ەۇۋ ستۋدەنتتەرى ءبىرىنشى بولىپ جوعارى شاكىرتاقى الدى
ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەرى ءبىرىنشى بولىپ جوعارى شاكىرتاقى الدى.
قازاقستان پرەزيدەنتى قاسىم-جومارت توقايەۆ جاستار جىلىنىڭ جابىلۋ سالتاناتىندا 2020 جىلدىڭ قاڭتار ايىنان باستاپ ستۋدەنتتەرگە، ماگيسترانتتارعا جانە دوكتورانتتارعا شاكىرتاقىنىڭ 25%-عا ارتاتىنىن جاريالاعان بولاتىن.
ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ 14 677 ستۋدەنتى جاڭا جوعارىلاتىلعان تولەمدەردى ءبىرىنشى بولىپ الدى (سايكەسىنشە، باكالاۆرياتتا وقيتىن ستۋدەنتتەر سانى - 10 275، ماگيستراتۋرا – 2 795، دوكتورانتۋرا - 997).
باكالاۆريات ستۋدەنتتەرىنە ارنالعان شاكىرتاقى 20 949 تەڭگەدەن 26 186 تەڭگەگە، ماگيسترلىك باعدارلامالار 53 530 تەڭگەدەن 66 913 تەڭگەگە، دوكتورانتۋرا 81 998 تەڭگەدەن 102 498 تەڭگەگە دەيىن ءوستى.
ءقازىر ەۋرازيا ۇلتتىق ۋنيۆەرسيتەتىندە 20 مىڭداي ستۋدەنت وقىسا، ولاردىڭ 70 پايىزى مەملەكەتتىك ءبىلىم گرانتى يەگەرى.
2019 جىلدىڭ قىركۇيەك ايىنان باستاپ پروفەسسور-وقىتۋشىلار قۇرامىنىڭ جالاقىسى 50 پايىزدان جوعارى، ال عىلىمي كىتاپحانا قىزمەتكەرلەرىنىڭ جالاقىسى 20%-عا كوتەرىلگەنىن اتاپ وتكەن ءجون.
ال اكىمشىلىك جانە سالا قىزمەتكەرلەرىنىڭ جالاقىسىن بيىلعى جىلدىڭ 1 قاڭتارىنان 20%-عا ارتتىرۋ كوزدەلۋدە.
You Might Also Like
-
تۋعان جەرىن سۇيە الماۋى دەگەنىمىز، مەنىڭشە ادام بالاسى دۇنيەگە شىر ەتىپ تۇسكەن جەرىنەن باستاپ، ءوسىپ- ونگەن، جۇرگەن ورتاسىن ۇمىتىپ، تۋعان ەلىن، ءوزى جەتىلىپ تولعانداي بولعان ادامي قاسيەتتەن جۇر...
