اۋداندىق، قالالىق ءبىلىم باسقارمالارىنىڭ باسشىلارى جاڭا تارتىپپەن تاعايىندالادى — بعم
ەلىمىزدە اۋداندىق جانە قالالىق ءبىلىم بولىمدەرى وبلىستىق ءبىلىم باسقارماسىنىڭ قۇزىرىنا بەرىلەدى.
بۇل تۋرالى ق ر ءبىلىم جانە عىلىم ۆيسە-مينيسترى بيبىگۇل اسىلوۆا ايتتى.
2019 جىلعى 27 جەلتوقساندا مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى، مەملەكەتتىك باسقارۋ جۇيەسىن، بيۋدجەتارالىق قاتىناستاردى جەتىلدىرۋ، كرەديتتەۋ جانە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنا قول قويعان ەدى.
«جاڭا زاڭ ارقىلى ءبىلىم جانە عىلىم مينيسترلىگى ءبىلىم بەرۋ ۇيىمدارىن قارجىلاندىرۋدى اۋداندىق دەڭگەيدەن وبلىستىق دەڭگەيگە اۋىستىرۋدى كوزدەپ وتىر. ودان ءبىلىم بەرۋ جۇيەسىندە نە وزگەرەدى؟ ءبىلىم بەرۋ ۇيىمدارىن قارجىلاندىرۋ وڭىرلەردەگى وبلىستىق بيۋدجەتتەن تىكەلەي بولىنەدى. ال اۋداندىق، قالالىق ءبىلىم بولىمدەرىن دەربەس زاڭدى تۇلعا رەتىندە قارجىلاندىرۋ جالعاسادى. ءبىراق، بارلىق بيۋدجەتتىك قاراجاتتى رەتتەۋ جۇمىستارى ورتالىقتاندىرىلىپ، وبلىستىق بيۋدجەتتەن جۇزەگە اسادى»، - دەدى ۆيسە-مينيستر ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، قارجىلاندىرۋدىڭ ءدال وسى فورماسى ءبىلىم بەرۋ ۇيىمدارىن قارجىلاندىرۋ دەڭگەيىن كوتەرەدى.
«ءقازىر بارلىق دەڭگەيدە - مەكتەپكە دەيىنگى، ورتا، تەحنيكالىق جانە كاسىپتىك، جوعارعى ءبىلىم بەرۋدە جان باسىنا شاققانداعى ءنورماتيۆتى قارجىلاندىرۋ ءجۇرىپ جاتىر. بۇل ءبىلىم بەرۋ ۇيىمدارىنداعى قارجىلاندىرۋ پروسەسىن وڭتايلاندىرادى جانە ءبىلىم بەرۋ ساپاسىن جاقسارتادى. ودان بولەك، اۋداندىق ءبىلىم بەرۋ باسقارمالارىنىڭ باسشىلارىن تاعايىنداۋ جۇيەسى وزگەرەدى»، - دەدى ب. اسىلوۆا.
2020 جىلدىڭ 1 قاڭتارىنان باستاپ، اۋداندىق جانە قالالىق ءبىلىم بەرۋ باسقارمالارىنىڭ باسشىلارىن تاعايىنداۋ وبلىستىق باسقارمامەن كەلىسىلەدى. سايكەسىنشە، جۇمىستان شىعۋ ءتارتىبى دە وبلىستىق ءبىلىم باسقارمالارىنىڭ ماقۇلداۋىن قاجەت ەتەدى.
ال وبلىستىق ءبىلىم بەرۋ باسقارمالارىنداعى تاعايىنداۋ مەن جۇمىستان شىعارۋدى ق ر ءبىلىم جانە عىلىم مينيسترلىگى رەتتەمەك.
You Might Also Like
-
بىلەسىز بە،جاراتۋشى يەم ماعان ۇلكەن سىيلىق سىيلادى.ول وتە قىمبات، باعالى ءارى ادەمى.مەنىڭ ومىرىندەگى ۇلكەن سىيلىق سول بولدى.جو-جوق، كولىك نەمەسە ءزاۋلىم سارايدىڭ ايتىپ تۇرعانىم جوق.مەنىڭ ومىرگە كەلۋى...
