InfoHub Logo

تۋعان جەرىن سۇيە الماۋى دەگەنىمىز، مەنىڭشە ادام بالاسى دۇنيەگە شىر ەتىپ تۇسكەن جەرىنەن باستاپ، ءوسىپ- ونگەن، جۇرگەن  ورتاسىن ۇمىتىپ، تۋعان ەلىن، ءوزى جەتىلىپ تولعانداي بولعان ادامي قاسيەتتەن جۇرداي ادامداردى ايتۋىمىزعا بولادى. ناقتىراق ايتساق، ءوز ەلىن ۇمىتىپ قانا قويماي، ءتىلىن، ءدىنىن، سالت- داستۇرىمەن ادەت- عۇرپىن، حالىقتىق داستۇرگە ساي ىرىم- جورالعىلارىن بىلمەيدى.سونداي ادامداردان ءوز وتانىنا جانى اشىماي،  ۇلتارازدىقتى قوزدىرىپ ، ىرىتكى سالاتىن  ويلاردى ايتۋ –ادامدىق ءىس  ەمەس ەكەنىن  ايتا الامىز. «ەلىنەن بەزىپ، ەلسىزدە ولگەننىڭ، ەكى كوزىن قارعا شۇقيدى» - دەمەكشى، بەلگىسىز ءبىر سەبەپتەرمەن اداسىپ،  ەلىن ساتقان  ادامدار  وزگە ەلدەردە  دە ءومىر سۇرە الماي ،ءوز قاتەلىكتەرىنەن وپىق جەپ جاتقاندار قانشاما؟ ەكى كوزىن قارعا  شۇقۋى ، قارعانىڭ قارا نيەتى  قۇس ەكەنى، وپاسىز ادامداردى بىردەن بىلەتىنى بايقالادى.  سونىمەن ادامگەرشىلىك قاسيەتتەن  ادا،  ياكي ءوزىنىڭ ۇلتىن ايتۋعا ۇيالاتىن، ءتىپتى ءوزى تۋعان اتا- اناسىنان  جەرىپ،  تاني الماۋى، ادامدى ەسالاڭ، ماڭگۇرت ەتەدى.  

ءاربىر ادام بالاسى، تۋعان جەرىن، تۋعان اۋىلدىڭ اۋاسىن، تۋعان ولكە تابيعاتىن، تۋعان ءتىلىن ساعىنبايتىن ادام كەمدە- كەم شىعار. مەن تۋعان جەر، اق توبەنىڭ باۋرايىندا ورنالاسقان اقتوبە  قالاسىندا تۋدىم. اقتوبە قالاسى وزگە وڭىرلەردەن وزگەشەلىگى ەلەك وزەنىنىڭ ۇستىندە ورنالاسقان. قىسى اق تۇتەك بوران بولسا، كۇزى  اق جاۋىندى  نوسەرەلەتە جاۋاتىن، كوكتەمى كۇن ىلعالدى، جازى قوڭىر سالقىن بولاتىن قالا، مەن ءۇشىن ەڭ ىستىق، ەڭ قىمبات اتامەكەن بولىپ  كەلەدى.وسى قالادا  مەكتەپ قابىرعاسىندا بولىپ، كەيىن ءوزىم قالاعان  ءتىلدىڭ شەبەرى بولۋى ارمانىممەن وقۋ ءبىتىرىپ، قازىرگى  بالالارعا جىلىلىق  مەيىرىم توگەتىن  ۇستازدىق  قىزمەتىمدى جالعاستىرۋدامىن. ەڭ الدىمەن قازاقستان رەسپۋبليكاسىنىڭ   پرەزيدەنتى  ق.ك.توقايەۆ  جولداعان  «سىندارلى قوعامدىق ديالوگ- قازاقستاننىڭ  تۇراقتىلىعى مەن وركەندەۋىنىڭ  نەگىزى» اتتى   تاقىرىپتاعى  جولداۋىندا كورسەتىلگەن «قازاق ءتىلىنىڭ مەملەكەتتىك ءتىل رەتىندە ءرولى  كۇشەيىپ،  ۇلتارالىق قاتىناس تىلىنە اينالاتىن كەزەڭى كەلدى» ايتقانداي، قازاق ءتىلىنىڭ مارتەبەسىن ارتتىرۋىنا كىشكەنە  بولسا دا ىقپال ەتىپ، ىسكەرلىك كەزدەسۋ ءتىلى رەتىندە قولدانىلۋىنا  بولاشاق وسكەلەڭ ۇرپاقتى ۇيرەتۋگە اتسالىسۋدامىن.

تۋعان جەردىڭ ءتۇتىنى دە ىستىق دەمەكشى، تۋعان ولكەنىڭ توپىراعىن باسىپ، جىلۋىن سەزىنۋ، ءاربىر تالىمەن كورىكتى، سۋىمەن ءمولدىر، ساف، تازا اۋاسىمەن ءبىزدى ەرەكشە وزىنە  تارتادى. اقتوبەنىڭ  بىلتىرعى جىلى 150 جىل تولۋىن  تويلاعانى، يگى ىستەر جاسالىپ، قالانىڭ  كورىكتەنۋىنە ، اۋماعىنىڭ وسۋىنە، مادەني ورىنداردىڭ كوپتەپ اشىلۋى ءبىز ءۇشىن ۇلكەن اسەر قالدىردى. تۋعان جەرلەردە تالاي تانىمال جۇلدىزدار، ەلگە تانىمال قوعام قايراتكەرلەرى كەلىپ، وڭىردەن شىققان بەلگىلى كاسىپكەرلەر وزدەرىنىڭ جىلى لەبىزدەرىمەن  قولۇشىن بەرۋى  حالىقتى تاڭعالدىردى. سونىمەن بىرگە  الەمگە اتى داۋسىمەن تانىلعان د. قۇدايبەرگەن سياقتى كوزىندە جاستىقتىڭ وتى بار، جاستار جىلىمەن  تۇسپا-تۇس كەلۋى كەلۋى، قالامىزدا ءوزىنىڭ جەكە كونسەرتىن بەرۋى  حالىققا ەرەكشە اسەر ەتتى.

قورىتىندىلاي ايتقاندا «ماڭگىلىك ەلدىڭ» قىراندارى بار، بولاشاقتا ميلليون حالقى بولاتىن مەگاپوليس ايماعى «اقتوبەدە» تۇراتىنىما ماقتانىش ەتەمىن، الەمگە اتى شىعاتىنىمىزعا كامىل سەنەمىن.

اقتوبە قالاسى №61 جالپى ءبىلىم بەرەتىن ورتا مەكتەپتىڭ 

قازاق ءتىلى مەن ادەبيەتى ءپانىنىڭ ءمۇعالىمى سەرعازى قىزى اسەل

---