InfoHub Logo

وڭتۇستىك-شىعىس ازيادا جاندىكتەردى عانا ەمەس، ۇساق كەمىرگىشتەردى دە قورەك ەتەتىن وسىمدىك وسەدى.

ەت قورەكتى قۇمىرا پىشىندەس اشىق قىزىل گۇلدى عالىمدار Nepenthes northiana دەپ اتادى. مۇنداي اتتى ول اعىلشىن تانىمال ساياحاتشىسى م.نورتتىڭ قۇرمەتىنە العان. ول الەمنىڭ تۇكپىر-تۇكپىرىندەگى ءتۇرلى وسىمدىكتەردى زەرتتەۋمەن اينالىسقان.

Nepenthes northiana نەگىزىنەن ەگەۋقۇيرىقتارمەن، شىبىندارمەن جانە باسقا دا ۇساق جانۋار نەمەسە جاندىكتەرمەن قورەكتەنەدى. گۇلشاناعىنىڭ ولشەمىنىڭ ديامەترى كەيدە 20 سم-گە دەيىن جەتەدى. قۇمىرا، اشىق تارتىمدى تۇسىمەن قاتار، جاعىمسىز ءيىس بولەدى. جانۋارلار ءدال وسى قارماققا ەلتىپ، قىشقىلعا تولى قۇمىراعا تۇسەدى. ەت قورەكتى وسىمدىك اس قورىتۋدى ءدال سول جەردە باستاپ كەتەدى. ءپىشىنى مەن وسىمدىكتىڭ قابىرعالارى سىرعاناق بولعاندىقتان ەگەۋقۇيرىق سىرتقا شىعا الماي قالادى. ايتپاقشى، حالىق اراسىندا تانىمال ۆەنەرينا شىبىنجەك تە ەگەۋقۇيرىقتار مەن تىشقانداردى جەۋدەن تارتىنبايدى. ءبىراق ءپىشىن قۇرىلىسى مەن ولشەمدەرىنە بايلانىستى ونىڭ اڭشىلىقتا جولى بولا بەرمەيدى، سول سەبەپتى جانۋارلار گۇلدىڭ «قارماعىنان» كەيدە سىرتقا شىعىپ كەتىپ جاتادى.

---