ەگىن سالدىم،
مال باقتىم،
تاس قالادىم
ساعىنام دا،
جۇرتتى دا باسقارامىن.
جالىعام دا
جابىرقاپ ءپاس قالامىن،
جىردى ءبىراق،
جىردى مەن تاستامادىم،
جىردان بولەك قالمادى باسقا امالىم.
الاسارتتى تاعدىرىم بيىكتەتتى -
ءبارى وتكىنشى.
قۋانىش، كۇيىك تە ءوتتى.
ەكىتالاي كەزەندە ەڭسەم بۇققان،
كۇيساندىققا ساۋساعىم ءتيىپ كەتتى.
كۇيساندىقتان كۇڭىرەنىپ ءۇن شىعادى،
كۇي اڭساعان قۋ كوڭىل تىنشىعادى.
قارعىپ شىعىپ كەتەردەي الاسۇرىپ،
تۇتقىن جۇرەك كەۋدەمدە ءتۇنشىعادى!

---