Google Pay دەگەنىمىز نە جانە قالاي تولەيمىز؟

Google Pay دەگەنىمىز نە؟

Google Pay — بۇل دۇكەندەردە، سايتتاردا جانە ءموبيلدى قوسىمشالاردا ساتىپ الۋ تولەمدەرىن سمارتفون ارقىلى جۇزەگە اسىرۋعا مۇمكىندىك بەرەتىن قىزمەت. Google Payء-دى كونتاكتىسىز تولەم تەرمينالى ورناتىلعان كەز كەلگەن جەردە قولدانا الاسىز. Google Pay ارقىلى تولەۋ ءۇشىن سمارتفوندى كارتامەن بىرگە وسىنداي تەرمينالعا جاقىنداتىپ ۇستايسىز. سونىمەن قاتار، سمارتفونعا بىرنەشە كارتانى تىركەۋگە بولادى.

ال ەندى ونلاين ساتىپ الۋلارعا توقتالساق، Google Pay ارقىلى تولەم قابىلدايتىن سايتتار مەن ءموبيلدى قوسىمشالاردا وسى سەرۆيستىڭ لوگوتيپى ەكران بەتىندە كورسەتىلىپ تۇرادى، سونىڭ ۇستىنەن باسىپ ءارى قاراي اقشا تولەي الاسىز. بۇل اسىرەسە سايتتاردا ونلاين تولەم جاساعاندا ءار كەز سايىن كارتا دەرەكتەرىن قايتا-قايتا ەنگىزىپ وتىرۋ قاجەتتىلىگىن جويىپ، پروسەستى جەڭىلدەتەدى.

Google Pay قىزمەتى قانداي قۇرىلعىلاردا قولجەتىمدى؟

Google Pay قىزمەتىن سمارتفونىڭىزدا وپەراسيالىق جۇيە Android 5.0 نەمەسە ودان جوعارى بولسا ورناتا الاسىز. ال ونى ءبىلۋ ءۇشىن "قوندىرعىلار" (ناسترويكي) بولىمىنە كىرىپ، "تەلەفون تۋرالى" دەگەن جەردەن سمارتفونىڭىزدا اندرويد وپەراسيالىق جۇيەسىنىڭ نەشىنشى نۇسقاسى تۇرعانىن بىلە الاسىز. سونىمەن قاتار، تەرمينال ارقىلى تولەم جاساۋ ءۇشىن تەلەفونىڭىزدا NFس تەحنولوگياسى بولۋى كەرەكتىگىن دە اتاپ وتەمىز.

دۇكەندەردە ساۋدا جاساعان كەزدە، Google Pay ساتۋشىعا ءسىزدىڭ كارتاڭىزدىڭ ءنومىرىن بەرمەيدى، سوندىقتان تولەم دەرەكتەرى تولىقتاي قورعالعان دەپ ايتا الامىز. ال ەگەر تەلەفونىڭىزدى جوعالتىپ نەمەسە ۇرلاتىپ العان جاعدايدا Google اككاۋنتىڭىزداعى "قۇرىلعىنى تابۋ" (نايتي ۋسترويستۆو) فۋنكسياسى ارقىلى قاشىقتىقتان بارلىق دەرەكتەردى بۇعاتتاپ نەمەسە جويا الاسىز.

Google Pay قىزمەتىن قالاي قولدانامىز؟

بۇل ءۇشىن بىرنەشە قاراپايىم قادامدار جاساۋ كەرەك:

1. Play Market-تەن Google Pay ءموبيلدى قوسىمشاسىن جۇكتەيسىز.

2. Google اككاۋنتىڭىزعا كىرىپ، تولەم جاساۋ ءادىسى دەگەن جەرگە سەرىكتەس بانكتىڭ Visa نەمەسە Mastercard نەسيەلىك نەمەسە دەبەتتىك كارتانى ەنگىزەسىز.

3. دۇكەندەردە Google Pay قىزمەتىن پايدالانۋ ءۇشىن تەلەفونىڭىز NFC قولدايتىنىنا كوز جەتكىزىپ الىڭىز.

4. سونداي-اق، كارتانى Google Pay-گە تىكەلەي بانكتىڭ ءموبيلدى قوسىمشاسىنان دا قوسۋعا بولادى. الايدا بۇل تەك وسى سەرۆيسپەن سەرىكتەس بانكتەردىڭ قوسىمشالارى ءۇشىن قولجەتىمدى.

بۇگىنگى تاڭدا Google Pay قازاقستاندا Visa جانە Mastercard كارتالارىمەن جۇمىس ىستەيدى، ال سەرىكتەستەرى قاتارىندا 10 بانك بار. اتاپ ايتساق، Halyk Bank، ForteBank، ەۋرازيالىق بانك، نەوبانك Simply، الفا-بانك، حوۋم كرەديت بانك، Bank RBK، بانك سەنتركرەديت، سبەربانك، Jusan Bank. جالپى، كونتاكتىسىز تەرمينال بار بارلىق جەردە Google Pay ارقىلى تولەۋگە بولادى. ال مۇنداي نۇكتەلەر سانى ەلىمىزدە 200 مىڭنان اسادى.