InfoHub Logo

اقمولا وبلىسى، ستەپنوگورسك قالاسى،
بەستوبە كەنتىنىڭ №2 ورتا مەكتەبىنىڭ باستاۋىش سىنىپ ءمۇعالىمى
سالمەنوۆا جۇمابيكە امانتاي قىزى

قازاق ءتىلى
ساباقتىڭ تاقىرىبى: ەتىستىك
ساباقتىڭ ماقساتى:
بىلىمدىلىك: وقۋشىلارعا ەتىستىك تۋرالى بەرىلگەن ءبىلىمدى ويىن، ديداكتيكالىق ماتەريالدار بويىنشا ەسكە ءتۇسىرۋ، تالداۋ، تياناقتاۋ؛
دامىتۋشىلىق: وقۋشىلاردىڭ ءوز ويلارىن ەركىن، اشىق جەتكىزە ءبىلۋ داعدىلارىن، ءتىلىن، ءار ماسەلەگە سىني كوز قاراسىن، شىعارماشىلىق قابىلەتىن دامىتۋ؛
تاربيەلىك: ادەپتىلىككە، مەيىرىمدىلىككە، جىلدام ويلاۋعا تاربيەلەۋ. ساۋاتتى، كوركەم جازۋعا ۇيرەتۋ.
ساباقتىڭ ءتيپى: ءبىلىمدى تياناقتاۋ
ساباقتىڭ ءتۇرى: ءداستۇرلى
ساباقتا قولدانىلاتىن ءادىس - تاسىلدەر: تالداۋ، سالىستىرا - اجىراتۋ، سۇراق - جاۋاپ، ويىن، سايكەستەندىرۋ، توپتاستىرۋ، دەڭگەيلىك تاپسىرمالار
ساباقتىڭ كورنەكى قۇرالدارى: سۋرەتتەر، كارتوچكالار، بەلگىلەر، ينتەراكتيۆتى تاقتا.
ءپانارالىق بايلانىس: ادەبيەتتىك وقۋ، دۇنيەتانۋ

ساباقتىڭ بارىسى
I. ۇيىمداستىرۋ كەزەڭى
قازاق ءتىلىم – ءوز ءتىلىم – انا ءتىلىم،
اباي، مۇحتار سويلەگەن دانا ءتىلىم.
قاستەرلەيدى ۇل – قىزىڭ ماڭگى سەنى
بولاشاعىم، باقىتىم، دارا ءتىلىم! - دەپ قازاق ءتىلى ساباعىن باستايمىز.
بالالار، ءبىزدىڭ بۇگىنگى ساباعىمىزعا قوناقتار كەلىپ وتىر. ءبىز قوناقتاردى تاربيەلى تارتىبىمىزبەن، بىلىمىمىزبەن قارسى الىپ، شىعارۋىمىز كەرەك.
- بالالار، بۇگىن كوڭىل - كۇيلەرىڭ قانداي؟

