InfoHub Logo

دۇنيە ءجۇزى تاريحى 6 - سىنىپ
ساباقتىڭ تاقىرىبى: ەجەلگى پارسى پاتشالىعى
ساباقتىڭ ماقساتى:
بىلىمدىلىك: ەجەلگى پارسى پاتشالىعىنىڭ قۇرىلۋى، ساياسي تاريحى تۋرالى ءتۇسىندىرۋ، ءدىنى مەن مادەنيەتىنە سيپاتتاما بەرۋ
دامىتۋشىلىق: وقۋشىلاردىڭ توپ ىشىندە جۇمىس جاساۋ، قيسىندى ويلاۋ قابىلەتتەرىن دامىتۋ، وقۋلىق، ءماتىن، كەسكىن كارتامەن جۇمىس ىستەۋ بىلىك - داعدىلارىن ارتتىرۋ
تاربيەلىك: ادامگەرشىلىككە، وتانسۇيگىشتىككە تاربيەلەۋ.
ساباقتىڭ ءتۇرى: ارالاس ساباق
ساباقتىڭ ءادىسى: «ارالدارعا ساياحات» ويىنى - «زياتكەرلىك تۋرنير»، «ءتىرى بەينە»، «قاتەنى تاپ»، «كەيىپكەردى انىقتا»، «پوستەرمەن جۇمىس»
ساباقتىڭ كورنەكىلىگى: ينتەربەلسەندى تاقتا، تاپسىرما پاراقتارى، سۋرەتتەر، ا - 3 فورماتىنداعى قاعازدار، ءتۇرلى ءتۇستى قارىنداشتار، ستيكەرلەر.
ءپانارالىق بايلانىس: قازاقستان تاريحى، گەوگرافيا

ساباقتىڭ بارىسى:
1. ۇيىمداستىرۋ:
سالەمدەسۋ، وقۋشىلاردى تۇگەندەۋ، ساباق ماقساتىمەن تانىستىرۋ، وقۋشىلاردى جەتون تۇستەرىنە قاراي ەكى توپقا ءبولۋ. ءار توپتىڭ كەمەسىنىڭ اتىن تاعايىنداۋ. «گەرودوت» كەمەسى مەن «كليو» كەمەسى

2. ءۇي تاپسىرماسىن تەكسەرۋ.
«ارالدارعا ساياحات» ويىنىنىڭ ەرەجەسى تۇسىندىرىلەدى. ءار توپقا ءبىر كەمە تيەسىلى. ولار تاپسىرمالاردى دۇرىس جانە جىلدام ورىنداۋى ارقىلى جەتى ارالعا ساياحات جاساۋ قاجەت. دۇرىس جاۋاپ بەرگەن كەمە كەلەسى ارالعا جىلجۋ مۇمكىندىگىنە يە بولادى. قازىناعا ءبىرىنشى جەتكەن كەمە جولاۋشىلارى جەڭىسكە جەتەدى.

«بوي سەرگىتۋ» ارالى – ءمۇعالىم مەملەكەتتەردىڭ اتتارىن ايتادى، ويىنشىلار ولاردىڭ استانالارىنىڭ ەسىمدەرىن اتاپ شىعۋ قاجەت. قاي توپ كوپ جاۋاپ قاتسا، سول توپ كەلەسى ارالعا جىلجيدى.
 ەگيپەت - مەمفيس
 ۋرارتۋ - تۋشپا
 اسسيريا - نينيەۆيا
 حەتت پاتشالىعى - حاتتۋسا
 ۆاۆيلون - ۆاۆيلون
 يزرايل - يۋدەيلىك مەملەكەت - يەرۋساليم

«ءتىرى بەينە» ارالى - وقۋشىلارعا ۆاال قۇدايىنىڭ بەينەسى كورسەتىلەدى. ولار «ۆاال جانە اليييان» داستانى بويىنشا ۆاال قۇدايى تۋرالى بىلىمدەرىن ورتاعا سالادى. «ۆاال - كوكتەم قۇدايى، اليييان - كوكتەم قۇدايىنىڭ ۇلى. ۆاال ءولىم قۇدايى موتتى جەڭەدى، ءبىراق ءوزى دە ءولىپ، بالاسىمەن بىرگە و دۇنيەگە اتتانادى، جەر استىنا تۇسەدى. ۆاالدىڭ ايەلى قۇنارلىلىق قۇدايى انات ءولىم قۇدايى موتپەن كۇرەسىپ، اقىرى ۆاال ءولىم قۇدايى موتتى جەڭىپ، قايتا تىرىلەدى.»

3. جاڭا تاقىرىپتى ءتۇسىندىرۋ.
كارتامەن جۇمىس: ءمۇعالىم وقۋشىلارعا ەجەلگى پارسى پاتشالىعىنىڭ كير پاتشانىڭ تۇسىندا قۇرىلۋى تۋرالى ءتۇسىندىرىپ، گەوگرافيالىق ورنالاسۋىن كورسەتەدى.
«پارسى پاتشالىعى» ارالى - توپتار كەسكىن كارتاعا پارسى پاتشالىعىنىڭ پايدا بولعان كەزىندەگى اۋماعى مەن ب. ز. ب. V عاسىردىڭ باس كەزىندەگى اۋماعىن تۇسىرەدى.
«قاتەنى تاپ» ارالى - ويىنشىلارعا پارسى پاتشالىعىنىڭ اۋماعىن كەڭەيتۋى تۋرالى ءماتىن بەرىلەدى. ماتىنمەن مۇقيات تانىسقاننان كەيىن، ول پاراق الىنىپ، قاتەلىكتەر جىبەرىلگەن ءماتىن بەرىلەدى. وقۋشىلار قاتەنى تاۋىپ، ءماتىندى تۇزەتۋ قاجەت.

نەگىزگى ءماتىن:
ميديا مەملەكەتى ۆاۆيلونمەن وداقتاسىپ، السىرەگەن اسسيريا مەملەكەتىن جاۋلاپ الادى. كىشى ازياداعى پارسىلاردى دا باعىندىرادى. ءبىراق ميديا مەن ۆاۆيلوننىڭ دوستىق قاتىناسى ۇزاققا بارماي، قاندى سوعىسقا ۇلاسادى. ميديانىڭ پاتشاسى استياگ پەن ۆاۆيلون بيلەۋشىسى نابونيد كۇرەسىپ جاتقان كەزدە، پارسى پاتشاسى كير ميديانى وڭاي جاۋلاپ الادى. ايلاعا باسقان كير پاتشا ۆاۆيلونداعى پاتشا بيلىگىنە قارسى ساۋداگەرلەر مەن ابىزداردىڭ نارازىلىعىن پايدالانىپ، ەلدە تىنىشتىق ورناتامىن دەگەن ۋادەمەن ۆاۆيلون مەملەكەتىن دە جاۋلاپ الادى. ب. ز. ب. 529 جىلى كير پاتشا ورتا ازياداعى ساق تايپالارى پاتشاسى توميريسكە سوعىس اشادى.