ەسسە جانە ولەڭ-جىر بايقاۋىنىڭ كەزەكتى ۇزدىك تۋىندىسى
قالامى قارىمدى جاستاردىڭ ونەرىن قولداۋ ماقساتىندا ۇيىمداستىرىلعان ەسسە جانە ولەڭ-جىر بايقاۋىنىڭ كەزەكتى جەڭىمپازى انىقتالدى. بۇل جولى كوپتەگەن تۋىندىلار اراسىنان «تاق» دەگەن ايدار تاعىلعان ولەڭ ۇزدىك دەپ تانىلىپ وتىر. اۆتورى – نۇرسۇلتان قوجاعۇل.
ۇزدىك دەپ تانىلعان تۋىندىنى نازارلارىڭىزعا ۇسىنامىز:
تاق
سوناۋ مەنىڭ ساق بابامنان عاجاپ دۇنيە وشپەگەن،
اتا-بابام ورنىمەنەن مەكەنىنەن كوشپەگەن،
بايتاق جەرىن، بەل اسۋىن، بايلىقتارىن باسقارعان
تاقتا وتىرعان حان-سۇلتاندار ومىرلەرى كۇشتى ەكەن.
بۇل التىن تاق، تۇگەل الەم، بار عالامشار باس يگەن،
حاندى تاققا كوتەرگەنمەن ەلى-جۇرتى شىن سۇيگەن.
بەيبىت جولدىڭ دۇرىستىعىن كۇزەتشىدەي باقىلاپ،
شايقاسقاندا، قاتەلىكتەن اقىل مەن وي سىن تۇيگەن.
تاقتىڭ ورنى ەستەن كەتپەس بۇركىت ۇشقان كورىنىس،
جالاتىلعان ءپىل سۇيەگى، التىن سىندى تۇر كۇمىس.
ەكى كوزىن باۋراپ العان جۇرتتىڭ ويى دەر ەدى:
تاقتا وتىرعان حان يەمىز، نەتكەن ءسىزدىڭ كوركىڭىز!
ال بىرەۋلەر تاققا قاراپ ارمانىمەن تامسانار،
توت بوپ باسسا، تاق كۇن بولار، اسقاقتاتا تاڭ جانار.
شۇرايلى جەر مەكەنىندە ءسالت-داستۇردى ۇلىقتاپ،
قارا تۇنەك شارپىسا ەگەر تاقتا حاندار جاندانار.
سوندىقتان دا تاق – حانداردىڭ بيلىك ەتەر تۇراعى،
جاۋاپ الار بۇل تۇراقتا تاۋسىلمايتىن سۇراعى.
نەشە جىلدار ءتۇپ اعاشىن وتىرعىزعان پاتشانىڭ
جەمىس بەرگەن گۇلدەنەرلىك تەڭدەسى جوق بۇل تاعى!
(اۆتوردىڭ ورفوگرافياسى مەن پۋنكتۋاسياسى ساقتالعان)
جەڭىمپازدى قۇتتىقتايمىز!
سىيلىقتى الۋ ءۇشىن bilimland.kz سايتىمەن بايلانىسۋىڭىزدى سۇرايمىز!
ەسكە سالايىق، bilim-all.kz جانە bilimland.kz سايتتارى جاس قالامگەرلەر اراسىندا سايىس جاريالاعان بولاتىن. بارلىق تالاپتارمەن قالامگەرلەر سايىسى سىلتەمەسى ارقىلى تانىسا الاسىز.
You Might Also Like
-
زامان اعىمى العا جىلجىعان سايىن باسەكەلەستىك پەن ساپا ارتا تۇسەدى. تاڭداۋ كوپ بولعاندىقتان ءبىرى قىمبات دۇنيەلەرگە ءۇيىر بولسا،ءبىرى ارزانعا ءۇيىر. ارزاننىڭ سورپاسى تاتىماس. دەسەك تە حالىق اراسىندا تار...
