ابىزعا ارناۋ
ابىزعا ارناۋ
كىم تۋماعان التىن قۇرساق انادان،
پايعامبار دا انالاردان تارالعان.
مىنە سونداي ءابىش اتتى اسىل ۇل
قازاعىمنىڭ باقىتىنا جارالعان.
ءابىش اتا، قالامگەرسىڭ قارىمدى
بايىپتىلىق ءون بويىڭنان تابىلدى.
جالاڭاياق اسىر سالعان بەينەڭدى
تۋعان جەردىڭ توپىراعى ساعىندى.
جۇرگەنىڭمەن تاۋىڭ قانشا شاعىلىپ،
وزگەرمەستەن قالدى تۇلعاڭ سابىرلى.
وتكەن كۇننىڭ كۋاسىندەي بوپ قالعان،
ءوزىڭ جۇرگەن جولدار سەنى ساعىندى.
سەنى ىزدەپ، دارحان دالا قامىقتى
تابيعات پا، ولدا مۇڭعا مالىندى.
جارلىعىنا جاراتقاننىڭ باعىنىپ،
جارىڭ، بالاڭ، نەمەرەڭ دە ساعىندى.
توم-توم كىتاپ تۇر سورەدە ءتىزىلىپ،
ولشەۋلى ءومىر قالا بەردى ءۇزىلىپ...
كۇتكەندەي بوپ جازۋشىلىق شاعىڭدى،
قاعاز، قالام، ورىندىعىڭ ساعىندى.
بۇيرا شاشتى ارعىماعىم كەڭ ماڭداي،
سەنسىز قوعام جەتىمسىرەپ قالعانداي.
كەمەل ويدىڭ كەمەڭگەرى قايدا دەپ،
سۇرعىلت اسپان سەنى جوقتاپ تۇرعانداي...
You Might Also Like
-
ۇلتتىق بولمىس دەگەنىمىز-قازاقتىڭ سالت –داستۇرلەرىمەن،يبالى، يماندىلىق تۇرلەرى جاتادى. ەرتەرەكتە مال باعىپ جۇرگەن اتا- بابامىز بالالارىن اتقا مىنۋگە، تورگە قامشى ءىلىپ، ...
-
ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەرى ءبىرىنشى بولىپ جوعارى شاكىرتاقى الدى.
