ەلىمىزدەگى 5 ۋنيۆەرسيتەت الەمنىڭ ۇزدىك جوعارى وقۋ ورىندارىنىڭ تىزىمىنە ەندى
قازاقستانداعى 5 ۋنيۆەرسيتەت الەمدەگى ەڭ ۇزدىك جوعارى وقۋ ورنىندارىنىڭ تىزىمىنە ەنىپ وتىر.
ەلىمىزدەگى جوعارى وقۋ ورىندارى الەمدەگى ەڭ وزىق ۋنيۆەرسيتەتتەردىڭ قاتارىنا قوسىلۋدا. تاياۋدا الەمدىك QS رەيتينگى كەزەكتى ناتيجەسىن جاريالاندى.
بىلتىر بۇل كورسەتكىشتە قازاقستاندىق 16 جوعارى وقۋ ورنى كورىنسە، بيىل تاعى 5 ۋنيۆەرسيتەت ۇزدىكتەر قاتارىن تولىقتىردى.
اتاپ ايتقاندا، QS World University Rankings – الەمنىڭ ۇزدىك ۋنيۆەرسيتەتتەرى تىزىمىنە العاش رەت داۋلەت سەرىكبايەۆ اتىنداعى شقتۋ، نارحوز ۋنيۆەرسيتەتى، سۇلەيمان دەميرەل اتىنداعى ۋنيۆەرسيتەت، قورقىت اتا اتىنداعى قىزىلوردا ۋنيۆەرسيتەتى جانە م. ح. دۋلاتي اتىنداعى تاراز وڭىرلىك ۋنيۆەرسيتەتى كىردى.
«عىلىمنىڭ نەگىزگى بۋىنى وڭىرلىك جوعارى وقۋ ورىندارىنا دارىپ، ەل ەكونوميكاسى مەن ونەركاسىبىن دامىتۋدا ماڭىزدى ءرول اتقارا باستادى. مىقتى ۋنيۆەرسيتەتتەر جەرگىلىكتى ەكونوميكا مەن يندۋستريانىڭ دامۋىنا جول باستايتىن بىلىكتى كادرلاردى دايىندايدى»، - دەيدى ق ر عىلىم جانە جوعارى ءبىلىم ءمينيسترى ساياسات نۇربەك.
د. سەرىكبايەۆ اتىنداعى شقتۋ جاھاندىق QS كورسەتكىشىنە عىلىمدى دامىتۋعا باسىمدىق بەرۋىنىڭ ارقاسىندا ەنىپ وتىر.
«ءبىز ەڭ الدىمەن، عىلىمدى دامىتۋعا باسىمدىق بەرىپ، عىلىمي زەرتتەۋلەردى قارجىلاندىرۋدى، تەحنولوگيالاردى كوممەرسيالاندىرۋدى جولعا قويدىق. سوندىقتان رەسپۋبليكالىق بيۋدجەتتەن عىلىمدى قارجىلاندىرۋ بىرنەشە ەسە ۇلعايدى. 2021-2023 جىلدارى ەكى ەسەگە جۋىق، 2023-2025 جىلدارى عىلىم بيۋدجەتى 3،5 ەسەگە ۇلعايسا، جالپى قاراجات 643 ملرد تەڭگەگە جەتتى. بۇل ءبىزدىڭ عالىمداردى ەرەكشە ىنتالاندىرىپ وتىر. د.سەرىكبايەۆ اتىنداعى شقتۋ جالپى تابىسىندا عىلىمنىڭ ۇلەسى 20%. بۇل الەمدىك جوعارى وقۋ ورىندارى دەڭگەيىندە»، - دەپ حابارلادى ءبىلىم ورداسىنىڭ باسپا ءسوز قىزمەتى.
You Might Also Like
-
قابانباي باتىر جاس كەزىندە ۇلى ءجۇزدىڭ اتويشىل باتىرلارى حانكەلدى، ارالباي، مەرگەنباي، جاۋاتار، ىرىسكەلدى سياقتى ءىرى تۇلعالارمەن تالاي رەت ۇزەڭگىلەس بولىپ، جوڭعارلارعا قارسى قاندى شايقاستار ءجۇ...
-
كيىز ءۇي - ەجەلگى كوشپەلى ءومىر سۇرەتىن ادامداردىڭ جىلجىمالى باسپاناسى. ول تەز جيىلىپ-تىگىلۋگە ىڭعايلى كوشىپ-قونۋعا ىڭعايلى ەتىپ جاسالعان. كيىز ءۇيدىڭ پايدا بولعان ۋاقىتى قولا داۋىرىمەن تۇسپا-تۇس كەلە...
