكسىگىن سالار تىرسيىپ.

ءبىر كورمەگە ءتاپ-تاتتى
قازانى مەن قالباڭى.
ءدوڭ اينالماي انت اتتى،
بۇكسىپ، بىقسىپ ار جاعى.

سەنەن ايار تۇگى جوق،
بۇگىن سىيلاس كورىنىپ،
بۇگىن جالىن، ەرتەڭ شوق،
ءسوزى مەن ءوزى ءبولىنىپ.

ءالى ءۇمىت، ءالى سەرت،
جىن سىقىلدى بۇزىلىپ.
قۋلىق ەمەس، بۇل — ءبىر دەرت،
تۇرلاۋى جوق قۇبىلىپ.

---