InfoHub Logo

ماقساتى - كلاسس وقۋشىلارىنا رامىزدەر تۋرالى بىلەتىن بۇرىنعى بىلىمدەرىن ەسكە تۇسىرۋگە، تەرەڭدەتۋگە مۇمكىندىك بەرىپ، باعىتتاۋ. رامىزدەردىڭ بەلگىسىن، تاريحىن، ەل ءۇشىن ماڭىزدىلىعىن جەتە تۇسىنۋگە تالاپتانۋ. ەلجاندىلىققا، وتان سۇيگىشتىككە، ەل رامىزدەرىن قۇرمەتتەۋگە، قاستەرلەۋگە تاربيەلەنۋ.
كورنەكىلىگى ەل رامىزدەرىنىڭ سۋرەتتەرى، رامىزدەر تۋرالى بەينەفيلم.
ءتۇرى جاڭا ساباق
ءادىسى سويلەۋ، بايانداۋ، بەينەفيلم دەمونستراسيالاۋ، ينتەراكتيۆتى.
كىرىسپە ءبولىمى
1. ءانۇران ورىنداۋ
2. رامىزدەر تۋرالى بەينەفيلم قاراۋ
3. بەينەفيلم تۋرالى وقۋشىلار پىكىرىن تىڭداۋ.
4. ءمۇعالىمنىڭ كىرىسپە ءسوزى.
قازاقستان تۋىمەن تۇعىرلى، ەلتاڭباسىمەن ەڭسەلى،
انۇرانىمەن ايباتتى،- دەسەك بۇگىنگى بيىلعى وقۋ
جىلىنداعى العاشقى ساباعىمىزدىڭ تاقىرىبى - ەل ايبىنى - رامىزدەر.
قازاق حالقى كوپتەن كۇتكەن تاۋەلسىزدىككە قول جەتكىزدى. ەگەمەندى ەل بولعانىنا 20 جىل. بۇكىل ەلىمىز تويلادى. ءوزىمىزدىڭ مەكتەبىمىزدە، سىنىبىمىزدا وسى ايلىق كەزەڭىندە كوپتەگەن تاربيەلىك ءمانى بار شارالار وتكىزىلگەنى ەسىمىزدە، بۇگىنگى ساباعىمىزدا سول تاقىرىپتاردىڭ جالعاسى ىسپەتتى. بارشامىزعا ايان، 1992 جىلى 4 ماۋسىمدا ەگەمەن ەلىمىز ءوزىنىڭ مەملەكەتتىك رامىزدەرىن قابىلدادى. ولار قازاقستان رەسپۋبليكاسىنىڭ ءانۇرانى، ەلتاڭباسى، تۋى.

نەگىزگى ءبولىمى
ساباقتىڭ مازمۇنىن دامىتۋ ءۇشىن وقۋشىلار تۋىمىز، ەلتاڭبا، ءانۇران تۋرالى مالىمەتتەر بەرەدى.
1 - وقۋشى
تۋىمىز تۋرالى.
مەملەكەتتىك تۋىمىز ءبىرىڭعاي كوگىلدىر ءتۇستى. بۇل بەيبىت اسپاندى ەلەستەتەدى، قازاق حالقىنىڭ بىرلىك، ىنتىماق جولىنداعى ادالدىعىن بىلدىرەدى. نۇرعا مالىنعان التىن كۇن بايلىقتى، تىنىشتىقتى مەگزەيدى. قاناتىن جايعان قىران قۇس قازاق حالقىنىڭ كەڭدىگىن، ەركىندىگىن جاريا ەتەدى. اعاش سابىنا بەكىتىلگەن تۇستاعى تىك جولاق ۇلتتىق ويۋلارمەن ورنەكتەلگەن. مەملەكەتتىك تۋ اۆتورى - سۋرەتشى شاكەن نيازبەكوۆ.
2 - وقۋشى
ەلتاڭبامىز تۋرالى.
ەلتاڭبا نەگىزى - شاڭىراق. ول وتباسىن بەينەلەيدى، كۇن شەڭبەرى. شاڭىراق اينالاسىنداعى ۋىقتاردى تۇلپاردىڭ قاناتى قورشاپ تۇر. قاناتتى تۇلپار قازاق پوەزياسىندا كەڭ تاراعان بەينە، ول ۋاقىت پەن كەڭىستىكتى بىرىكتىرەدى. بەسبۇرىشتى جۇلدىز «باعىڭ اشىلىپ، جۇلدىزىڭ جارقىراي بەرسىن»دەگەن ماعىنا بەرەدى. ەلتاڭبا اۆتورلارى – ج. مالىبەكوۆ، ش. ۋاليحانوۆ.
3 - وقۋشى
ءانۇرانىمىز تۋرالى
2006جىلدىڭ قاڭتار ايىنىڭ 6 - سىندا ەلىمىز ءۇشىن تاريحي كەزەڭ بولدى. جاڭا گيمندى پارلامەنت قابىلدادى. مەملەكەتىمىزگە جاڭا ەكپىن، جاڭاشا مازمۇن مەن سەرپىن بەرەتىن ءانۇران بەكىتىلدى. جاڭا مەملەكەتتىڭ گيمنىن رەسمي تۇردە 2006 جىلى 11قاڭتاردا ۇلىقتاۋ راسىمىندە تۇڭعىش شىرقالدى. اۆتورلارى - ءسوزىن جازعان ج. ناجىمەدەنوۆ، ن. نازاربايەۆ. ءانى ش. قالداياقوۆتىكى.

