Facebook 50 ميلليون ادامنىڭ كوروناۆيرۋسقا قارسى ەكپە قابىلداۋىنا كومەكتەسپەك
Facebook كورپوراسياسى حالىقتى كوروناۆيرۋسقا قارسى ۆاكسيناسيالاۋعا كومەكتەسۋ جوسپارىمەن تانىستىردى.
كومپانيانىڭ ەسەپتەۋىنشە، بۇل جاڭا ستراتەگيا شامامەن 50 ميلليون ادامعا ۆاكسينا ەگۋگە كومەكتەسەدى. جاڭا ستراتەگيا بويىنشا WhatsApp - تاعى كوروناۆيرۋس جايلى چات-بوتتار جاقسارماق. ينستاگرامداعى جانە Facebook-تەگى بۇكىل الەم بويىنشا ۆاكسينالار تۋرالى تالقىلانعان پوستتاردا ەندى ەكپەنىڭ قاۋىپسىزدىگى جايلى ستيكەرلەرمەن تولىقتىرىلادى. سونىمەن قاتار ۆاكسينالاردىڭ دەنساۋلىققا زيانى تۋرالى اقپاراتتارمەن كۇرەس تە كۇشەيتىلمەك. وعان قوسا Facebook جاقىن جەردەگى ۆاكسينالاۋ پۋنكتىن كورسەتىپ تۇراتىن قوسىمشا دا جاساماق. باستاپقى ۋاقىتتا بۇل قوسىمشا تەك اقش اۋماعىندا عانا قولجەتىمدى بولادى. الداعى ۋاقىتتا باسقا ەلدەرگە دە تاراتۋ جوسپارلانعان.
سونداي-اق Facebook پەن Instagram-دا كورونوۆيرۋس بويىنشا اقپاراتتىق ورتالىق اشىلماق. بۇل ورتالىق جەلى قولدانۋشىلارىنا ۆيرۋس تۋرالى سەنىمدى اقپاراتتى جەرگىلىكتى مينيسترلىكتەردەن جانە ددۇ-نان الۋعا كومەكتەسەدى.
سونىمەن قاتار، Instagram-دا «ستوريستەرگە» ارنالعان جاڭا ستيكەرلەر پايدا بولادى، بۇل ستيكەرلەر حالىقتى ۆاكسيناسياعا شاقىرۋعا باعىتتالعان.
قانيا تابىس
You Might Also Like
-
ءعابيتتى جاڭبىرشى اۋىلىنا جىبەردى.سەبەبى، كولحوز قۇرامىنا كىرمەگەن اۋىلدىڭ جاعدايىن انىقتاۋ.ءبىراق، جەرلەرى شۇرايلى، مىنەزدەرى تۇسىنىكسىز.ەڭ ارىق مالداردى وسى اۋىل جيناپ العانداي.وسىنشا باي جەردىڭ يە...
-
Aحمەت بايتۇرسىن ۇلىنىڭ ەسىمى بارشا وقىرمان قاۋىمعا تانىس بولعانىمەن، ونىڭ ءومىرى، اعارتۋشىلىق جول تۋرالى كەي دەرەكتەردى بىلە بەرمەۋى مۇمكىن. ستۋدەنتتىك ۋاقىتىمىزدىڭ سوڭعى جىلىندا ۋنيۆەرسيتەت تاراپىنا...