ءۇي جۇمىسىن تەكسەرۋ: 6 - جاتتىعۋ. 1 - 2 بالادان سۇراۋ كانە بالالار وتكەن ساباق بويىنشا مەن سەندەرگە سۇراق قويامىن سەندەر جاۋاپ بەرۋگە تىرىسىڭدار. تەك قول كوتەرەمىز، ورنىمىزدا وتىرىپ ايتپايمىز. ال ولاي بولسا ءبىرىنشى سۇراعىم:
1. قانداي ءسوز تاپتارىن بىلەمىز؟
2. قاي ءسوز تابىن وتتىك؟
3. زات ەسىم دەگەنىمىز نە؟
4. ادامعا قاتىستى سوزدەرگە قانداي سۇراق قويامىز؟
5. زات ەسىمنىڭ قانداي تۇرلەرىن وتتىك؟
6. جەكەشە ءتۇرى قانداي سۇراققا جانە كوپشە ءتۇرى قانداي سۇراققا جاۋاپ بەرەدى؟
7. زات ەسىمنىڭ كوپشە ءتۇرى قانداي جالعاۋلار ارقىلى جاسالادى؟
- ساباعىمىزدى باستاماس بۇرىن ءسوزجۇمباقتى شەشىپ، جاسىرىنىپ تۇرعان ءسوزدى اشايىق.
1. مال ءونىمى.(ەت)
2. جىل مەزگىلى.(كوكتەم)
3. سۇتتەن جاسالاتىن تاعام.(ىرىمشىك)
4. ۋاقىت بىرلىگى.(ساعات)
5. اكەنىڭ اكەسى.(اتا)
6. اۋرۋدى ەمدەۋشى.(دارىگەر)
7. ءوز اتىن شاقىراتىن قۇس.(كوكەك)
قانداي ءسوز شىقتى؟ ەتىستىك - ەندەشە ءبىر - بىرىمىزگە ساتتىلىك تىلەپ، ساباعىمىزدى جاقسى كوڭىل - كۇيىمەن باستايىق.
ەتىستىك. زاتتىڭ قيمىلىن، ءىس - ارەكەتىن ءبىلدىرىپ، نە ىستەدى؟ نە قىلدى؟ ءقايتتى؟ دەگەن سۇراقتارعا جاۋاپ بەرەدى. ولاي بولاتىن بولسا بالالار بۇگىن بىزدەر وسى ەتىستىك تاقىرىبىن ودان ارى جالعاستىرامىز.
بۇگىنگى ءبىزدىڭ ساباعىمىزدىڭ ۇرانى:
سويلەيمىز، وقيمىز، جازامىز،
ءبارىن بىلۋگە ۇمتىلامىز! ەندەشە وسى ۇراندى ۇستانا وتىرىپ، ساباعىمىزدى جالعاستىرامىز. سۋرەتپەن جۇمىس: سۋرەتكە قاراپ نە ىستەپ جاتقاندارىن، قانداي قيمىل قوزعالىستارىن كورىپ تۇرعاندارىن ايتۋ.
داپتەرمەن جۇمىس: كانە بالالار داپتەرلەرىڭدى اشىپ، بۇگىنگى كۇندى جازامىز. تازا جازۋ: ەە ەمەن، ەسىك، ەشكى. وقۋلىقپەن جۇمىس: 1 - جاتتىعۋداعى ولەڭ جاتقا جازىلادى. وقۋشىلار ورىندايتىن تاپسىرمالار: ولەڭنەن ەتىستىكتەردى تاۋىپ، استىن سىزۋ؛ - ەتىستىكتەرگە سۇراق قويۋ؛ - دارىگەر ماماندىعى تۋرالى قىسقاشا اڭگىمەلەسۋ؛ جۇمباق شەشۋ: ايۋ. كۇن تاقتامەن جۇمىس: 2 - جاتتىعۋدىڭ ماقساتى دا وقۋشىلاردىڭ نازارىن قيمىل، ءىس - ارەكەتتى بىلدىرەتىن ەتىستىك سوزدەرگە نە ىستەدى؟ قايتەدى؟ دەگەن سۇراق قويىلاتىنىن اڭعارتۋ. II. «تەز ويلا، ءسوز ويلا» ويىنى
نە؟ كىم؟
قوي قوزدايدى. دارىگەر ەمدەيدى.
بيە قۇلىندادى. ءمۇعالىم وقىتادى.
ەشكى لاقتايدى. ۇشقىش ۇشادى.
تۇيە بوتالايدى. تىگىنشى تىگەدى.
سيىر بۇزاۋلايدى. جازۋشى جازادى.
م: بۇل قاي ءسوز تابى؟
زاتتىڭ اتىن بىلدىرەتىن ءسوز تابىن زات ەسىم دەپ اتايمىز. ال وسى زات ەسىمدەر قانداي ءسوز تابى ارقىلى جاسالىپ تۇر؟
