ەسكەلدىنىڭ ەرلىگى
ابىلاي دا ەسكەلدىنى ەس تۇتقان. بىردە قالماق باسقىنشىلارى جاۋىنگەرلەرىنىڭ جويقىندىعىن، ءدۇبىرلى ەكەندىگىن سەزگەن ابىلاي ساربازدارىنا: «قىسپاققا تۇسكەلى تۇرمىز-اۋ، باس كوتەرەر ەر ازاماتتى تۇگەل جيناڭدار. وسى ماڭدا ءوزى باتىر، ءوزى مەرگەن، اقىلى العىر، سوزگە شەشەن، ەلگە كوسەم، ۇلى ءجۇز جالايىرىنىڭ ەسكەلدى اتتى ازاماتى بار. سول باتىردى الدىرىپ، ءبىر جاساققا قولباسشى جاساڭدار»، — دەپ نۇسقاۋ بەرەدى. ەسكەلدىنىڭ دە تەپسە تەمىر ۇزەتىن، ايبىندانسا، وردا بۇزاتىن كەزى ەكەن. ابىلاي حان قولقا سالعان سوڭ، ەسكەلدى قاپتاعان جاۋ جاساعىنا تويتارىس بەرۋگە بىردەن اتتانادى. قالماقتاردىڭ العى توبىنىڭ قالىڭ شەبىنە قىرعيداي ءتيىپ، بەكىنىستەرىن تالقانداپ، جەڭىسكە جەتەدى.
ەسكەلدى باستاعان ەل قورعاۋشىلار ىلە، باقاناس بويىندا دا جوڭعارلاردىڭ جويقىن كۇشىنە قارسى شىعىپ، قاسكويلەردى كەيىن ىعىستىرىپ، ەلى مەن جەرىن ازات ەتكەن. قابانباي باتىردىڭ جاۋىنگەر توبىنا قوسىلىپ، جوڭعارلاردىڭ ەسىن جيعىزباي قاتتى سوققى بەرىپ، شەكارادان اسىرا قۋعان. ىلە وزەنىنىڭ سولتۇستىك جاعالاۋى مەن بالقاش كولىنىڭ بويىنداعى، تەكەلى تاۋى مەن قاپال قىرىنداعى جوڭعار شاپقىنشىلارىن تالقانداۋدا دا ەسكەلدى باستاعان ساربازدار ەرلىگىمەن تانىلعانى ەستە ساقتالعان شەجىرەلەردىڭ ارقاۋىنا اينالعان.
You Might Also Like
-
اقتوبە وبلىسى ايتەكە بي اۋدانى تەرەڭساي جالپى ورتا ءبىلىم بەرەتىن مەكتەبىنىڭ 8 سىنىپ وقۋشىسى تۇرعان فاتيما
-
بىردە ءۇش اۋليە: قابىليسا، ەسكەلدى، بالپىق ۇشەۋى قىردا كەلە جاتادى. جول ۇستىندە بالپەكەڭ اتىنان ءتۇسىپ، دارەت سىندىرىپ تۇرسا، اتىنىڭ شىلبىرى قولىنان شىعىپ كەتەدى. ماجبۇرلىگىن تىندىرعان سوڭ اتىنا ۇمتى...