تاريحقا قۇلاق تۇرسەك...
4 - وقۋشى
12 عاسىردا گەرالديكا ءىلىمىنىڭ نەگىزى قالانعان. گەرالديكا لاتىن تىلىنەن الىنعان. ول «ەلتاڭبا» دەگەندى بىلدىرەدى. بۇل عىلىمنىڭ نەگىزىن سالۋشى فرانسۋز عالىمى مەنەستەرە بولعان.

5 - وقۋشى
العاش رەت تۋ وسىدان بەس مىڭ جىل بۇرىن تاياۋ شىعىستا پايدا بولعان. بۇل قۇستاردىڭ، قۇدايلاردىڭ بەينەلەرى سالىنعان تۋ بولاتىن. ەڭكونە تۋ يران ەلىنىڭ اۋماعىندا تابىلعان. ول گيننەستىڭ رەكورد كىتابىنا ەنگىزىلگەن، ول ءتورتبۇرىشتى مەتالدان جاسالعان. قازىرگى قولدانىلىپ جۇرگەن تۋلاردىڭ العاشقىسى بولىپ چجود دەگەن جۇڭگو يمپەراتورىنىڭ تۋى بولىپ سانالادى. ونىڭ ءتۇسى اق بولعان، بۇل ءتۇس كوشتىڭ، بيلىكتىڭ بەلگىسى.
6 - وقۋشى
ءانۇران دىبىستىق ءرامىز. ال،»گيمن»تەرمينى گرەكتىڭ ءسوزى، «سالتاناتتى ءان» دەگەن ماعىنانى بەرەدى.
7 وكۋشى تاۋەلسىز ەل جىرلارى
مەن قازاقپىن ۇلانىمىن قازاقتىڭ،
تاۋەلسىزبىن ەگەمەنمىن وزاتپىن.
كوك بايراعىم تۇر كوگىمدە جەلبىرەپ،
الاتاۋداي كوككە ورلەگەن ازاتپەن.
8 - وقۋشى
شىقتى تاراپ وي دانادان،
بەرى قارادى جۇلدىز بەتى،
ەلى قالاپ سايلاپ العان،
ەلىمنىڭ پرەزيدەنتى.

9 - وقۋشى
باقتىڭ قۇسى ءار ادامعا قونىپ تۇر،
و، ءتاڭىرىم ءبىزدى باققا جولىقتىر،
بۇگىن مىنە تاۋەلسىزدىك اعايىن،
ءار قازاقتىڭ جۇرەگى بولىپ سوعىپ تۇر!
10 - وقۋشى
كوك جۇزىندە قالىقتاعان قىرانىم،
بەيبىتشىلىك پەن بوستاندىق جىر ءانىم.
سامعاپ جۇرسەك بوستاندىقتا بيىكتە،
شارىقتايدى كەڭ كولەمدە بۇل ءانىم!

قورىتىندى ءبولىمى
ءمۇعالىم ءسوزى.
ۇلتتىق رامىزدەردى قۇرمەتتەۋ – ءاربىر ازاماتتىڭ مىندەتى. سەبەبى ول ەلدىكتىڭ كيەلى بەلگىسى.
قازاق مەملەكەتى ءوز تاۋەلسىزدىگىن العاننان بەرى الەمدىك قاۋىمداستىقتىڭ ءبىرازىنا مۇشە بولدى، كوپتەگەن ەلمەن ەلشىلىك قارىم – قاتىناس ورناتتى. ەلدىڭ ابىرويىن، ۇلان بايتاق جەرىمىزدىڭ تۇتاستىعىن قورعايتىن قۇجاتتار مەن شارتتارعا قول قويىلدى.
ەڭ باستىسى – ەركىندىك. سوندىقتان ەل تاۋەلسىزدىگىن كۇندەلىكتى قورعاۋ، قولداۋ قاجەت. وعان جاۋاپ ءبىزدىڭ جاقسى وقۋىمىز، ۇلگىلى ءتارتىبىمىز بولماق. الداعى تۇرعان سىناعىمىز ۇلتتىق ءبىرىڭعاي تەستكە دايىندالىپ، وڭدى ناتيجە بەرسەك، نۇر ۇستىنە نۇر! ول ءبىزدىڭ ەلىمىزدىڭ دامۋىنا تامشىداي قوسقان ۇلەسىمىز بولار ەدى...
ساباق سوڭىندا «قازاقتاي ەل قايدا» ءانى ورىندالادى.