وقۋلىقپەن جۇمىس. 3 - جاتتىعۋ بويىنشا كوپ نۇكتەنىڭ ورنىنا ءتيىستى ەتىستىكتەردى قويىپ، سويلەمدەردى كوشىرىپ جازادى. ەتىستىكتەردىڭ استىن سىزىپ، ونىڭ قاي ءسوز تابىمەن بايلانىسىپ تۇرعانىن سىزبا ارقىلى كورسەتەدى.
سەرگىتۋ ءساتى
شارشاساڭدار، بالالار،
قولدارىڭدى سوزىڭدار.
ساۋساقتارمەن ويناڭدار،
قولدارىڭدى سەرمەڭدەر.
دەنەلەرiڭ شىنىقسىن،
سانالارىڭ تىنىقسىن.
«تەز تاۋىپ، بوگەلمەي ايت» ويىنى
جەل.............. نايزاعاي......... كۇن................ اسان.................
جاڭبىر........ اتەش................ قوڭىراۋ....... بي....................
اكەم............. تاڭ.................. تاپسىرما..... قوي..................
4 - جاتتىعۋ بويىنشا بەرىلگەن تاقىرىپتىق سۋرەتتەر ارقىلى اڭگىمە قۇراستىرادى. قۇراستىرعان ماتىننەن ەتىستىكتەردى تاۋىپ، استىن سىزادى جانە ەتىستىكتەردىڭ قاي ءسوز تابىمەن بايلانىسىپ تۇرعانىن سىزبا تۇرىندە كورسەتەدى. كىم شاپشاڭ؟ ويىنى بەرىلگەن ەتىستىككە قاراما - قارسى ەتىستىكتى تاۋىپ ايت.
كىردى -------- كەلدى --------
تۇردى ------ الدى -------
كۇلدى ------- اۋىردى ---
ەركىن جازۋ ستراتەگياسى بويىنشا ولەڭ قۇراستىرۋ «ۇيقاسىن تاپ»
ساباقتا مەن______________
جامان بالا_______________
جاقسىلارمەن_____________
ايتقان سەرتتەن_____________
ۇلكەندەردى________________
ايتقاندارىن______________
كومەكتەسەم_______________
كورىڭدەر، مەن_____________
وسى ولەڭنەن كوكەيلەرىڭە نە تۇيدىڭدەر؟ (ۇلكەنگە كومەكتەسۋ، ادەپتى بولۋ)
ءسوز تابىن تالداۋ ويىنى.
زات ەسىمگە - سارى، سىن ەسىمگە - جاسىل، ەتىستىككە - قىزىل ءتۇستى كوتەرەدى. (وقۋشىلاردىڭ شاپشاڭدىلىعىن دامىتادى.)
1. وزەن، تاۋ، قالام، ءان، بالا، كيىم
2. تۇردى، جازدى، سىزدى، كۇلدى، جاۋدى
3. بيىك، ادەمى، ۇلكەن، اقىلدى، تازا
4. ويلانىپ وتىر، ۇشىپ كەلە باستادى، سايراپ وتىر
IV. بەكىتۋ
وقۋشىلاردىڭ ءبىلىمىن بەكىتۋ ماقساتىندا دەڭگەيلىك تاپسىرمالاردى ورىنداتۋ:
ءى دەڭگەي
1. ەتىستىكتەردىڭ استىن سىز:
- دوپ، جازدى، الدى، داپتەر، تازا، ادەمى، جۋدى، ۇشتى، باردى.
2. ەتىستىككە سۇراق قوي؟
اسپان، تۋ، ءپىسىردى، قار، جازدى، بىلگىر، ءبىرىنشى، اپاردى
ءىى دەڭگەي
دارا ەتىستىكتەردى كۇردەلى ەتىستىككە اينالدىرىپ جاز:
وينادى -
جازدى –
وقىدى –
ءىىى دەڭگەي.
زات ەسىمنىڭ استىن ءبىر رەت، ەتىستىكتىڭ استىن ەكى رەت سىز:
بىرلىگى جوق ەل توزادى،
بىرلىگى كۇشتى ەل وزادى.

V. قورىتىندىلاۋ
ەتىستىك دەگەنىمىز نە؟
قانداي سۇراقتارعا جاۋاپ بەرەدى؟
VI. ۇيگە تاپسىرما بەرۋ 5 - جاتتىعۋ، 48بەت.
VII. باعالاۋ.